السلام عليكم
قبل لا ابدا كلمة حق اقولها في هالمنتدى الرائع ربي يجعل كل كلمة تكتبوها في ميزان حسناتكم
وواثقة في ارائكم
من شهر وانا ادرس في التقارير والخرايط لغاية ما احولت عيوني بس سبحان الله احس ليس من يسمع كمن يرى
محتارة كثير بين اكثر من مخطط للسفر لان ودي احجز التذاكر من الحين
السفر
1-هذي اول مرة اسافر لاوروبا
2-ودي بسفرتي ابدا بالمناطق الاكثر هدوء أموت على الطبيعة وبعدين الضوضاء والتسوق
فكان الاقتراح اني ابدا بسويسرا واختم بباريس ايش رايكم ؟؟
3-انا ما احب كثير التنقلات يعني ودي بالزبدة احلى مكان ممكن اروح له
4- بباريس ودي اشوف برج ايفل الشانز وديزني حلم الطفولة ،،
5- الاشخاص انا وزوجي ،،، بدل شهر عسل لانه الله يسامحه ما سفرني فقررت اني ارتب لكل شيء وهو بس يدفع
6-ودي الرحلة تكون اقتصادية قدر الامكان يعني الميزانية ما ودي تزيد عن 25 الف
8- بيكون مباشر ما ودي بالشحططه هل فيه غير الخطوط السعودية اكثر اقتصاداا
هذي الموجز واليكم التفاصيل
المدة اربعة عشر ليلة ،،،
التاريخ من 14 يوليو الى 28 يوليو
سيتم استئجار سيارة داخل سويسرا وفي باريس مواصلات عامة
هذا اقتراح من الغالية حلا السعودية
3 ايام زيورخ وما حولها
5 ايام انترلاكن
3 ايام لوسين بجانب جنيف
3 باريس
وان شاء الله توفقون في رحلتكم يارب
بس المشكلة اني عشان اسافر زيورخ يبي لي ترانزيت
وودي اخذ سيارة كيف الطريقة لو مشيت على هذا النظام
المخطط الثاني هذا صناعة محلية من عندي
الرياض ... جنيف اقامة يوم واستئجار سيارة
والذهاب الى انترلاكن 5 ايام
لوزان هي القريبة من جنيف صح لمدة اربعة ايام
ثم تسليم السيارة والذهاب بالقطار الى باريس
باريس 4 ايام العودة للرياض
وش رايكم
هل فيه مخطط ثاني افضل من هذا بما اني اول مرة
ايه صح فيه شيء ثاني
اللثام سمعت انه عادي لو ملون بس برضو خايفة لايكون طبقومنع وانا ما ادري خاصة بباريس
اخاف احد يأذيني ولا يغتالني الله يستر من جد متردده من هالناحية
استناكم على احر من الجمر