انا احس ان الاطفال تحت ست سنوات ..
ما ينفع لهم السفر ... يتبهذلون و يتعبون ... و يقلقون راحة اهلهم ..
اعتقد لو تتركه عند الاهل و تطلعون شهر عسل ثاني احسن لكم

اهلا انا اشوف انكم تخذون ابنكم معكم و الله ارح لكم نفسيا يعني انتم ما تفقدونه و هو ما يفقدكم و بصراحه ولو يمرض ما راح احد يرعاه مثلكم ابدا وهو ما يحس بالحنان الا عندكم
وعاد انتم و راحتكم
و رحله سعيده باذن الله

انا مره رحت بدون ولدي وندمت ولا استمتعت بالأجازه كل ماشوف عائله معهم عيالهم
اقول ياحظهم .. صدقيني ماراح تستمتعين بدونه انا عندي طفل عمره 7 شهور واذا سافرت راح
اخذه .. بس ماقلتيلي وشلون راح تأخذين الحليب حقه ؟؟

سبحان الله حالك من حالي انا عندي طفل عمره عمره 7 شهور بس انه ما طلعت فيزا له
والحين جالس مشاورات مع المدام ناخذه ولا نتركه
سألت من سبقي بالتجربة والكل فضل ترك الطفل افضل له (من ناحية تغير الجو) وافضل لكم ( ماراح يتعبكم)
لكن امه قلبها مره مو معطيها انها تخليه حتى انها مستعدة للتنازل عن الرحلة مقابل أخذه
ما اقول غير الله يعيننا وييعنكم ويختار الي فيه الخير والصالح
تحياتي

شوفي اخواني و اخواتي ..انا سبق واخذت ابنتي وعمرها9 شهور..وحمدالله انبسطنا بالنمسا...بس جيبو حليب يكفيكم كل الرحلة لان نوعية حليبهم تختلف....هذا قبل 6 سنوات....العمر هذا مو مؤذي جدا لانك تتحكمون فيه بالعربية....موفقون جميعا

الف شكر لكم جميعا على ارائكم والظاهر اني خلاص قررت اني أخذه لاني اخاف يحصل له شي واتندم طول عمري
بعدين اخاف اننا ما ناخذه وثاني يوم نكون راجعين
اعذروني هذا أول مولود ............

والله قرار صعب
انا عندي بنتين الأولى 3 سنوات ونصف وبتروح معنا ان شاء الله والثانية 6 شهور ومحتار آخذها ولا لا . المشكله ماهي في تركها لأني باتركها مع الشغالة عند الوالدة الله يحفظها القضية اني لما اشوفها يضيق صدري اني باتركها وخاصة لما تضحك لك وتكلمك وتناغي لك . والواحد خاف يأخذها وتخرب عليه الرحلة لأن الطفل في هذا العمر يبغى له معاملة خاصة لأنك ممكن تبغى تطلع وهو توه نايم ولا يمكن يتغير عليك الجو في نفس اليوم مطر وبرد واول من يتأثر هو الطفل .

اخ ابو لين: علعكس من واقع تجربتي الطفل بعمر 3 ونص ..اصعب في السفر من طفل ال6 شهور...لان الطفل الرضيع راح تدفيه وتحطه بالعربيه وانشالله ما يستنكر..بس طفل ال3 سنوات راح يمشي و ينطط و يعاند ويحاول يفرض رأيه....يعني التوتر فيه فيه...خذها حرام...والله بينقطع قلب امها و انت..

1. باشه

باشه

اخوي باشه انا معك في مسألة شقاوة الطفل لكن ماراح تتعبه انت بالسفر وتغير الجو مثل الطفل ابو 6 شهور . تخيل الجو ذا الأيام في زيلامسي بين 6 و13 درجة مئوية عسانا بنتحمله يتحملة هالطفل .
انا اقصد ان الطفل راح يتعب بهالعمر ولا هوفاهم شي . اما الطفل ابو 3 سنوات ونصف ( واكبر اكيد ) على الرغم من كثرة طلباته وعناده اكيد لكن يحسسك انه موجود بسواليفه وضحكه وترا الأطفال يختلفون فيه بو 3 سنوات لكن صحاوته ونباهته مثل ابو 5 سنين او اكبر وفيه من هو حطني تلقاني وعومة وصياح ويرفع ضغطك وبعض الأطفال لو بغى شي ومابغيت تشتريه سواء لسعره الغالي او انه مايصلح له وقلت له لا او باشتري لك احسن منه بعدين و من الكلام ذا يفهم ويمشي وبعضهم يملا الدنيا صياح ويفشلك عند الله وخلقه وكل يعرف طفله وطبعه . الطفل ابو 6 شهور صح حطه بعربيته ونقله معك لأي مكان ولا هوب داري وين الله حاطه فيه لكن انت بتعبه بكثرة التنقلات خاصة ان بعض البرامج مزحومة وناس تطلع في اليوم 3 مرات زيارة صباحية والعصر تمشية المساء وتخيل انك بتاخذه معك للكابرون في الثلج ولتقعد هناك حول اربع او خمس ساعات وفرضا وانت بكرامة وصخ عليكم هناك وش بتسوي
حتى لو رحتوا للملاهي لابد احد بيقعد معه يعني اذا انت وزوجتك وطفل كبير بتركب انت مرة مع هالطفل ومرة بتركب معه امه وواحد منكم يقعد يصالي هالطفل ابو 6 شهور . ولا ما احد يهون عليه يترك احد من عياله ويسافر
صح كثرت لك الكلام بس بغيت اقول وجهة نظري ( صارت وجوه ماهي وجهة وحدة ) معليش على الإطالة