السلام عليكم
اخوي حياك الله بالكويت
بالنسبة للمتاحف تفضل هني https://artravelers.com/p/re/46913
اخوي الرابط هذا يفيدك ايضا https://artravelers.com/p/re/226092
حياك الله

المتاحف اعتبر الاكواريوم افضل مكان ويقع على شارع الخليج العربي
الاسواق
مجمع المارينا مول
مجمع ىالفنار
ليلى غاليري
البستان
وكلها تقع بشارع واحد وهو سالم المبارك
وعندك ايضا سوق شرق
الافنيوز
الكوت
اماكن سياحيه :
المدينه الترفيهيه
حديقة الشعب
منتزه الخيران (لازم حجز مسبق لشاليه او استوديو)
اكوا بارك ( العاب مائيه )
بكل المجمعات اللي ذكرتها تقريبا يوجد صالات سينما بأوقات وافلام مختلفه تقدر تختار الوقت والفيلم اللي يناسبك
اي استفسار ثاني بالخدمه

انت تروح شارع سالم المبارك بتحصل
بتحصل كل شي شارع ممتد فيه كل المجمعات
وعندك مجمع 360 والافنيوز
ومجمع الكوت هذا بالفحيحيل والمنشر وكويت ماجيك
الالعاب في كل مجمع
والحدايق المدينه الترفهيه حديقه الشعب الاكوابارك هذي مدينه مائيه وفيها يوم مخصص للنسا

على ما اظن الاخوان ما قصرم معاك واذا بغيت شي ثاني احنا بالخدمه وحياك الله بديرتك الكويت

حياك الله بالكويت والاخوان كفو ووفو

وانا بعطيك اسماء مطاعم حلوة ان شاءالله تعجبك وبالعافية مقدما مطعم برج الحمام مطعم لبناني عالبحر بشارع الخليج قعدته حلوة , مطعم مأكولات بحرية روعة اسمه فش ماركت همن عالبحر بشارع الخليج , في مجموعة مطاعم وكافيهات يم بعض عالبحر ايضا بس من داخل يم فندق ريجنسي المكان مشهور جدا بس تقول للتكسي ابي المطاعم اللي يم فندق ساس وريجنسي ويوديك ارشح منهم كافيه شوكليت بار كله كاكاو في كاكاو ههه و مطعم المياس لذيذ بعد مأكولات لبنانية وهذا يصير داخل ويطل عالبحر , وفي مطعم تركي صراحة اكله حلو بس مكانه عادي جدا اسمه مطعم افندم ويصير مقابل دوار الشعب بالزاوية , ومطعم فيلا فيروز اكله حلو بعد وفيه شيشة ويصير بالشعب البحري مشهور مايحتاج عنوان لكل اللي ذكرتهم بس تقول الاسم للتاكسي وهو يوصلك , اذا تحب القعدات الشعبية بس طبعا بهالجو ما اأيد راح تموت من الحر والرطوبة عندك يوم البحار والقهوة الشعبية قعدات تراثية والعاب اطفال شعبية وسوق شعبي ومشويات , في قهوة شيشة حلوة وعالبحر اذا ما تتضايق من الحر ترا درجة الحرارة عندنا صكت الخمسين لاتقول بطفشك اسمها بورت يم سوق شرق , اذا تبي وجبات سريعة عندك مطعم البطريق وهذا بعد عالبحر وقعدته حلوة بعد , واذا بغيت وجبات سريعة عالطاير بدون ما تنزل عندنا شارع اسمه شارع المطاعم بالسالمية مليان مطاعم تطق له هرن ويجيك ركض كله مطاعم سريعة من جميع الاصناف والالوان ارشح منهم مطعم كابوريا عنده صمونه ربيان وشيش طاووق لذيذة وهم في مطعم بوظة عشان تبرد على قلبك بهالحر , وعموما اهم شي تروح المركز العلمي عالبحر وشارع المجمعات بالسالمية اللي فيه الفنار ومركز سلطان ومجمع مارينا مول عالبحر مع الكافيهات اللي يمه , اهم شي مجمع الافنيوز لا يطوفك كل شي فيه , ومجمع 360 يديد وحلو بس مو كل المحلات فاتحة فيه لان توه يديد وسوق شرق ولا تنسى ابراج الكويت طبعا

اهلين اخوي ابو شميس
و حياك الله بدولة الكويت حفظها الله وحماها و ادام عزها و عز اهلها
سبق وكتبت هذا الرد لأحد الاخوه الكرام و سوف أضعه هنا في سبيل الاستفاده منه من قبل شخصك الكريم
نبدأ بسم الله

• * المجمعات ، وراح اعددها بالترتيب من الافضل حسب وجهة نظري :

1- الافنيوز .
2- 360 .
3- الكوت .
4- المنشر .
5- الرايه .
6- الفنار .
7- مارينا .
8- شرق .
9- السالميه .
10- المباركيه

s3odeya-89
يالسعوديه توقيع حيل شدني وإطرائك على الكويت شدني أكثر... أشاركك الراي وأشاركك المديح بدار أهلها شيوخ... دار المدح بها مو كلام... إلا ماء ذهب وينثر على ثراها... حماها الله لأهلها وعساها يارب ماتشوف إلا كل سعيد يسعد بها

السلام عليكم
اختي s3odeya-89 - اخوي رحال عازب
مشكورين على الاطراء والمدح في الكويت المفروض مانشكركم لانها ديرتكم وهذا من طيب اصلكم يالغالين.
وحياكم الله بديرتكم الثانيه الكويت باي وقت وان شاء الله نقدر نخدمكم