حبيبي أول شي حياك الله في بلدك الكويت .. وبالنسبة للكويت في فترة العيد هم زيمه وراح يكون الجو واايد ممتاز وراح تنبسط إنشالله بالفترة هذه وخصوصا لأنها فترة عطله ف تلقه أغلب المطاعم يسون حفلات وكذلك دور العرض للسينما تجييب أفلام جديدة .. وبالنسبة للقرب ترة الكويت بلد صغيرة يعني لو تسكن وين ما تسكن راح تكون قريب من كل شي .. بس إنت محدد على الكورنيش يعني راح أنصحك بفندق المارينا لأنه على الكورنيش هذا أولا .. وتقدر تمشي من الفندق إلي مجمع المارينا ..
أتمنى إني أكون قد أفدتك

اخوي انا مااحددت على الكورنيش بس ابغى شيئ سعره حلو ومعقول
ومنكم نستفيد

حياج الله بالكويت بأي وقت
انصح بفندق المارينا ( الكورنيش) موقعه ممتاز و كل شي يمج
سفر بالسياره حلو و في مغامرات
بس لا تنسين ان بالعيد بكون زحمه
بالسلامة ان شاء الله
و ان شاء الله نسمع منج اللي اسر
تحياتي لج
زعطوطه

حياك الله بالكويت وفيها كثير من
اما اذا تبي شي رخيص ونظام شقق فندقية تقدر تروح على رفاد ريزدانس http://www.q8shots.com/kuwait-hotels/refad-hotels-resorts/في المهبولة مكان نظيف وحلو بس مو يم المحلات انت قلت بتروح في السيارة ما راح يكون عندك مشكلة قريب من كل شي. وبعيد عن الزحمة.
تقدر تشوف الكثير من http://www.q8shots.com

توجد الجميع من الفنادق والشقق الفندقية فى منطقة السالمية
وحسب الميزانية راح تحدد السكن
بالنسبة لى شخصيا انصح بالسكن فى فندق المرينامول
وراح يكون جنبكم كل شى ان شاء الله

طيب كم سعر المارينا وكم رقمهم احنا شخصين انا وزوجي بس
مشكورين باانتظاركم

فترة العيد تكون الزحمة شديدة وقد تفسد زيارتك وحياكم الله

مرحبا يالبندري المارينا مول سعرة 97 دينار مع الأفطار
والكورنيش 50 دينار الديلوكس رووم
وحيج الله بالكويت