أخي الكريم الله يسهل امورك
بس حبيت اسأل عن ورقة تعريف من الجامعة ؟ هل تقصد تعريف بأنك موظف في الجامعة ؟ وهل تكون موجهة للسفارة البريطانية تحديدا ؟ أو لمن يهمه الأمر بدون تحديد الجهة ؟
وسامحنا لو ثقلنا عليك

حياك الله يالحبيب
الي يبغونه هو ورقة تعريف اني طالب وليس موظف ، وان كنت موظف بالجامعه بالتأكيد ورقة تعريف اني موظف .
واعتقد ان ورقة تعريف بالطالب تكون غير محدده لجهه معينه ، اما ورقة تعريف الموظف تكون موجهه للسفاره البريطانية .

أخوي الشفق الأحمر أشكر لك تجاوبك السريع ، شكرا على المعلومة قبل لا أتوهق وأروح لهم ، جعلها الله في موازين حسناتك

السلام عليكم جميعا
اخوي الشفق ياليت تعلمنا بالاوراق كامله اللي قدمتها بالتفصيل الممل الممل الممل ياليت لاني بعيد عن الرياض
لاني نفسك طالب

اخوي سكاي مون : العفو وتحت امرك بأي وقت .
هواوي الوادي : والله ياخوي الاوراق الي قالي عليها الموظف كالآتي :
1/ ورقة تعريف من عمل (الوالد او الي بيصرف عليك) وتكون بالراتب ، يعني الراتب موضح بالورقه .
2/ كشف حساب لنفس الشخص السابق ويكون الكشف على حسب دراستك 3 اشهر او 6 اشهر .
3/ ورقه يكتبها لك الي بيتكفل في مصاريفك وإنه مسؤول عنك بشكل كامل ويوقعها لك .
4/ اوراق قبول المعهد الي توصلك من بريطانيا .
5/ ورقة تعريف خاصه فيك من الجهه الي تدرس عندها .
6/ 4 صور (3*4) وتكون بدون شماغ (والافضل كمان تكون معك 4 صور (4*6) للإحتياط )
7/ إن كنت متخرج من الثانويه لاتنسى تاخذ معك صورة من الشهاده . (حتى إذا كنت بالجامعه)
8/ لاتنسى جواز سفرك ، وإن كان الوالد عنده جواز سفر الافضل تاخذه معك . (مااعتقد ضروري)
9/ ادعيلي بالتوفيق وان اموري تتيسر .
ملاحظه مهمه جدا : الاوراق جميعها يجب ان تكون باللغه الانجليزي ، يعني اذا كانت عربي روح لأي مكتب ترجمه وترجمها . ولا حد ينصب عليك ويترجمها فوق ال 50 ريال .
انا رايح لجده يوم السبت الصباح ، الي يبغى يخاويني ونخلص امورنا مع بعض حياه الله .

الله يطول في عمرك ولايهينك والله ييسر امرك والله يوفقنا جميعا في دراستنا الصيفيه لاخذ المفيد والمهم

اخوي الشفق كيف حالك انا بكره الصباح رايح لمكتب التاشيرات ونسيت ورقة
اللي هي:ان الوالد يتكفل في مصاريفي هل هي ضروريه رغم ان معي كشف حساب للوالد وتعريف راتبه
رحت لمكتب ترجمه وترجم لي 3 اوراق ب100ريال حسبي عليه لاكن مجبور عليه وش رايك

اخوي هواوي انا ماادري اذا هالورقه ضروريه ام لا ، الي اذكره ان الموظف قالي ورقة التعريف بالراتب وإنه على راس العمل هي المهمه
إن كنت في جده ولا الرياض بيكون الموضوع سهل عليك تروحلهم وتسأل بالمكتب حقهم ، وان كنت بتسافر حاول انك ماتروح وإنت ناسي شيء والله يوفقك ومايردك خايب

وبالمناسبه .. إن كان ولا بد من الورقه ، يقدر الوالد يكتبها بالكمبيوتر وتطبعها ويوقع عليها وترجمها عند اي مكتب ترجمه (قريب من مكتب التأشيرات) لأنهم يترجمونها بنفس الوقت ، وإن كان والدك يقدر يختمها من عمله يكون تمام