السلام عليكم ورحمة الله وبركاته
كيفكم؟؟عساكم بخير
المهم يا اخوان انا طالب متخرج من الثانويه
وقدمت على جامعة الملك عبدالعزيز والحمد لله قبلوني لكن خبركم سنه تحضيريه يبغالها انقلش واللغه عندي لك عليهاا
المهم ان الوالد الله يحفظه عطاني فكره وهي
اني اطلب من الجامعه تاجيل ترم اللي هو الترم الاول واستغلها واخذ كورس انقلش ثلاث شهور في نيوزلندا
المهم ان الفكره عجبتني وقلت للوالد قييداام
لكن المشكله اني مدري وش اسوي
يعني انا جداً مييح في السفريات ولا لي فيها بالذات اللي عن طريق الجو وخارجيه بعد فيها جواز وفيزا ومدري ايش
وعندي عدة استفسارات
1-كم تكلفة الدراسه مع الطيران والعاايله والمعهد والمصروفات والفيزا وكلش من والى؟؟ (طبعا بالريال السعودي مالي بالدولار النيوزلندي ولا اعرف فيه)
2-للطلاب المجربيين هل تنصحوني بالدراسه في نيوزلاندا ولا اشوف لي دوله ثانيه؟؟ واللي يقولون نيوزلاندا ماهي اسباب اختيارك للدوله هذي؟؟
3-وش تنصحوني احجز عن طريق مكاتب سياحيه ولا اروح نيوزلاندا واحجز كل شي هناك يعني عايله ومعهد ؟؟لاني سمعت ان الحجز من هناك ارخص بكثيير(ياليت لو احد يعرف كم الفرق في السعر)
والمشكله اني معرف شي هناك خايف اروح على اني احجز من هناك واتوهق واقول ليتني دفعت الفرق وحجزت عن طريق المكاتب. ياليت تفيدوني في هالنقطه؟؟
4- وش تعني كلمة الترانزيت؟؟ لاني اشوف اعضاء يكتبون الترانزيت ساعتين واللي ثمان ساعات والله مدري وش الهرجه ههه
5-هل يمديني اطلع فيزا من نيوزلاندا ولا لازم من السعوديه؟؟ واذا يمديني وش الفرق بين الثنتين؟ وايش الافضل؟؟
6- ودي اسأل بس والله مدري اسالكم عن ايش
ههه
لكن تكفوون اي واحد عنده معلوومه اضافيه او شي جاا في خاطره ووده يعلمني به تكفون لاتبخلون علي اعتبروني اخوكم الصغير ورايح نيوزلاندا*
وفي الاخيير اعذروني جداً جداً جداً على الاطاله وكثرة الاسئله
اخوكم غشييم والله يعينكم عليه
وكل عام والجميع بخير
محبكم :
Dhis