اخوي اذا انت بتيي من لندن بالقطار
فبتمر اول شي على يورو دزني اقعد يومين ( يوم يورو دزني ويوم الاوت ليت وهو السوق او اللي يسمونا لافيلا فيلاج وفيه فندق ومطاعم وقهاوي )
وباريس ممكن تروح برج ايفل
ورحله بنهر السين
قصر فورساي اذا كنت من المهتمين بالقصور والعماره وحياة الملوك اول
متحف اللوفر
اركب الباص الاحمر المكشوف في الشانز ياخذ فيك فره على المناطق في باريس وشارع الشانز كل يوم تقدر تقعد فيه باليل قهاوي ومطاعم وبعض المحلات تفتح لي 12 باليل
ممكن تروح المونمارت وهي اعلى هضبه في باريس ممكن تشوف باريس كلها منها وفيها كنيسه ويفضل تروحلها في الاجازه عندهم لانها تكون مزدحمه وفيه قهاوي ورسامين ومهرجين ومطاعم
عندك الحي اللاتيني على النهر وقهاوي وتمشي هم حلو
تقدر تروح متحف الشمع والاوبرا - تقدر تروح السوق وعندك غاليري لافييت روعه للتسوق مجمع كامل للشباب
ممكن تمر جنيف يوم كامل تروحلها بالقطار وترجع باليل هم حلوه
ولأي سؤال احنا بالخدمه

هلا بك اديم..وشكرا على ردك
انا في بالي انا اخذ القطار من لندن لباريس..بس ماني عارف كم يوم ممكن اجلس في باريس
يعني ابي تخطيط بالايام لمدة 10 ايام عشان ابغاه تكون مرتبة بشكل مميز وماتكون متعبه من ناحية كثرة السفر..بالتحديد ابغا اركز على فرنسا بس
تحياتي لك وشكرا على تجاوبك معاي

أديم
مرحبا اديم وشكرا على اقتراحك مره حلو
طيب ايش رايك بسوق الاوت لت يسوى من يروح له وايش الماركات الموجوده فيه ومثال على اسعارها ؟
كمان بسألك انا رايحه بلريس بس مااحس لازم اسكن بيورو ديزني على اني مخصصه لها يومين فايش رايك تفضلي اسكن فيها ؟محسن
ايش رايك تاخذ 4 ايام باريس و2 يوروديزني و2 انسي على حدود سويسرا واخر يومين في لندن ولا اذا مو معاك المدام مايحتاج انسي مو لازم الرومانسيه خليها 4 ايام بلندن

سلام حاجة غير
تسلم على الاقتراح الحلو
واذا فيه اقتراحات كمان وجداول كمان اكون شاكرا جدا
تحياتي لك
حاجه غير

حاجه غير
اخوي بالنسبه لسوق الاوت ليت انا مازرته لاني لما رحتله كان مسكر وماحصلي ازوره
لكن على كلام اهلي واصدقائي والمنتدى لما تروح اول الصيف تكون فيه بضايع وتلقى اشياء وباسعار لؤطه واحيانا يروح ماكو شي وكل شي مخلص وبضاعه اي كلام ومافيها زود
وبالنسبه لديزني يعني اذا تنت معاك اطفال اقعد يومين لكن اذا ما معاك لا لا تقعد فيها روح لها زياره يوم واذا خلصت مبجر منها وشبعت وقبل الساعه 7 ممكن تمر الاوت ليت تلقي نظره
واتمنى اني كفيت بجوابي ولاي سؤال انا حاضره

رحلة 10 ايام باريس
اليوم الاول : الوصول إلى لندن وقطع تذكره بالمترو لباريس او عن طريق الطيران الداخلي ( مع انه لو تحصل دايركت باريس افضل ) واخر اليوم تتمشى بالشانز
اليوم الثاني : قطع تذكرة الباص الاحمر واخذ جوله بالباص على معالم باريس بشكل سريع وباليل تتسوق وتتعشى بالشانز
اليوم الثالث : الذهاب إلى يورو ديزني والتمتع بدخول الحديقتين والمرور على الاوت ليت
اليوم الرابع : الذهاب لبرج ايفل وصعود البرج واخذ جوله بنهر السين باحد القوارب
اليوم الخامس : الذهاب إلى المونمارت والحي اللاتيني ويفضل الذهاب إليها بيوم اجازه لوجود المهرجين والرسامين ويكون الجو يونس والمونمارت هي اعلى هضبه في باريس ممكن تشوف باريس كلها منها وفيها كنيسه والحي اللاتيني وهو حي يطل على النهر كله قهاوي وكوشكات يبيعون كتب وحلوه للتمشي
اليوم السادس : قصر فورساي
اليوم السابع : متحف للوفر ومتحف الشمع
اليوم الثامن : اختار منطقه خارجيه ممكن تروح جنيف وترجع بنفس اليوم او انسى ويسمونها فنيسيا الفرنسيه او شامونيه ويوجد بها قمه جبليه المونت بلانك والزحليقه الجبليه
اليوم التاسع : تسوق بالغاليري لافييت او ممكن تروح اللاديفانس وهي المنطقه الحديثه تشوفها وتدخل احدها مجمعاتها واللي هو الفصول الاربعه
اليوم العاشر : التجهيز للعوده إلى لندن
يالله هذا برنامج اتمنى يعجبك وبالتوفيق

مشكور يالغالي..والله يفرج لك يارب..
تحياتي لك
أديم

امين اجمعين حاضرين اخوي
وبالتوفيق ان شاءالله رحله سعيده