شهاليل
الأطفال لهم دفتر او بطاقات مثل دفتر العائلة ولكن يكونا مجانا مع الوالدين

وهل اشتريت السويس باس او السويس سيفر باس؟؟
اعتقد الثاني
بالتوفيق

اشتريت السويس باس نفسها اللي اخذتها السنه الماضيه
بس حاسه ان الموظف غلطان

شهاليل
والسعر والمدة والنوع ممكن اعرفهم
ومن وين ؟
قصدي من اي بلد ؟
لأنه لو من اللي عندي اكيد فيه احتمال غلط
جابوا لي الصداع يوم مامريت عليهم

هالمره اخذته من وكالة الطيار لان الزومان قالي الموقع اللي يحجز منه عطلان له ثلاث ايام !!!
واخذت حقت الاطفال لكل طفل بحدود الف ريال لدرجه اولى لمدة 15 يوم
واتصلت على الموظف اللى سوالي اياها وقالي اراجعه مره ثانيه علشان يشوف اذا فيه خطا او لا

شهاليل
هذا بلاي فيهم
ايه رجعيه وخوذي فلوسك
وهذا هو المذكور في موقعهم
Free Family Card: children between 6 and 16 travel free if
accompanied by at least one parent.
وتأكدي انه حاسب لكم سويس سافير باس
ومهب (وليس) سيفر باس
الفرق انتي اولى فيه اختي
وياليت تتأكدين من السعر اللي حسبه لكم
5يوم درجة اولى تراه بحدود 3400 - 3600 ريال للبطاقتين والأطفال مجانا
والله من اول قايل دربوا موظفيكم زين
الله الهادي وجمعة مباركة على الجميع

الله يوفقك يابوعزيز ويسّهل امرك
انا من الاول متوقعه انه غلطان لاني طلبت منه تذاكر باريس درجه اولى لنا الاربعه وتذاكر السويس باس
فكان ناوي يحجز لنا تذاكر من باريس للوزان وتذاكر من لوزان لبيرن غير السويس باس ولما نبهته ان الرحله من لوزان لبيرن من ضمن السويس باس اعتذر و دريت ان ماعنده سالفه
الشي الثاني الزومان عينّوا موظف جديد في فرع الرياض واسأله عن TimeTable يقول انهم مانزّلوا هالسنه شي واذا بتعرفون مواعيد الرحلات شوفوا موقعهم على النت !! استغربت كلامه خاصه انك يابوعزيز ذكرت مره ان التايم تيبل هالسنه لونه ازرق ولما رحت الطيار لقيته عندهم

شهاليل
جمعه مباركة وصباح الخير
عطيني عنوانك وانا ارسله DHL لك
او
حتى اخلي ام عزيز (عندكم في الرياض) توصله لك
ما راح ناخذ تكاليف زيادة
ولا يلعبون علينا هذي الوكالات الخايسه
والله انه احترق دمي من التصرفات هذي
اللحين نرجع للكلام الجد
بالفعل الكتيب ذي السنة لونه ازرق وكالعادة يجي بحجمين
حجم متوسط وآخر صغير بحجم الكف للشنطة
وهل تعرفين أن http://www.swisstravelsystem.ch/fileadmin/pdf/USD2008-e-new.pdf
حطيت جدول الزيادة فيالأسعار في الدليل
واللي يبي يشتري يلحق قبل 1 مايو
وهذي حلاة التخطيط بدري
بالتوفيق

aboaziz
نتشرف بزيارة ام عزيز الله يحيّيها
والله انك ماتقصر يابوعزيز معروفك ماننساه
الله يجزاك الجنه ويخلي لك ماعطاك
التذاكر اليوم رحت لهم ورجعتها بعد ماحاول يقنعني آخذها وقالي يبي وقت حتى يحاول يستردها عن طريق الشركه نفسها وهالشغله تبي لها كم يوم
واحتمال ماتسترد
والله ماادري وش اسوي معه توبه ان تعاملت مع هالمكاتب
شكرا ابوعزيز على الرد وياليت اللي بيستفيدون من السويس باس يتعلمون من اللي صار لي ولاياخذونها من هنا

شهاليل
تساهيل ان شاء الله
وخلف الله عليكم