شهاليــــل
28-02-2022 - 06:48 am
ابوعزيز لاهنت
بنطلع من انترلاكن الى كومو في ايطاليا وبنرجع مره ثانيه لانترلاكن
اقامتنا في كومو في فندق ميتروبول لمدة ليلتين
السؤال هل فيه قطار يودينا من انترلاكن لكومو ؟ وكم المده تقريبا ؟ ولازم حجز مسبق او لا ؟
وبالنسبه لفندق Royal St. Georges بانترلاكن مارايك فيه تعبت مالقيت حجز
وهل الفنادق في سويسرا تقبل اننا نخلي بعض الشنط عندهم في الامانات لحد مانرجع لانها يومين ماتحمل نشيل كل عفشنا واحنا بنرجع لنفس الفندق
وكذلك مصنع الشوكولاته يكون بوقتنا مسكر ( شهر مايو ) هل فيه بديل نطلع له من مونترو ؟
واخيرا ابغى رابط موضوعك عن اكوابارك
شاكره لك جزيل الشكر
شهاليل
بالنسبة للقطار لكومو
كل ساعه فيه قطار تقريبا
لكن فيه شغله مهم ان تعرفينها
وهو نوع القطار وعدد مرات الوقوف واخيرا وهو اهم شيء عدد مرات التغيير
وش اللي تبينه ؟؟؟!!
اذا ماتحبين التغيير الكثير فقطار الساعة 8 و 4 دقايق (كل ساعتين تقريبا) يقطع الرحلة بحدود 5 ساعات و48 دقيقة
وله وقفتين فقط
الأولى في لوزيرن (ساعتين) نوع القطار InterRegio, (محلي داخلي) نسميه IR
الحجز ايضا متوفر وليس اجباري ولكن يفضل
لاحظي ان حرف R ماعليه مربع مثل الخط اللي تحت
محطة لزوزيرن محطة حلوه ومريحة جدا جدا
واقترح عليكم اذا ماهي على المخطط ان تقطعون تذاكر مستقله لكل خط
الى لوزيرن ومنها تنزلون وتتقهون في الساتر بكس اللي حد البحيرة والجسر الخشبي
وتاخذون لكم لفه في المدينة الرائعة
وبعدين تكملون باقي الرحلة
هذا فقط اقتراح!
بعد 20 دقيقة ينطلق القطار الثاني الى كومو خلال 3 ساعات و شوي قريبا نوع القطار طلياني EuroCity CISALPINO MEDIOLANUM حلو مريح وسريع وهذا اللي محتاج حجز (قاعدة اي قطار فيه عبور حدود محتاج حجز) ,و نسميه ECوكل اللي مطلوب اول ماتوصلون لأنترلاكن الشرقية بالسلامة (على افتراض انكم نازلين في Royal St. Georges )
طبعا يوجد قطار ثاني يقطع نفس الرحله ب 5 ساعات لكن مع عشرطعش وقفه و تغيير
انصحك تمرين على الزومان (اذا انتي من السعودية) وتاخذين جدول الرحلات
الجودل ذي السنة لونه أزرق
مريت عليهم قبل فتره واخذت لي كم نسخه
مهم يكون دائما في شنطة ايديك
وهم تعرفين تفاصيل رحلتك
كم محطة
لأنه علشان تكونين عارفه معظم القطارات في حركة مستمره
فالواحد اول ما يدخل القطار (قبل موعد تحركه ب 5 دقاقئق) مو قبل لأنه ممكن قبله يكون فيه واحد ثاني
مهم يعرف الرصيف ورقم القطار والوقت
اذا جلس المسافر في القطار خلاص يطالع في ساعته ويضبط ساعته على تحركه
وبعدها مادام عارف في اي وقت راح تكون محطته خلاص يرتاح من القلقل اللي اشوفه على بعض المسافرين
كل شوي ناقز يسأل هل هذي المحطة الفلانية
في حالتكم من تطلعون من محطة انتلاخن الشرقية ماعندك وقفة الا بعد ساعتين
قبل كذا ماعليكم بالمحطات اللي راح يتوقف فيها القطار
ممكن تشوفي شرح لخط سيركم اللي افترضت تاريخه من عندي بعد ذلك تجد في مدينة شاموني (80كم) فيها مركز ترفيهي ممتاز ممكن تشوف تفاصيله ايضا في الدليل السياحي وبالتحديد موضوه "اقليم هو سافوا" على الرابط بعد ذلك مدينة ويلي بي خارج انيسي (110كم) مدينة ألعاب مائية جيدة ممكن تشوف تفاصيله ايضا في الدليل السياحي وبالتحديد موضوه "اقليم هو سافوا" على الرابطأو
ممكن اوروبا بارك
اذا كان اوروبا بارك فهي موجودة هنا https://artravelers.com بالنسبة للشوكولاته ممكن تروحين لمصنع فافورجيه القريب من ديفون
واللي كتبت عنه تقرير مفصل عنه في تقرير عالم الشوكولاته السويسري
غير كذا مافي الا مصنع الب روسي القريب من لقانو وبالتحديد في القرية الصناعية كاسالانو
بالتوفيق ان شاء الله