بسم الله الرحمن الرحيم
الصراحه مدري كيف ابدا هالموضوع يا كثر ما اطلب وما تقصرون وتحرجوني بكرمكم الزايد
لكن انا ترددت كثير قبل لا اكتب هالموضوع او بالاحراء اني اطلب هالطلب لاني قلت اكيد بحصل اجابته بمواضيع الاخوان السابقه
و راسي دار مو موضوع لموضوع و الحمد الله طلعت بمعلومات واجد افادتني و خصوصا مشاركات الاخوان
الشاب , المنقلب , الأندلسي , الأندلسي الصغير , اMiss Uae
و لكن مدري وشلون ما عرفت اطلع جواب عن سؤالي لانه يمكن معقد ؟
على العموم انا طولت السالفه وهي قصيرة
الصراحه بديت افكر لسفرة الصيف من الحين يكمن لان السمستر هذا طويل ومافية اجازة تبرد الخاطر ؟
و للحين متردد وين بروح لكن اكبر احتمال بيكون بجولتي اسبانيا
و خاطري اعرف كم شغله علشان ارتب عدد الايام الي راح احتاجها باسبانيا
اول شيء ودي طرق التنقل بين المدن التاليه ( مدريد , طليطلة , قرطبة , اشبيلية , ملقا , غرناطة , فلنسة , برشلونة , سلمنكا )
هل بينهم سكك حديدية او وشلون يروحون لهم العالم بالتكاسي او بالطائرات ؟ وكم المسافه الي يحتاجونها
انا ما عندي ترتيب معين وابيكم تقولون لي كيف اربطهم مع بعض اذا ما عليكم كلافة لكن اهم شيء تكون اخر نقطه برشلونة اذا كان فيها مطار ولا قطار ولا اي شيء يوصلني لنيس وكان بفرنسا لاني اشوفها اقرب شيء لهم وما اعرف كيف راح اقدر اوصل لهناك من اسبانيا .
مع العلم اني مو حريص على ملقا لاني زرتها من قبل هي وماربيا
و ودي لو تعلموني اذا في مدن اقدر اروح لها وارجع بنفس اليوم خصوصا اني بكون مع شباب بس يعني ما راح نتعب اذا كانت المدينة ما تسوى اننا نبات فيها
و ياليت تقولون لي كل مدينه كم تستاهل من يوم . و ايش المدن الي ما تستاهل الزياره من الي قلتها او مافيها اماكن كثيرة للتمشيء .
واذا في مدن ما اعرفها و تستاهل الزياره ياليت تقترحونها لي و تراني ما احب اطول بالمدينه اكثر من 3 ايام
والله يعطيكم العافية
اخوكم
ksa