عليكم السلام ورحمة الله وبركاته
بالبركه عليكم مقدما الشيخه ... وأتمنى لكم التوفيق في حياتكم ان شاء الله
اختياركم موفق لشهر العسل ... وراح تستانسون فهالبلد اللي فيه أجمل المناظر على مستوى العالم
وباذن الله راح أجاوب على كل شطر كتبتيه وأفيدك قدر الامكان
بسم الله
الرياض _دبي _2 فينا_ 3 سالزبورج_ 4 ايام زيلامسي_2فينا _دبي الرياض
وش رايك ؟
جدول مناسب جدا وأنا اعتمدته لعائلتين .. عائله توكلت وعائله مسافره تاريخ 5/8/2006 باذن الله
خطيبي رافض نطلع لميونيخ يقول ماابي المانيا مشاكل بالمطار
لان لما يشوفون امراءة متحجبة حجاب كامل يضايقونها
وش رايك انت ؟؟ كيف التفتيش هناك بفينا وميونيخ ؟
أنا رحت مع الهل النمسا وسويسرا وجربت مطاراتهم فالدخول والخروج
ولالقيت أي مضايقه أو نظره غريبه لا بالمطار ولا داخل البلد والامور ولله الحمد طيبه
فلاتحاتو هالناحيه ... وخاصة انتو رايحين فيزة سياحه .. يعني تزيدون اقتصاد بلدهم
سؤال ثاني
تستاهل سالزبورج ثلاث ايام ؟؟
نعم مناسبه والأماكن السياحيه والجداول متعدده فيها
وحتى بامكانكم زيارة ميونخ من سالزبورج لأنها قريبه وتبعد تقريبا ساعه ونصف
تطلعو لها من الصباح وترجعو فنفس اليوم المساء .. مناسبه
والسؤال الثالث
قررنا نسكن فينا بماريوت يومين والباقي ماادري نبي نمشي على مخططك
وش رايك بالفنادق اللي سكنت فيها انت كلها وتصلح للمعاريس
الفنادق اللي خذتها خمس نجوم وجميله جدا من حيث الفخامه والمستوى والخدمات والموقع
وهذا المخطط وأعتقد مريتي عليه قبل ... وان شاء الله يفيدك
https://artravelers.com
وكم تكلفنا رحلتنا تكفى لا تقول حسب صرفيتكم
0يورو الشيخه جدا مناسبه ... اللهم تشيلو معكم فيزا أو ماستر كارد احتياط للضروره
وعندي سؤال اخير
كم كلفت صرفيتكم من غير تذاكر وفنادق
0يورو كافيه ووافيه
==
وأي خدمات أو استفسارات اخرى أنا حاضر
اخوك
أبو مانع

مشكور اخوي
وماقصرت وعندي سؤال اخير
تذاكر مع فنادق كم تكلف علينا ونفس فنادقك وتذاكر سياحية لمدة 11 يوم ؟؟
سؤال اخير التفتيش كييف ماابي رجال لو رجال ماراح اروح ؟

تذاكر مع فنادق كم تكلف علينا ونفس فنادقك وتذاكر سياحية لمدة 11 يوم ؟؟
العائلتين اللي حجزت لهم نفس جدولكم بالضبط من ناحية الفنادق
اللهم هم زياده عليكم يوم اضافي في سالزبورج .. يعني جدولهم كالآتي
2 فيينا فندق الماريوت ..... 5 نجوم
4 سالزبورج فندق كراون بلازا ..... 5 نجوم
4 زلامسي فندق سي هوتيل ..... 3 نجوم
( يعيبه غرفه ضيقه ولاتوجد خدمة غرف .. لكن موقعه يشفع له )
2 فيينا فندق الماريوت ..... 5 نجوم
==
السعر الاجمالي لهذه الفنادق بالمده المذكوره ( 12 ليله ) هو 8000 درهم اماراتي
أما بخصوص سعر التذكره فهو مختلف لأن وجهتهم من دبي دايركت وانتو من الرياض
لكن من كلام الاخوان اللي من الرياض ان سعر التذكره على طيران الامارات
الرياض - دبي - فيينا - دبي - الرياض
سعر هالتذكره تقريبا مابين 3300 الى 3500 ريال سعودي
==
فلو حسبنا السعر 3500 للشخص معناته سعر التذاكر يكون 7000 ريال
نضيف عليهم 8000 ريال للفنادق يطلع السعر الاجمالي حدود 15000 ريال
==
والمواصلات نصيحتي تاخذوها من هناك ( مطار - فندق - فندق - مطار ) لأنها أرخص
التفتيش كييف ماابي رجال لو رجال ماراح اروح ؟
ذكرت لك الشيخه بأن مافي أي تفتيش
اللهم وانتو داخلين تمرو على الجهاز الآلي فقط
( وهو عباره عن ممر .. تمرو عليه وانتو ماشين )
يعني لارجال ولا حتى مره تفتشكم
==
وأي استفسار آخر حاضرين ولاتترددي

جزاك الله خير والله يجبر بخاطرك وبنمشي تحت مشورة الله ثم مشورتك
ونفس الجدول اللي عطيتنا اياه
بس ممكن طلب اخير ادري اني علة واسألتي تجيب الهم
بخصوص فندق زيلامسي
مشكلة ان الغرف ضيقة وخطيبي اهم شي عندة الغرف مايحبها ضيقة
غير فندق زيلامسي فية فندق احلى منة غير فندق قراند لان نفسياتهم سيئة ؟؟
اذا مافية ممكن صورة اذا عندك لغرف فندق زيلامسي ؟؟
وبخصوص اخر الايام ليلتين فيينا نبي نغير الفندق غير ماريوت وش رايك ؟؟ مو احسن
يعني اول يومين ماريوت واخر يومين فندق ثاني ؟؟ إلا اذا كنت حاسبها من الفنادق 8 الالف كويس كذا

مشكلة ان الغرف ضيقة وخطيبي اهم شي عندة الغرف مايحبها ضيقة
هذا اللي يعيبه ... لكن موقعه يغطي ومادري اذا دخلتي موضوعي وشفتيه أو لا
( ولكن اذا الوسع عائق عند المعرس فالأفضل اختيار فندق غيره )
غير فندق زيلامسي فية فندق احلى منة غير فندق قراند لان نفسياتهم سيئة ؟؟
فندق سي هوتيل والجراند هم طبعا القريبين من البحيره
والجراند صحيح سمعة ادارته سيئه .. لكن مش كل شخص يذمهم
لو حصلتو فيه حجز توكلو على الله
ولو ماحصلتو حجز ... هناك فنادق غير لكنها ليست على البحيره مباشرة
عندكم هاذي الشقق الجميله
وهذا موقعهم
http://www.villa-klothilde.at/englisch/index.htm
طبعا أنا ماجربتها .. ولكن اخونا الودعاني زارها ومدحها
ويقول انها قريبه من البحيره والأسواق ... وهذا مخططها
غير هذا عندكم فندق ( نيو بوست ) الاخوان يمدحوه قريب البحيره والسنتر والتلفريك
http://www.neuepost.at/eng/preisezseur.html
وعندكم أيضا فندق سالزبورج هوف .. خمس نجوم وقريب من الجراند والبحيره
http://www.salzburgerhof.at/
في غيرها كثير .. بس هالفنادق اللي أعرف مستوياتهم
وبخصوص اخر الايام ليلتين فيينا نبي نغير الفندق غير ماريوت وش رايك ؟؟ مو احسن
لو حابين تغيرو لآخر ليلتين ... عندكم فندق راديسون ساس
طبعا هو خمس نجوم ... لكن مستواه مش بمثل مستوى الماريوت
اخونا المعرس ( سلوم ) سكنه من 10 أيام تقريا ويمدحه أيضا
وهو بجنب فندق الماريوت بينهم ممر فقط
==
والسعر الاجمالي للجدول اللي قلته للعائلتين 8000 درهم للفنادق
مع العلم انكم بتكونو ليله أقل عنهم
يعني المفروض يكون السعر أقل عن 8000 لأن ليله مخصومه
انتو بتقعدو 11 ليله / 12 يوم
والسعر اللي أنا حاطه شامل 12 ليله / 13 يوم
==
واذا سكنتو فالراديسون ساس فالرجعه .. بيطلع بعد أقل من سعر الماريوت لأنه أرخص منه
==
وحاضرين للطيبين