وعليكم السلام ورحمة الله وبركاته
هلا وغلا الغالي
عطنا تاريخ وخل الباقي علينا ولكن !!
بما أنكم عائله ليش ماتسكن ثيستل ماربل أرتش !! غرفه وسيعه وقريب من الكامبرلاند وأرخص ..المسافه بينهم دقيقه مشي ..

هلا اخوي/ القطري
مشكور يالطيب الله لا يخلينا من تعاونك و يتفضل عليك بالأجر.
التاريخ من 4 الى 13 اكتوبر ممكن يتمدد يومين فقط.
بالنسبة ل ثيستل ماربل أرتش ما اعرفه وقريت عنه بالمنتدى ان له سلبيات بسيطة.
بس ما يمنع اعرفه منك.
ومشكور مرة ثانية ولا نوفيك حقك.

اهلين اخوي/ القطري
"ماادري وين راح ردي الأول"
مشكور ياخوي وعسى الله لايحرم المنتدى واعضاءه منك.
التاريخ بيكون انشاالله من 4 الى 13 اكتوبر ويمكن يزيد يومين مب اكثر.
بالنسبة ل ثيستل ما اعرفه بس قريت احد الردود بالمنتدى كان عليه ملاحظات.
بس ما يمنع نتعرف عليه وناخذ معلومات عنه منك.
كمبرلاند جربته بس من مدة طويلة (قبل التجديد)
وابيه عشان موقعه ممتاز.
انتظر فزعتك، ومشكور يالطيب،،

كرسي سياحي
اخوي آسفه ع المداخله
انا سكنت في فندق ذيستل ماربل ارج
الغرف وسيعه والخدمه ممتازه
بس كانت مشكلتي السجاد ف الغرف جديم وعمال النظافه ف الغرف ما كانوا ينظفون زين وكانوا يفتحون الباب بدون استئذان
مسؤولة النظافه كل يوم تشوف الغرف وتسالنا عن مستوى النظافه وانا الصراحه كنت اقول لهم كل شي
اوكي
المفروض اشتكي بس كنت خايفه يصرقوني في غيابي
دمتم في حفظ الرحمن

بالنسبه للغرف انا واجهتي نفس المشكله في يوم التشيك ان في الفندق قالي الموظف كم غرفه حاجزين قلت له ثنتين قالي عيطيني اوراق الحجز عطيته قالي هاتي الجوازات عطيته 5 جوازات الا ايقولي 5 اشخاص في غرفتين ممنوع قلت شنو ممنوع قالي خلاص دفعي عالشخص الخامس 1500 جنيه طول مده الاقامه قلت اها طيب جيب الجواز الخامس
عطاني ايااه قلت هاي كان بالغلط انا اسفه هذا الشخص مب معانا انا عطيتك ايااه بالغلط
المهم تم ايرااقب عددنا خليت اختي ماتطلع قدامه ولا كان بيدبسنا ب1500 جنيه حسبي الله عليه ضايقني ذاك اليوم وانا مب عارفه ليش وشخصهم فينا اذا بنسكن 3 بغرفه الي ايقول بنرقد على روسهم اصلا انا طول عمري اسكن بنفس الفندق واخذ غرفتين وايكون ععدنا خمسه ولا احد يتكلم

هلا..
مشكورين على توضيحاتكم الهامة.
والواحد في بلد الغربة ومع اطفال قدام اي مشكلة مهما
كانت بسيطة يغرق في شبر مية. وبالتالي وده يروح وهو
مطمئن اموره سليمة حسب النظام.
ومانستغنى عن مشاركة بقية الاعضاء بالي ينورنا ويفيدنا بالموضوع.