اول شي هدي اعصابك ولاتشيل هم ترا المقابله سهله مره ولاتاخذ وقت اهم شي خل عينك بعينه ولاتناظر يمين ويسار ولاترتبك اعتبر انك مقدم على وظيفه خلك واثق من نفسك ولاتسأل احد وش قالولك لانك بتفكر في الاجابه وبترتبك لان كل موظف وله اسألته يعني يختلفون عن بعض .....
(مهم في المقابله) : اسم الجامعه والمعهد احفظه صم اول مايقولك قله له على طول عشان يحس انك فاهم وعارف وش انت رايح له.....
طيب رح للوزاره ورح لقسم الكمبيوتر يعدلونه لك وانت واقف ..........
واذا مايمديك تروحلهم رح للسفاره وخلص المقابله وهم ماراح يردونك راح يقولون لك خذ الورقه الصفراء وجب الخطاب معدل فيه اسم المعهد وجبه بكره.....اذا جبت الخطاب معدل:
طبعاً راح تدخل بدون موعد ادخل على السكرتي اسمه عماد على مااظن...خ.....ووره الورقه الصفراء وبيدخلك على طول قبل العالم بس ازينلك تجيبها الساعه عشره الصباح عشان تكون الزحمه اللي عند الباب خفت لانك بتسلم الورقه وبتطلع على طول...........
وانشالله اكون فدتك بشئ من الكلام واي شئ ماتفهمه تراني حاضر بس انت امر ....
:::: ودمتم سالمين ::::

الف شكر لك أخوي الأمبراطور
لكن المشكلة في الوزارة أنهم ما يعطون الا للماجستير خطابات للسفارة بأسم معاهد اللغة
والمشكلة الكبرى، أنهم ما راح يعطوني وجه لأنهم فقط يداومون في الفترة المسائية
موعدي قرب، وما أدري وش السوات ، لكن هل أنت طريقتك كانت مثلي أو العكس
تحياتي لك وأسف على إزعاجك في وقت غير مناسب
شكراً

sasj15
اول شئ ترا افيه ازعاج ولاشي بالعكس لو اقدر ماانام لين تخلص ماعندي مانع .......
الوزاره يطلعون لك خطاب مكتوب فيه اسم الجامعه والمعهد ... الا اذا كان المعهد تابع للجامعه يعني داخل حرم الجامعه في هذه الحاله راح يكتبون اسم الجامعه فقط في الخطاب...
ولعلمك تراهم يداومون في الفتره الصباحيه بس انت موعدك اليوم الساعه ثمان مايمديك عليهم اقولك توكل على الله ورح للسفاره وانشالله بتتيسر..
اعرف واحد مثلك بالضبط ويوم سوا المقابله وخلص قالوله جب خطاب بكره معدل وسلمه لنا ........
واذا صار معك شي علمني وانا تحت الخدمه .... واذا بغيت اي شي مستعجل هذا ايميلي ارسلي عليه بس ياليت توضح ان الرساله لاني مااستقبل اي رسايل......
[email protected]

يعطيك العافية،
أنا إنشاء الله أتوكل على الله
وزي ما قلت معهدELS الي جاني منه ال I-20 في حرم جامعة Florida Institute of Technology
وإنشاء أي جديد راح أخبرك عليه
والله لا يحرمنا من خدماتك
تحياتي وتقديراتي لك ياعزيزي
أخوك الفيلسوف15

موفق انشالله وماتشوف شر .......
وانشالله تأخذ الفيزا بعد اسبوع ..........
وانشالله نشوفك في السفاره اليوم لاني انا رايح لهم بس الظهر

الله يعطيك العافية ، وماقصرت
بالنسبة للفيزا الخاصة بك، وش صار عليها، يعني أنت لك مدة مقدم ولا فترة قريبة؟
لأني قريت لك موضوع عن تأخير صدور الفيزا
بالتوفيق عزيزي وأنا بعد ربع ساعة محرك للسفارة
تحياتي

الفيزا لي مقدم عليها اسبوعين والى الحين مادقوا بس يمكن من الضغط الي عليهم عشان كذا مايدقون
انشالله اروح لهم والقاها طالعه ....... لاتنسونا بدعواتكم ..........
:::: ودمتم سالمين ::::

الله يسهل عليك وتهون أمورك تحياتي
أخوك الفيلسوف15

أبشرك خوي الأمبراطور
طلعت الساعة 11.30 بعدما وقفت سرى الساعة 7.30
وقابلني الشباك رقم 6، وسألني عن كل شيء ، عن الي عبيته في الإستمارة وعن المعهد والجامعة وعن الخطاب الصادر من الوزارة، ومن يبي يروح معك
وقال لي خلاص دق علينا بعد أسبوعين بالضبط علشان نخليك تجيب الجواز
وقال لو جا قبل أسبوعين ، دقينا عليك وراجع النافذة رقم 5 بالورقة الصفراء
إلى بقية الي عندهم موعد
لا تنسوا الإتكال على الله أولاً ثم ذكره في أوقات الإنتظار
الصدق ثم الصدق يعني بشكل يمسك عليك شيء لو قلت معلومة أنت قصدت الخطاء فيها
بعد ما تحسن كل هذه الأمور ، عليك بالإبتسامة والرد عليه بلطف وذلك ذو فائدة على المقابلة
تحياتي لكم وتحياتي الخاصة إلى الزميل العزيز الذي ساندني حت اللحظات الأخير الأستاذ الأمبراطور
تحياتي
الفيسلوف15