حياك الله اخوي الكريم بصراحه مخططك صعب كون المده جدا قليله على النمسا وسويسرا ..
وياريت لو ذاكرطريقة التنقل ... ؟؟؟ ( لكن لازم تكون بالسياره افضل ..
عزيزي الجدول لو زدنا الرحله يومين وافترضنا انك سوف تأخذ سياره ..
الوصول الى مطار ميونخ وومنه تأجر سياره ومباشره الى سالزبورخ 3 ايام ثم زيلامسي 4 ايام ثم انترلاكن بمسافه وقدرها 6 ساعات وربع تقريبا والسكن بنترلاكن 4 ايام ثم يوم بزيورخ والعوده من مطارها هذي 12 يوم ..
انت اخوي ما تحتاج زيوريخ الا من اجل المطار .. وسالزبورخ ليس بها مطار دولي انت اقرب لك مطار ميونخ حتى نبدأ بالريف النمساوي ووصولا الى سويسرا .. ومكن نبدأ بالعكس لكن اذا تبي تأجر سياره افضل من ميونخ وارخص ..
انا بالانتظار لتوضيح اكثر المسافات وايضا معرفة وسيلة النقل

ali_q8_77
اهلين اخوي وشاكر على اهتمامك
بالنسبه لوسيلة التنقل رايح تكون سياره على الرغم اني متردد اني اسوق في اوروبا
بالنسبه للمده ممكن ازيدها بس هل مبلغ 30 الف يكفي
بس فيه مشكله المسافه من زيلامسي الى انترلاكن 6 ساعات طويله اخاف يصير الوضع ممل ولا وش رايك
وبالنسبه للعوده تكون زيورخ افضل ولا جنيف
وعندي سؤال وين افضل مكان للتسوق وارخص بالنسبه للمدن اللي بمرها
انا اسف اذا ثقلت عليك

حياك الله اخوي ..
صحيح المسافه متعبه وايضا سويسرا وخصوصا انترلاكن غاليه من ناحية السكن والمده قليله اذا تبي نصيحتي حتى تستمتع برحله تجمع فيها الكثير من الرحلات والمدن الريفيه والفعاليات الجميله .. اجعل مخططك هذا
الوصول الى ميونخ ومنها مباشره الى سالزبورخ 4 ايام وزيلامسي 5 ايام وميونخ يومين للتسوق .. ( صدقني هذا المخطط اللافضل ) بالنسبه للمبلغ وايضا راح ترتاح كثير بالتنقلات وراح اتشوف ما هو اجمل برايي من انترلاكن وايضا اسهل من ناحية الطرق .. وممكن ما تأخذ سياره بهذا الجدول لكن نجعل ميونخ راحه يوم عند الوصول اذا بدون سياره .. بهذا المخطط راح اتشوف الريف بجميع انواعه وبحيرات وثلوج ومرتفعات وتسوق بميونخ كونها الاشهر ... واجعل سويسرا برحله اخرى
وحتى اتشوف القرى الجميله الي ممكن اتزوره من سالزبورخ وزيلامسي بكل سهوله وغير متعبه
شوف سلسلة التقارير للريف النمساوي
الاول
https://artravelers.com/p/re/333559
والثاني
https://artravelers.com/p/re/339534
الثالث
https://artravelers.com/p/re/344083
وركز على ولف قانق وسانت قلقن وفوشل ام سي .. وبحيرة موندسي .. من سالزبورخ
وبادهوفقستن .. وانسبروك من زيلامسي
المسافات للمخطط الرئيسي
من ميونخ الى سالزبورخ ساعه وثلث
من سالزبورخ الى زيلامسي ساعه وربع
من زيلامسي الى ميونخ ساعتين ونصف
وباقي المدن والمسافات موجوده بالتقارير
انا بالانتظار لمراجعة ما ذكرت

مشكور ويعطيك العافيه اخوي ALI_Q8_77
انا ادري اني تعبتك معي بس تحملني
بعدين شكلك تبي المدام تزعل علينا من اولها ههه
وين هايدي لاند عشان كذا نبي زيورخ
بصراحه اخوي المخطط اللي حطيته اعتقد انه مناسب وبالنسبه للسياره اتوقع انها ضروريه بحكم الشنط كبيره شوي
واشوف انها صعبه شوي اني بسحبها معي في القطار او الباص واتوقع السياره اكثر متعه
بس عندي سؤال اشوف حطيت في المخطط ميونخ يومين عشان التسوق هل هي ارخص من النمسا ام لأنها المحطه الاخيره
الشي الاخير عندي مخطط حبيت اطرحه لك وتعطيني رايك وترى انا اخطط من غير سابق خبره
فاعذرني اذا لاحظة شوية دلاخه
تبدأ الرحله من مطار زيورخ يومين ( يوم للراحه ويوم لارض هايدي ( غثيتك بهايدي ) )
بعدها طيران داخلي الى سالزبورغ 4 ايام واستاجر سياره من فريلايسنق الالمانيه
بعدها 5 ايام زيلامسي ومن ثم يومين ميونخ
وش رايك او اعتمد المخطط الاول
وشاكر على سعة صدرك

حياك الله اخي الكريم
اهم شي ما تزعل لا انت وله المدام ..
مخططك الاخير جيد بس الكلام هل يوجد رحلات الى مطار سالزبورخ؟؟ مع حذف يوم من زيلامسي وحذف يوم من سالزبروخ وزيادة بزيوريخ حتى اتزور انترلاكن ويكون الجدول 3 ايام زيوريخ و3ايام سالزبورخ و4 ايام زيلامسي ويومين للتسوق بميونخ 12 يوم..
او المخطط الاول وتتسوق بزيورخ لانه مشهوره ايضا بالاسواق
تبدا من ميونخ ومنها الى سالزبورخ وتأجر السياره من فريسلانق المانيه اول يوم وصول سالزبورخ او ثاني يوم على حسب التوقيت .. وتجلس بسالزبورخ 4 ايام ومن ثم زيلامسي 4 ايام .. ومنها الى زيوريخ 4 ايام يوم هايدي ويوم انترلاكن ويوم تتسوف بزيورخ
وعلى فكره ممكن تسكن بقرية هايدي الريفيه البحته والقريه اسمها ( قرية ميلفلد)
من زيلامسي الى هايدي لاند او قرية ميلفيد .. بحدود 4 ساعات و10 دقائق
ومن زيلامسي الى زيوريخ 5 ساعات وربع تقريبا الافضل السكن بزوريخ اذا موحاب تسكن بنترلاكن وزيرتها من زيوريخ
اشرايك ايهما تختار

اهلين اخوي
الان جاري السؤال عن الرحلات بين مطار زيوخ وسالزبورغ وعليه سيتم الاختيار واشعارك بذلك
ومشكور على سعة صدرك

السلام عليكم اخوي ali_q8_77
انا اسف على التأخر في الرد
بس كان غصب عني لانه عندي مشكله بالحساب ماكنت اقدر اكتب اي موضوع او اشارك في اي موضوع
اضطريت الى عمل حساب جديد
اعتذر مره اخرى
بالنسبه للرحلات من زيورخ الى سالزبورغ مالقيت شي وحصلت من زيورخ الى ميونخ
على العموم
انا قصيت التذاكر الرياض ميونخ الرياض
البعض يلومني اني خليت الذهاب والعوده من بلد وحده بس بصراحه لقيت سعر مغري جدا وخفت على العرض يروح
ما ادري وش تصحني فيه
انا افكر في انه الوصول يكون الى ميونخ وبما ان الوقت بيكون متأخر شوي بريح في ميونخ
وانتقل من الصباح الى سالزبورغ 3 ايام
زيلامسي 4 ايام
زيورخ 3 ايام
ميونخ 2 يومين
بس مدري كم المسافه من زيورخ الى ميونخ مع العلم اني بستاجر سياره من المطار في ميونخ
انتظر رايك
واعتذر على التأخير مره اخرى
وشكراً

حياك الله ..
اهم شيئ انه نفس النك كوكب الارض ..
الجواب المسافه 320 كيلو والوقت 3 ساعات ونصف .. يعني الامور جيده جدا
لك عندي سؤال على اي خطوط حجزت وكم السعر ؟؟
جدولك وتخطيطك ممتاز .. على بركة الله ... توكل على الله