1. مساوء الفندق :

ابو شافي في زيلامسي أي سؤال يلقى جوابه شافي بإذن الله؟
انا الحين في زيلامسي ساكن في شقق der sonnberg الفندق روعة من جد يستاهل فندق 5 نجوم
المميزات :
1- نظيف جدا الاثاث روعة وجديد
2- الموظفين تعاملهم راقي يخدمونك بعيونهم اسأل مجرب
3- الافطار روعة منوع ونيكول تشرح لك اللي يصلح لك واللي ما يصلح لك
4- تدفئ في الشقة كامله
5- حمام سونا في نفس السويت
6- انترنت بكيبل متوفر
7- صانعة شاي مطبخ صغير
8- سويت كبير مساحته ماتشوف زيها في زيلامسي
9- بلكونه بانورامية على البحيرة
10- مواقف
11- اخضر في اخضر حولك وتوجد مزرعة خيول صغيرة قريبة من الفندق بس انتبه السياج مكهرب بفولت خفيف عشان الخيول بس لا يضر بس ممكن يرعب الصغار انا مسكته وعادي ما اثر علي شوية ماسات ههه
12- هدوء يعم المنطقة
13- طاولة طعام
14- غرفة جلوس اما التلفاز يعني السويت يكفي 4
15- يوجد صالة اللعاب رياضية في الفندق وحمام سونة وجاكوزي في الاسفل وطاولة تنس لمحبي الرياضة

مساوء الفندق :

1- بعد الفندق عن وسط المدينة بعضهم يعتبرها من المميزات يعني يبي الهدوء
2- دورة المياة اعزكم الله لا يوجد بها شطاف انا شريت لي جيك للحمام بس الله يعينك لاتكثر من سكب الماء لان الحمام في جهه وحمام السباحة والسونة والمغسلة في جهه ثانية واتوقع كل حمامات فنادق اوربا زي كذا مافيها شطاف صح ولا انا غلطان
3- لا يوجد حولك أي شي يعني لو حبيت تروح البقالة او مطعم يجب عليك دق سلف السيارة واتوقع المحلات كلها تسكر الساعة 5 بس يبقى بقالة محطات البنزين ومطعم ماك وهو يقع في مكان بعيد عن وسط زيلامسي بعد يمكن 2 ك
انا اشوف الشقق هذي تصلح للمتزوجين واللي يحبون الهدوؤ ولا يحبون الازعاج واللي يحبون الوم بدري ويصحون الصباح للرحلات فقط لا يناسب الشباب العزاب ابدا لان كل شيء بعيد عنهم وانتوا تعرفون الشباب يحب التجمع والمقاهي والجلاسات في الليل بس المتزوجين يرجعون لنوم والبعد عن التجمعات بدري للفندق