عندي سؤال اختي ابله وسميه .... اود تشريحين مكتب الكي تاورز كل شي عنه .... لاني بصراحه بروح اهناك وباخذ من هاذي الشركه رحلات كثيره مثل الشامونيه وانسي ومنترو ولوزان .... انا اعرف بعض المعلومات عنه المكتب بس اذا في شي تعرفينه عنهم وعن طريقتهم بالحجز والتنقل والمواعيد ......... ارجو الافاده ..... وشكرا

ALI_Q8_77
هلا ومرحبا اخوى الفاضل
شركه كى تورز فعلا ممتازه
وعندها رحلات حلوه
بس حابه اقولك شى مواعيدهم مضبوطه حيل
يعنى اذا تاخرت عن الرحله
يمشون عنك ،،، لان الوقت عندهم محسوب
ومكانه قريب عند فندق بريستول
وطبعا الفندق اكثر من رائع
طبعا هذا كان اختيار ابو عزوز مشرف بوابه سويسر
على العموم انا راح اعطيك الرابط http:/http://www1.wwsa.ch/keytours/index.php?option=com_content&task=view&id=25&Itemid=54
تحياتى

بالفعل اتذكر يوم كنتي فيها السنة الماضية عجبتكي كثير
ولم تكتفي بالحديث عنها
وبالفعل معذورة اختي
المنطقة كلها رائعة
وخاصة منظر كرمات العنب على المدرجات
والبحيرة في الجهة المقابلة
المنطقة مشهورة بإنتاج أفضل انواع النبيذ السويسري وأغلاه
هذا لهم..............
ماهو لنا الطبيعة الساحرة

القرية اللي توقفتوا فيها اللي فيها فندق البارون هي Chexbres
تنطق شيبغي
واسم المقاطعة Lavaux

والصور هذي راح تداعب خيالك و ذكرياتك

انا اقترحت عليكي وقتها الذهاب مع الكي تور
وفعلا نفذتي نصيحيتي
و كما توقعت اسرت مناظر الريفيرا السويسرية قلبك
فكرة توقف الكي تور في البارون ايضا ممتازة
LE BARON TAVERNIER HOTEL

وليه لا ممكن تسكنين فيه
للأسف فيه اماكن مثل هذه لا أحب الحديث كثيرا عنها لسبب او آخر
المسافة من الفندق 7 كم فقط لفيفي
و 11 كم الى منترو
المنطقة كلها محمية طبيعية و هي احدى مناطق اليونسكو للتراث العالمي - UNESCO World Heritage Sites.
اللحين
ممكن تطلقين سراحي

انا اسفه ما راح اقولك مشكور
اتعرف ليش كلمه شكرا شويه عليك برافو عليك
راح اقولك
الله يجزاك الف خير
الصور خلتنى من باجر احجز على سويسرا
تبى الصراحه مرض الانفلونز الخنازير ما وقفت احد عن السفر
الكل الان مجهز نفسه للسفر ولا همهم هذا المرض
الله يكفينا شره
أمين
فعلا كان الفندق فوق الروعه ليش ما تبغا الحديث عنها ابو عزوز
هل يمكن علشان مو منطقه سياحيه ؟
طبعا المكان جدا اخذ عقلى
لدرجه ودى اعرف مكانه
بس ما رديت على سؤال واحد هل يوجد فيها موصلات
قريبه منها يعنى هل المحطه القطار قريبه ايضا منها
ارجو الافاده
يارب محد يقيد سراحك
انت حرا طليق
ههه
وتقبل تحياتى

ابو عزوز ادرى اسالتى ياكثرها
بس والله العشم فيك كبير
سؤالى للكل
انا عجبنى فندق كولدن
هل يوجد موصلات للفندق كولدن
وجم يبعد عن السنتر مشيا على الاقدام
وايضا هل يوجد موصلات ياخذنى للسنتر
وهل تنصحونى فيه
تحياتى

يوجد بالقرب من البارون محطة قطار على بعد 6 دقائق مش
شوفي هذا الرابط المفيد للقنادق الموجودة في هذه المنطقة
http://www.swiss-riviera.com/hotels/hotels_lav.html
وهذا بالتحديد
http://www.hotelrivagelutry.ch/en.html

حمستوني معكم
سؤال وحده ميح في اوروبا؟
هالمكان وهالفندق اللي خارشكم خرش وينه؟يعني هو قريب لأنتر لاكن أو جنيف؟
ويسوى الزيارة للدرجة هذي؟
وسعر الفندق كيف؟ وهل يصلح لعائلة وأطفال؟
وشكرا

لا يا خوى هالفندق هذا لها قصه
انا لما كنت مع شركه كى تورز للرحلات اخذونا لهذا المكان الموجد فيها الفندق
وانا ايضا ما اعرف هل المكان اللي فيه الفندق مكان سياحى والسؤال (( عند ابو عزوز ))
طبعا انت اسكن بانترلاكن حيل حلوه
وراح تنبسط فيها

أبله وسميه
والله استدار راسي ما صرت اميز اختي او اخوي
والعذر اذا رديت بالصيغة الخطأ من قبل
لكن قاعدتي هو ان المعلومة توصل وهذا هو بيت القصيدمثل هذه الفنادق - البارون
و ديفيل في لوتري
والبلاس في قستاد
والبيروفاج - اوشي
وكولوم في سانكت مورتيز
والرومير تورم في فلزباخ
والرائع تغوا كورنيه
http://www.hotel3couronnes.ch
فنادق خاصة جدا للكبلز.
خاصة ان مثل هذه الفنادق لها اتيكيتها و بروتوكولاتها الخاصة و خصوصا وقت العشاء في المطعم والتجول في الفندق.....الخ
والذي اعتبره تجرية ممتازة للعرسان
http://www.ghotw.com/list/country/romantic/switzerland.htm
الصغار والعائلة الكبيرة ظلم لهم فيها
ومثل ماتفضلت ابله وسميه انترلاكن رائعة للعوائل
وايضا ديفون على ضواحي جنيف
المكان هناك مهيأ للعوائل
وحتى انهم هذه السنة عاملين برامج وليلات رمضانية (كثر منها) في فنادق انترلاكن
ممكن تشوفها تشوفينها في الدليل تحت مواضيع انترلاكن
بالتوفيق