امي حبيبتي
09-09-2022 - 10:17 am
السلام عليكم جميعاً
بما ان أخوي يدرس بلوس انجلوس
فكرنا نروح بدل لا هو يجينا (الرحله مو الحين بس بجهز لها بدري ارخص للتذاكر واللذي منو)
ولكن عندي كذا استفسار (طويله لكن تحملوني)
اولا المده راح تكون شهر بإذن الله وعددنا 5 كلنا بالغين بدون اطفال
من 15 سنه وطالع
اغلب اسئلتي عن المصاريف
اول شي كم اسعار التذاكر بين نيويورك ولوس انجلوس للشخص الواحد؟
كم اسعار الشقق المفروشه هناك لمدة شهر؟ (ما راح نحجزها من الرياض اخوي يحجز لنا من هناك)
ماراح نتمشى كثير بين المدن بما ان اخوي يدرس غالباً راح نستقر بلوس انجلوس
ولكن بتكون دزني لاند أحد المخططات, هل يكفيها نروح لها يوم ونرجع والا لازم كذا يوم ؟
هل المواد الغذائيه غاليه هناك؟
هل ممكن ناخذ معنا من الرياض قهوه وهيل وبهارات وهالخرابيط؟
كم تتوقعون راح تكون مصاريف شهر ل 5 اشخاص(باستثناء التذاكر من الرياض ل نيويورك)
ورحلة دزني لاند بلحالها كم راح تكلفنا تقريباً ؟
وقلت لكم ما راح تكون يومياً تمشي لانها شهر المده نوعا ما طويله
بالنسبة للحجاب هل راح نشوف مضايقات
والسؤال الاخير بما اني بنت وانا اكبر المسافرين بعد ماما.. انا اللي راح اقود الدفه
وش الصعوبات اللي راح اوجهها ؟؟
باقي سؤال بس نسيته
ترا لي اسبوع ادور عن اجوبه لهالأسئله بس ما لقيت قلت مالي الا اسأل هنا واهل الخبره ما راح يقصرون
انتظر الاجابات الله يعافيكم مقدماً
سعر التذكرة تختلف حسب حجزك وقرب موعد سفرك ونوع الخطوط الناقلة ولا تنسى ان المسافة بين نيويورك ولوس انجلوس ست ساعات بالطائرة
اما المصروف اليومي اعتقد لا يتعدى 300 دولار كمتوسط
اما دزني لاند فاذا كانت مثل نيويورك فهي في حدود 87 دولار للشخص الواحد
وسعر الشقق ليس لدي فكرة واضحة لكن مما اسمع ان السكن بالضواحي القريبة من المدينة ارخص واهدأ من صخب المدينة
تحياتي لك ,,,,