:smile002:
السلام عليكم
مبروك للطلاب الانتهاء من الاختبارات واجازه سعيده :bounce8::8888:
حبيت اني افيد المواطنيين السعوديين اللي يرغبون بعمل التأشيرة بالعمل على تقديمها من السفارة
بالرياض لانها ارخص من ارامكس بكثير بالرياض يكلفك الجواز الواحد 276 ريال فقط
بينما بواسطة ارامكس 260 درهم اماراتي + 190 درهم اماراتي = 450 درهم اماراتي وكلها بضمان بنكي ويمكن ياخذون عليك البنوك رسوم على الضمان البنكي هذا ):112:
يعني 500 ريال سعودي مع فرق العمله واحسب الفرق هذا مع اكثر من جواز
المهم انا اليوم استلمت ( الفيزا ) :8888: من سفارة استراليا بالرياض عبر الايميل واليكم التفاصيل :
كلمت على السفارة بالرياض وهذا رقمهم 4887788
واخترت رقم 4 للغه العربية ثم رقم 7 للمساعدة واستفسرت عن طريقة التقديم على تأشيرة الدخول
للسياحة عن طريق السفارة وقالت الموظفة ممكن للسعوديين فقط وهذي الشروط :
1- تعبئة النموذج (48R ARA ) النموذج العربي ولكن بالانجليزي أو النموذج الانجليزي
http://www.immi.gov.au/allforms/foreign/48rara.pdf
2- تعريف بالراتب من العمل
3 - كشف حساب لاخر ثلاث شهور من البنك بالانجليزي
4 - صورة واحدة للشخص
5 - احضار الجواز الاصلي ( يتم ارجاعه )
6- برنت حجز طيران وسكن فندق ( مبدئي ) ( مسوي الحجز بشهر مارس والا نيتي شهر 7 او 8 )
7- خطاب تأمين صحي ( إن أمكن )
8 - قيمة التأشيرة للجواز بمن فيه 276 ريال نقدا .
( الرسوم للجواز الواحد حتى لو كان الاولاد مضافين مع جواز امهم )
المهم جهزت الطلبات كلها وكلمتهم الثلاثاء 3 فبراير وقالوا متى تبي موعدك قلت السبت 7 فبراير
( طبعا دوامهم من السبت الى الاربعاء من 8 ص إلى 3.30 عصر ) الخميس والجمعة اجازة
رحت على الموعد 7 فبراير وعطيتهم الاوراق وخذو سكنر للجواز ورجعوه ودفعت المبلغ بالريال وقالو بعد
اسبوع الى اسبوعين المهم شيكت اليوم 16 فبراير على الايميل ولقيتهم مرسلين التأشيرة ومكتوب فيها
ان مدتها سنتين مفتوح عدد الزيارات ولكل زيارة مدة مكوث لاتزيد عن 3 شهور
يعني جلست التأشيرة فقط 9 أيام
عاد انا كلمتهم وقلت وش المطلوب الآن هل احضر الجواز لعمل الاستكر , قالوا لا خلاص ما يحتاج
اطبع المرفق اللي بالايميل ( ورقة موقعه ومختومه ) وهذي تاشيرتك
ما يحتاج للسعوديين استكر مثل اول
حبيت افيدكم بما حصل معي ولكم التحية والتقدير ...