travelzilla
23-11-2022 - 07:54 am
السلام عليكم ورحمه الله وبركاته
بصراحه انا ماعمري سافرت لدول يعني رحت دول الخليج بس ماسافرت سفره
وكان ودي اسافر لما كنت اصغير بس الوضع ماكان يسمح
انا الحمدالله الحين متوظف توني أول سنه وظيفه وقاعد اجمع من كل شهر حق أول سفرة لي !
لكن بصراحه محتار حق اي دوله؟ لاني ماعمري رحت لدوله اوربيه او خارج نطاق الخليج
الرحله متكونه من شخصين .. انا و الوالده
بحث في المنتدى واستفدت وايد بصراحه انا الحين راح اقولكم الدول الي عيني طاحت عليها وو ودي اروح لها
امريكا - استراليا - النمسا .. (اليابان بعد كنت حاطها في اللسته عندي امكانيه اني اجمع لها بس فكرت اني راح اقط فلوس على الفاضي وما استانس ومجرد غلاء معيشي ولا فيه وناسه)
اختصر عليكم كلامي..
الميزانيه : 5 ألاف دينار
الافراد : 2
المتطلبات : سياحه - مناظر طبيعيه - السكن والاقامه تكون اسعارهم معقوله
مدة الاقامة : على حسب الدولة والميزانية .. سبوعين تمام اذا كان فيه اماكن متعدده لانه السفره راح تكون في الاجازه الكبيره بس انا من الحين قاعد اخطط لها
سمعت عن كل دوله قلتلكم عنها شي بس في ناس حببوني في امريكا وناس كرهوني فيها قالو مايحبون العرب وبتشوف عنصريه في التعامل وكأنك مو رايح سياحه
وبصراحه انا قاعد أفكر اني اروح مع جروبات مع الوالده لانه مانعرف بصراحه للاماكن .. شرايكم؟
اولاً الف مبروك الوظيفة ... وثانياً احترم فيك برك لوالدتكم في تفسيح الجو لها ...
ومايخص استفسارك ... بين امريكا والنمسا واستراليا ... فكل دولة فيهم مايميزها عن غيرها ... وبالتالي انصحك بالقراءة في كل بوابة كل دولة منهم ... وبالذات التقارير المصورة ... لاخذ فكرة ... وبالتالي يكون القرار بناء على رغباتكم واهتمامك ...
واما مايخص الميزانية فهي تكفي لاي دولة من هذه الدول ... لمدة لاتقل عن 3 اسابيع ...
على العموم اذا وقع اختياركم على استراليا ... انصحكم بالجمع بينها وبين نيوزلاندا ...
تحياتي ...