السلام عليكم
بخصوص فندق نيوبست بصراحه انا حاليا ساكنه فيه روعه هالفندق وموقعه حلو وقريب من كل شي وتحتك سوبرماركت حلال وكل شي موجود فيها ومطعم لبناني لاصق بالفندق ومطعم باكستاني يعني ماتحتاج شي والبحيره تبعد عنك مشي دقيقتين وفندق هادي توكل علي الله مادام انك حجزت والانترنت فري بس تطلب الباسورد من الاستقبال وشكرا

بالفعل أخوي مثل ماقالت أختنا ..
وانا برضو كنت فيه قبل 15 يوم .. جيد جدا .. وبالتحديد ساكن بالشقق الفندقية بتاعتو .. ونصيحتي لك لو كنت مع العايلة ومعاكم اطفال خذ شقتهم الفندقية بالمبنى المقابل أحسن لك ..
والانترنت فري .. لكن مافيه أحد يشيل العفش لنا ..
وبالنسبة للتنظيف يوميا ..
المطعم الباكستاني المشهور بالمكرونة بالسبانخ واللحم ..ام
أقول بس لا يفوتك ..
ولو حصل لك في القراند لاتشاور ..بس غآلي حيل
وبعدين تسوق (وَذْف) .. يعني ماتحس بالتعب فيه ..
المهم انا كثرت عليك لكن الله يوفقك

kuwait-airways
الله يطمنك >> حاجزه بنفس الفندق

مع التحية و الشكر الوفير للأعضاء
kuwait-airways
قلب الشآعر
كيان
علي مشاركتهم و المعلومات المفيدة عن الفندق بس سؤال بسيط بكم سعر الغرفة بالليلة و نوعيتها للأخوة الذين سكنوا فيه و هل يوجد به تكيف
و الأخ كيان أن شاء الله نتقابل هناك في الفندق

مرحبا اخوي
انا سكنت في لفنق ماكس 2008
الفندق حلو ومرتب غرفه النوم صغيرا جدا جدا
يعيب الفندق معامله اصحابه الذين يعملون فيه عنصريين لأبعد الحدود وغير متعاونيين وحصلي موقف بيني وبينه
ودي اقول لكم الموقف الصراحه
راسلت الفندق على الايميل وحجزت من تاريخ كذا الى كذا مو حافظ بالظبط التاريخ وعطيته رقم الفيزا وكل المعلومات
راسلته ثاني مره بخصوص اني ابي اضيف يوم زياده جلست يوم يومين ثلاثه ايام اسبوع الفندق مارد علي
شسالفه اول شي عذرته قلت يمكن ضغط عندهم ولاشي بس فوق الاسبوع مارد
رسلته ثاني مره وقلتله ابي اضيف يوم وأخر الرساله قلتله انا دزيت لكم ايميل من اسبوع ولا رديتو علي
وأتمنى انه تكون خدمتكم في الفندق عكس هذا تمام أتطلع لرؤيتكم
قامت القيامه
رسل اميل وقال احنا مو اكلاب (أعزكم الله) علشان اتكلمنا بالطريقه هذي ؟؟؟
وخلاص حنا ضفنا لك اليوم هذا
انا استغربت كلامه وبعدين انا ماقلت شي ولا غلطت عليه بالعكس انا زبون واي ملاحظه المفروض يحطها بعين الاعتبار
الا هذا النظام عند اصحاب الفنادق الصغيره في زلامسي الي هم يديرونها مايمشي بتاتا ماعنده مانع يطردك من الفندق!!!
قلت بصير احسن منه وبشتريله هديه والاجانب يحبون الهدايا رحت مع زوجتي العزيزه وخذيتله اشياء تراثيه من عندنا
وأشياء الصراحه الاجانب يحبونها تفاجأت لما وصلت وعطيته الهديه خذا ها بنفس خايسه ولا قال ولا شي قلت هذي
العنصريه
قلت اكيد الهدايا حذفهم في بحيره زلامسي
هذي هي قصتي مع العنصري

أخي mamn1390 أنا سكنت فندق living max وتعاملهم راقي وما لاحظت العنصرية والفندق في حي هادئ جدا ويبعد عن البحيرة شارع فقط وهو يقع خلف فندق see hotel ولو طليت من الشرفة تشوف البحيرة وتصميم الفندق عصري ونظيف
ولما طلبنا منهم حجوزات على الأماكن السياحية عملوها لنا وكمان أكدوا لنا حجز العوده بسهولة
هذا هو رأيي الشخصي بالفندق وعندي صور للفندق التقطها خلال هاليومين

اتفق مع الاخوان في النيوبوست

أطياف نجد
مشكور مرورك أطياف نجد علي الموضوع و وجهة نظري أن لا أحكم علي أي شئ من وجهة نظر واحد بل أخذ عدة أراء و لك شكري و رائكي مهم لدي

مشكور مرورك أطياف نجد علي الموضوع و وجهة نظري أن لا أحكم علي أي شئ من وجهة نظر واحد بل أخذ عدة أراء و لك شكري و رائكي مهم لدي
مرحبا
اشكرك على تشقيحك لي وانا داخل موضوعك وحبيت اشرح لك لأنك كاتب في العنوان ايهما افضل
ولا تنسى اخوي اول مارديت عليك قلتلك الفندق حلو ومرتب لاكن غرفه صغيره جدا جدا
ثاني شي للأخت رحاب الي تقول ان الفندق مو عنصري ممكن يكون صحيح كلامها لانه ماصار موقف
بينها وبين الفندق
وانتو مو مجبورين تاخذون بكلامي انا الي قلته من واقع تجربه فقط لا اقل ولا اكثر
بس ياليتك اخوي صاحب الموضوع رديت علي ولا شقحتني وانت صاحب الموضوع المفروض اترد على كل رد
على العموم انا متحسف اني دخلت موضوعك وكنت افكر اني افيدك