ابشركم يا اخوان
رحت للسفارة النمساوية اليوم وقبلوا اوراقي اليوم ولا عاقوا
جيتهم الساعة 8,00 صباحا وخذت رقم من الحارس وكان رقمي 9
يوم جت الساعة 9,00 فتحوا الباب وقالي الحارس معك جوال حطه عندي أو بالسيارة
وخذ مني بطاقة الأحوال وعطاني رقم ودخلني
يوم جت الساعة 9,45 جاء دوري عند الموظفة وخذت كل الابليكيشنات اللي معي 4 لي ولزوجتي ولعيالي2
وخذت كل الاوراق والصور وقعدت يمكن 5 دقايق ترتبهم وتكمل الفراغات الناقصة
همين جتني وقالت عطني 654 ريال رسوم تاشيرتين كبار وبالنسبة للصغار ماعليهم رسوم
وعطتني ورقة مكتوب فيها اسمي وقالت ندق عليك بعد 10-12 يوم تستلم الجوازات

• مهم بالنسبة للصور فانا جبت صورتين لزوجتي نفس صور الجواز وصورتين الوجه واضح اكثر ، قامت خذت الصور اللي مطلعها للجواز وخلت الثانيات وبالنسبة للعيال عطيتها نفس الصور اللي طلعتها للجواز ولا صورتهم صورة جديدة

بس انا اللي خذوا مني صور جديدة مكشوف الراس
باختصار يقبلون الصور اللي انت مطلعها للجواز نفسها ولا يحتاج صور جديدة وفلسفة 3.5x4.5 ما يدققون واجد بالصور!!
تكفي 4x6

• مهم بالنسبة للي عنده تامين من العمل فيكفي تخاطب شركة التامين ويرسلون لك فاكس بانه يغطي خارج المملكة

أنا تأمين العمل عندي بوبا وقبلوه السفارة لي ولعيالي