....
0

.
.
1200

مرحبا اخوي خالد وما قصرت على المجهود الطيب.
الحقيقة انا ما ودي اسكن في دمشق الا يوم او يومين والباقي ابغى اتنقل بين المناطق لاني لم يسبق لي ان ذهبت لسوريا وبالتالي ابغى استكشفها والبرد مو مشكلة...
ابغى اروح حلب وحماه وحمص ويمكن كسب ونحو ذلك
يمكن في دمشق اسكن في فندق .
ودي الحقيقة اسكن في فيلا على الريف مثلا او دور واحد على الريف في اي منطقة من مناطق سوريا اذا كان الوضع الامني تمام.
انتظر افادتك

هل هذه الايام يوجد ثلوج عندكم؟

1. يعني لو يقولك بالفين تقوله انت بخمس ميه على طول زين يعني لاتستحي ....

هلا بك مره اخرى اخوي ابو اسيد
طال عمرك السكن عندك منطقه ينقال لها بلودان والزبداني والتل فيها فلل وبتكون رخيصه الحين في هالوقت مره علشان شتاء ما احد حولهم وبقولك نقطه واحده مفيده ان شاء الله هي المكاسر في السعر

يعني لو يقولك بالفين تقوله انت بخمس ميه على طول زين يعني لاتستحي ....

وبالنسبه للوضع الامني مثل ماذكرت لك اخي الكريم تمام التمام وعلى قولة المثل ياغريب كن اديب ولاعليك من احد اهم شي يكون الواحد محترم نفسه والله ثم والله ما احد يقرب صوبك والسكن في الريف في هالوقت والله ما انصحك فيه لانه صراحه برد شديد والمناطق الثانية بعد برد بس مدامك عازم اول شي تروح على حمص تقريبا 160 عن دمشق هناك فيه فلل وشقق فخمه ورخيصه جدا تظل فيها اربع ايام علشان تلف الاماكن القريبه منها مثل صافيتا مشتى الحلو مرمريتا شين وفيه بحيره والله ماني متذكر اسمها وتشوف معالم حمص العديه مسجد خالد بن الوليد والسوق الشعبي هناك وبعدها تطلع على الطريق الساحلي الي يوديك على طرطوس الساحل واللاذقيه والقرداحه وجبله وبني ياس واحسن شي انك تسكن في اللاذقيه اذا حاب تزور كسب وام الطيور ومشقتا تظل هناك خمس ايام ويالله تلحق بعد وبعدها ترجع من نفس الطريق واذا حاب تريح في حمص مافيه مانع بس اخي الكريم انتبه من الثلوج والبرد الشديد خارج دمشق وبالذات في حمص .
السكن في دمشق عندك المرديان والفورسيزن من اروع الفنادق طبعا الخمس نجوم وايضا الشيرتون وسمير اميس وافضل السكن في المرديان والا سمير اميس لقربها من وسط البلد .
السكن في اللاذقيه او طرطوس الساحل تقدر تاخذ لك شاليه على البحر ب2000 ليره او 1500 ليره على حسب النظافه والجوده احسن من الشقه وتكون قريب من البحر .
وانا في انتظارك اذا تبغى اي جديد
خالد

الأخ الكريم أبوأسيد حياك الله و بياك و شرفتنا بوجودك و الأخ خالد99 جزاه الله خيرا ما قصر إن شاء الله و الله يعطيه ألف ألف عافية

يعطيك العافية اخوي خالد وما قصرت على هالمعلومات القيمة...وكأني فهمت من كلامك ان الطريق الى اللاذقية خطير بسبب الثلوج ...ومن مداخلتك التي شاركت فيها انت على الموضوع الاخر الذي يتكلم عن استفسارات عن شمال سوريا استشفيت من كلامك ان الوقت المناسب لسوريا بعد شهر من الان وشكرا

يعطيك العافية يا مشرفنا(الكويتي الشامي)

الله يعافيك اخوي ابواسيد
وان شاء الله تكون رحلة موفقه يارب واتمنى لك الراحة التامه ومثل ماذكرت انا في هذا الوقت تكون الثلوج والبرد في عز الموسم واذا انت حاب الثلج تروح على دمشق تظل فيها اسبوع تغيير جو يكون احسن
والله يوفق الجميع
تقبل مني ارق التحية
خالد

حياك الله اخى الكريم
وخالد ما شاء الله عليه ماقصر