كل الاماكن اللي كاتبتها هي صح فيها الدراعات والحجابات واللفات ...اللي تبينها .......
في طرح يعني لفات تلاقينها بالجمعيات التعاونيه مثلا بجمعية الفيحاء...وجمعية بيان ...وغيرها ...
تبين ماركات تلاقينها في محل فولار بالافنيوز والمارينا ....
والدراريع تلاقينها في مجمع الاوقاف.......او بالمعارض النسائيه وهذه تلاقينها في اعلانات الجرايد بمواعيدها واماكنها .....
واذا بعد في شي يفيدونج فيه الاعضاء .
حياكم الله في الكويت

تسلمين عيوني
لكن بغيت تقولين وين مكان الرحلات البحريه
الشي الثاني كيف ارتب الاماكن الي ابروحلها بثلاث ايام
شاكرع مرورك وردودك

اليوم الاول
الافنيوز قريب من منطقه الفروانيه ..
والفروانيه فيه عده اسواق منها العربيد للجلابيات ..
النمران للطرح والعبي
المغاتير وفيه محلات حلوه للعبي والطرح وفيه محل حراير شغلهم مميز ..
سوق كرز .. قصر السلطان .. سوق الامتياز فيهم اواني منزليه حلوه وشنط للشاي
انصحك انك تروحين الفروانيه الصبح لان بالليل زحمه وبيضيع وقتك بالزحام .. ومن المغرب لين الليل تتمشين بالافنيوز وتتعشين فيه والمطاعم عديده فيها كل مالذ وطاباليوم الثاني
السالميه .. فيه المارينا مول + شارع سالم المبارك قدام المارينا هالشارع فيه عده مجمعات حلوه المارينا .. الفنار ..
ليلى غاليري كله محلات فساتين سهره
وغاليريا 2000 فيه محلات ومصممين معروفين وعالمين
سوق السالميه الاحمر عند دوار الجوازات فيه كل شي من الابره للصاروخ على قولتهم
سوق المباركيه حلو حلاته بالليل وفيه مطاعم شعبيه حلوه تعشي مع زوجك وانصحك بمطعم الوليمه عند سوق الخضار واللحوماليوم الثالث
مجمع 360
ورحله بحريه مع زوجك بس ماعندي فكره عن الاماكن
اتوقع تحصلين عند سوق شرق و المارينا مول و الكوت
وبس اتمنى اني افدتك
واي سؤال انا بالخدمه .. حياج الله

يسوري حليم
وحياكم الله وسامحينا عالقصور

الرحلة البحرية تاخذونها من مركز سلطان البحر
يمه اكو كشك
او بالمارينا صوب البحر