https://artravelers.com/p/re/643470
في جدول كل شي فيه وتقدر تختار الايام اللي تبيها وتحذف اللي ماتبيه
وحياكم الله

أفضل المجمعات التجارية :-
الأفنيوز - مجمع 360 - مارينا مول - سوق شرق - اولمبيا مول - مجمع الراية - مجمع الكوت - سوق السالمية - سوق الكويت
المركز العلمي - المدينة الترفيهية - ديسكفري مول للأطفال - الجزيرة الخضراء
أفضل المطاعم :-
التسيمو الايطالي في برج النصار - دون ماريوز الايطالي في قرية الضيافة عند ابراج الكويت - لونوتر الفرنسي في شارع الخليج - ريكاردو الايطالي في الشيراتون .

خشيتتع الروابط الله يعافيكم لكن وجدت معلومات كثيرة مره يبغالها واحد بيجلس
شهر في الكويت
ياليت تختصرون افضل الاماكن والمجمعات لان زيارتي 4 ايام فقط

1. وبعدين دشوا الفيلم اللي حجزتوا له ..


2. اليوم 2:


3. اليوم الثالث :


4. بس لاتكشخون في هاليوم واايد وراكم لعب


5. اليوم الرابع :


6. الصبح اتريقون في الفندق اتسون ريوق بيتوتي

اليوم الاول: يوم الوصول
اذا قلنا وصلتوا الصبح ورحتوا الفندق وريحتوا وصليتوا الظهر تطلعون وتروحون اتغدون في
الغدا : مطعم ميس الغانم ( لبناني ) ، منطقة شرق ، على شارع الخليج العربي على البحر ..
بعد الغدا تروحون يمه سوق شرق اتمشون واتسوقون فيه وتقعدون في الكافيهات اللي على المرسى وعقب تطلعون منه وتروحون ..
متحف بيت ديكسون ( بيت المقيم السياسي البريطاني في الكويت ) منطقة شرق مقابل وزارة الخارجيه وبجانب وزارة التخطيط ، يعني اذا طلعتوا من سوق شرق اخذوا يمين وراح تلقونه على ايدكم اليسار ..
وبعده متحف بيت السدو على شارع الخليج العربي رقمهم 22432395 ، وبعدين ترجعون الفندق اتريحون بو ساعه وتطلعون على مارينا مول اتمشون و تحجزون فيلم وقت متأخر دشون بعد العشا ..
اذا ماتبون المتحاف تقدرون اتبدلونهم في يوم البحار العاب لليهال واكل شعبي او مقى سليمان شميمري يم سوق شرق ..
العشا مطعم ماكي (ياباني) في مارينا ويفز تطلع من جسر مارينا مول يوديك على جهة المطاعم على البحر في مكان بالنص شكل خيمه بنص البحر المطعم موجود اهناك اكله واايد حلو او المطعم اللي يمه ايطالي واكله حلو ..
وبعدها اتحلون في living room cafe تحتهم القعده مو طبيعيه بس لبسوا عدل (اذا كان الجو شتوي )

وبعدين دشوا الفيلم اللي حجزتوا له ..

اليوم 2:

الصبح على ال 9 اتريقون في مطعم واايد حلو اسمة ريوق ، منطقة الشعب البحري ، قطعه 8 بجانب مطعم فيلا فيروز ،، اذا كنتوا ماشين على خط فحيحيل باتجاه مدينه الكويت راح تصير الشعب على ايدكم اليمين الفرعي الثاني تدخلون وتمشون اشوي سيده تشوفون فيلا فيروز يمينكم دشوا يمين وبتشوفون المطعم ..
وبعد الريوق اتروحون تطلعون على خط فحيحيل باتجاه مدينه الكويت وتروحون سوق المباركيه بما ان الجو حلو ويحتوي على كل شي ( الذهب ، الملابس ، البشوت ، المسابييح ، العطور ، المكياج ، الخضار ، الفواكة والخ .... ) بعد ما اتخلصون تسوق وتمشي اتغدون في احد المطاعم الشعبيه اكلهم ترا وايد حلو عندكم ( دلق سهيل ، السيخ البحريني والخ ... من مطااعم ) ..
العصر تروحون متحف طارق رجب : عنوانهم الجابريه ، قطعه 12 ، شارع 5 ، اوقاتهم من 9-12 الظهر ومن 4-7 المسا تليفونهم 25317358 او 25339063.
اذا ماتبون المتحف اتبدلونه مع مجمع ديسكفري للاطفال اذا معاكم ..
بعد المتحف المغرب تروحون سوق السالميه الاحمر مكانه عند دوار الجوازات الدائري الخامس اتسوقون واتمشون فيه ..
العشاء على الساعه 10 مطعم الصنوبر (لبناني ) السالميه شارع البلاجات على البحر ..

اليوم الثالث :

الصبح اتريقون على 9:30 او 10 مطعم لونوتر في مول 360 منطقة جنوب السره على الدائري السادس ريوقهم وايد حلوو بوفيه وبعد الريوق اتمشون واتسوقون في المول وفي لادوريه كافيه عندهم خوش ماكروون او كافيه كاكاو اكلهم لذيذ وريوقهم بعد لذيذ

بس لاتكشخون في هاليوم واايد وراكم لعب

عقب ما اتخلصون سوق وتمشي اتغدون في مطعم B+F (امريكي ) اعتقد بس وايد لذيذ ،، عقب اتصلون العصر في المول وتتجهون منطقة صبحان المنطقه مقابله لمنطقه جنوب السره وتروحون نادي الصيد والفروسيه ترمون اشوي وتركبون الخيل الدائري السادس بجانب مستشفى القوات المسلحة http://www.facebook.com/group.php?gid=54325662250
ورقمهم 24717271
وبعدين المنطقه اللي بجنب صبحان والمطار منطقه الضجيج تروحون وتسابقون سيارات PRO KART هذي خريطتهم ورقمهم 90096121 فاتحين من 10 ص لي 12 مساء
http://www.facebook.com/photo.php?fbid=146680515364330&set=a.146670982031950.21198.146408922058156
بعد ما اتخلصون تروحون الفندق تريحون وبعد صلاه العشا تروحون منطقه البدع ، شارع التعاون عند الفنادق موفنبيك وشيك وريجينسي قعدات خارجيه كافيهات ومطااعم اتعشون في مطعم المياس ( لبناني ) داخل منتجع شيك يطل على البحر الاكل حلو والقعده حلووه ،، او المطعم الايطالي ما اعرف اسمه اعلانه بالمقلوب يمه جافا ديتور كافيه ... وبعدين اتحلون في شوكلت بار عند الموفنبيك ..
او اتعشون في فريج صويلح بالسالميه او المباركيه حلو ه بالليل او ميس الغانم او تروحون منطقه فحيحيل واتمشون فيها واتعشون في المطاعم اللي في سبونز ..

اليوم الرابع :

الصبح اتريقون في الفندق اتسون ريوق بيتوتي

نخي وباجيلا وخبز ايراني جبن وخيار وزيتون من هالسوالف على اذان الظهر اتصلون واتوكلون على الله منطقة الدوحه ( المدينه الترفيهيه ) لي المغرب يعني لي 5 وبعدها تردون الفندق اتريحون ساعه او ساعه ونص ،، وتوكلون على الله باتجاه مجمع الافنيوز على الدائري الخامس اتسوقون واتمشون فيه ..
العشا في نفس المجمع مطعم NAPKET ايطالي وحلو او مطعم رايس (شبه كويتي ) او فيلا فيروز (لبناني )
بعد العشا تدخلون السينما بالليل ..

الف شكر على اهتمامك

أشهر مكان بالكويت الأبراج
لا أعتقد أن الزياره للكويت تحلى بدون زيارتها
تحيه للكويت وأهلها

بصراحة اختي مشرفة الكويت ماقصرتي الله يعطيك الصحة والعافية واسم على مسمى وتستاهلي كل خير بعدك الواحد مايقدر يضيف شي بعد هالجدول الطيب يمال الخيرياكويت وتعيش ياكويت
بس اضم صوتي لصوتك انهم يزورون سوق المباركية فهو جدير بالزيارة والله يعطيك العافية.
(وأسأل الله لكم التوفيق ياهمام وتاصلون بالسلامه وتسانسون وترجعون بالسلامه ولاتشوفون الا كل خير امين يارب العالمين)
ترى ماقلت شي قلت راي وقلت وجهة نظرعلى ماقال اخينا سعود في برنامجه الله يحفظه
اخوكم بو خالد