ابو الشباب ان شاء الله تتهنى بس كونك تبي البندقيه البندقبه عن اقرب شي لها من المدن المختاره هيا زلمسي وبعدها سالزبورغ وبعدها ميونخ
البندقيه بعيده شوي عن خط سيرك يعني تقريبا في من 400 الى 500 كلم كابرون هيا تبعدعن زلمسي 5 او 8 كلم كابرون الخليج فيها بنسبه اكبر من زلمسي
ميونخ تبعد عن سالزبورغ 150كم
سالزبورغ عن كابرون 150كم
وعندك المسافه من كابرون الى فينيسيا زي ما قلت لك من 450 اى 500 كلم
هذا والله اعلم ورحله سعيده ورترجع بالسلامه ان شاء اله

الفنادق احجز من موقع booking

بما انك حاجز على البندقيه والعوده من ميونخ
فالمخطط مناسب
انصحك تروح زيلامسي مباشره بعد فينيسا بالقطار
استاجر السياره من زيلامسي وسلمها في سالسبورق وطلع بالقطار الى ميونخ
طبعا ممكن تكون اغلى شوي بس حتى لو كان فيه فرق بسيط افضل من انك تطلع سالسبورق وتاخذ السياره
وبعدها ترجع زيلامسي
بكذا يكون اكثر ترتيب واقل في المسافات
وجه نظري

مساء الخير
اتفق مع الاخ مسافر نت .. مع العلم ان الرحله من فينيسيا الى زيلامسي بالقطار طويله وفيها تغير للقطارات
تحياتي

لو تغيير من فينيسيا إلى فيينا اشوف انه اسهل لك ، خصوصاُ انك بشهر عسل يعني لو انت رايح سياحه وتمشيه ممكن
يعني لو تكون
فيينا - سالزبورغ - زيلامسي - ميونخ
نفس مخططي تقريباً بس انا بدون سالزبورغ ، وسفرتي تقريباً مثلك الرياض - دبي - فيينا
ميونخ - دبي - الرياض
متى وقت سفرتك بالضبط عشان اعلمك واقولك وين تروح وين تجي

اشكركم على الرد
لقيت مخطط احلى واريح من السابق
معليش اكتب بمعرف جديد ضيعت اللي كتبت فيه الموضوع
اصبح المخطط كالتالي
فينيسيا ليلتين
من فينيسيا الى فيلاخ بالقطار واخذ سيارة من هناك واطلع لزيلامسي
اسبوع في زيلامسي وبعدها ليلتين سالزبورغ
ثلاث ليال ميونخ والعودة
الفنادق المقترحة حتى الان
فينيسيا Locanda Vivaldi
وزيلامسي
Der Sonnberg
عطوني عرض سبع ليال ب1134 يورو
جونيور سويت
سالزبورغ وميونخ لازال البحث جاري
وانتظر رايكم في السكن بالمدينتين
اما موضوع السيارة باخذ من فيلاخ والتسليم ميونخ
ادري في ضريبة بس يضيق صدري لاصرت مربوط بشي
وبعدين كل السفرة تقريبا ومعي سيارة وقفت على اخر يومين اروح اتمرمط بالقطارات
وثانيا مافيه ولا شخص للاسف شرح هنا موضوع القطارات
للان ماعرف شلون ادخل وشلون اطلع او حتى اقص واختار القطار
من مدينة لمدينة او داخل المدن شرح وافي وشافي ماحصلت
لاتنسون اول سفرة لاوروبا وشهر عسل لو حصلت شرح وافي للقطار ممكن يريحني بموضوع التنقل بستغتي عن السيارة في سالزبورغ
لكن حتى الان ماعرف من القطار الا اسمه فقط في اوروبا
بخصوص الطقس وقت سفرتي وش بيكون
هل اخذ لبس متحفظ عن البرد
او صيف لاني متعود اسافر دايما بالصيف ولا عمري رحت بلد الجو فيه نص ونص
دايم من حر الى حر
بخصوص سفرتي
12/6/2012
وحتى
27/6/2012

والله مدري احس ان تخطيطك ملخبط
فنيسيا حلو ، اما انك تروح زيلامسي وترجع سالزبورغ صعبه
الافضل تروح سالزبورغ افضل وبعدين زيلامسي ومن زيلامسي لميونخ
والخيار لك
انا مثلك بستأجر من فيينا واسلم ميونخ وبدفع ضريبه الشكوي لله
بالنسبة للجو ، بيكون معتدل ، بس خذ جاكيت معك اما تروح مكان بارد والا شى تلبسه
بالنسبة الاندرقراوند إلى هو ( المترو ) استخدامه سهل شف هذا الرابط
https://artravelers.com/p/re/205427
السكن في زيلامسي حلو وممتاز جداً ، ميونخ انا حجزت بالفندق هذا Sofitel Munich Bayerpost ممتاز
سالزبورغ اسكن في Hotel-Annex Der Salzburger Hof لانه وقريب من محطة القطارات ومن النهر
سفرتك قبلي بيوم بس انا برجع قبلك بيوم
موفق

عندك 15ليله وهالمخطط جيد
ليلتين فينيسيا
7ليالي زيلامسي
3ليالي سالزبورغ
3ليالي ميونخ
انا خليت 7ليالي في زيلامسي لان اول يوم ضايع بالطريق
في ميونخ بيكون وصولك احد وعندك اثنين وثلاثاء والسفر الاربعاء وطبعا يوم الاحد مافي تسوق لان المحلات تقفل ممكن تروح للحديقه الانجليزيه والاولمبيه
فكرتك انك تاخذ السياره من فيلاخ وتسلمها في سالزبورغ وتنتقل بالقطار الى ميونخ مباشر وممكن تسلمها بميونخ اول ماتوصل وتدفع ضريبه اختار الاريح لك
اما وجود السياره معاك في ميونخ صعب جدا وما تقدر تتحرك فيها ابدا اسكن جنب السنتر وروح وتعال برجولك واذا تعبت اركب الترام
فندق زيلامسي روعه روعه اهنيك عليه
فندق ميونخ عندك Sofitel Munich Bayerpost او مريديان القريب منه
فندق سالزبورغ عندك شيراتون او رمادا

فجأة طلبتني لها
اختي الفندق هذا Hotel-Annex Der Salzburger Hof انا سكنت فيه بعام 2010 كان جيد بس مافيه مكيف ومواقفه مجانا ومع الفطور بس هو مبنى مقابل لفندق Der Salzburgerhof & Hotel الاستقبال والفطور بالفندق المقابل يعني يعطونك كرت تدخلينه بالباب ويفتح معاكم والمواقف لوتاخرتوا شوي تلقونها مزحومه انتبهوا لهالنقطه
وما اشوف انه ينفع للعرسان لانه مو فخم ممكن تشوفين صور عنه من هالرابط
http://www.google.com.sa/search?tbm=isch&hl=ar&source=hp&biw=1280&bih=612&q=Hotel-Annex+Der+Salzburger+Hof&gbv=2&oq=Hotel-Annex+Der+Salzburger+Hof&aq=f&aqi=&aql=&gs_sm=3&gs_upl=798l798l0l1251l1l1l0l0l0l0l0l0ll0l0