اهلين وسهلين وميت مرحبتي فيك اخي ابن الميدان ببوابتنا
نورك غطا ع الكهربا
طول بالك ولاتزعل ولاتنقهر كان الله بعونكم والحق معك بس مامنقول الا مابعد الضيق الا الفرج باذن الله
ازمة وتعدي باذن الله ورح ترجع الشام وسوريا احلى من الاول
لانك ابن الميدان خص نص رح قدملك باقة هالورد هدية مني ألك
اسعدنا انضمامك لنا في بوابتنا الغالية
الله يعطيك العافية

ياسمينة ستي
نورك غطا ع الكهربا
طول بالك ولاتزعل ولاتنقهر كان الله بعونكم والحق معك بس مامنقول الا مابعد الضيق الا الفرج باذن الله
ازمة وتعدي باذن الله ورح ترجع الشام وسوريا احلى من الاول
لانك ابن الميدان خص نص رح قدملك باقة هالورد هدية مني ألك
اسعدنا انضمامك لنا في بوابتنا الغالية
الله يعطيك العافية
جبرتي بخاطري الله يجبر بخاطرك.... بس شو نفع الورد إذا الجنينة عم يهرو ورداتها كل يوم؟؟؟ الله يحتسب كل مين سقا بلادنا من دمو شهيد مع الشهداء.... يارب.
شكرا مرة تانية
ملاحظة*: نورك طفا الكهربا.. مو غطا الكهربا )

نحنا كمان اشتئنا للشام والميدان ..
ربي يهدي البال والاحوال ويبدل احزانكم إلى افراح انه سميع مجيب
ابن الميدان البار اهلا وسهلا وحياك الله معانا ...

حبيب البي ابن الميدان الشام كلياتا واحشتنا كتير والناس والشجر وكل قطعة في الشام إلها شوق والأمل بالله كبير وترجع ايام زمان الحلوه واهلا وسهلا بيك في البوابة ((يارب عن اريب )) .....نتكلم اي لهجة لعيونك ياابن الميدان

طيب شباب وصبايا.. انا حابب حس حالي بحارتي... مين حابب يناقشني باللهجة الشامية لنشوف؟!؟!؟!؟! انا ميداني ... بس بصراحة من الجيل الجديد يلي ما بيفهم على جدو كتير منيح.... بس حلوة حاول شوي.. خلونا نشوف شو ممكن عمل... وبرد بئلكن ياها مرة تانية, انا هون لحتى نرددلكن على اي سؤال بيخص الشام والميدان حصرا... وما أدراكم ما الميدان !!!!! لك بعشئ ترابك يا ميدان انا !!

ابن سينا
معلمنا إبن سينا وعلى راسي حارتك كمان..... مو طولة بإذن رب العالمين.. الله عالظالم... الله معنا بإذن رب العالمين... ورح نرجع كمان وأعزمكن لعنا على شي أكلة من تحت ديات الوالدة الله يخليلي ياها ويفظها من كل شر يا رب

انا رح ساويلكن هلئ رحلة سريعة بس بدون صور للعجلة:
اول شي بناخدكن من هالمطار يلي مالنا غيرو والله ساترنا فيه ونطلع لعنا عالميدان
طبعا بالطريق بنمرئ بنسلم على أبو شاهر حبيب ئلبي بالغزلانية (( ميداني الاصل)) وبناخدو معنا.
تاني شي بنروح لبيت ستي وجدي (( لأنو بيت عربي وبيوسع أكتر بصراحة)) وبتتعرفو عالعيلة الكريمة
بعدها الغدا رح بيكون جاهز وهو (( كبة مقلية ومشوية ونية, شوربة عدس, فتوش وتبولة, يالنجي من تحت إيدين خالتي, ومحاشي من تحت إيدين أمي "الله يحفظها", طبعا لا غنى عن الشاكرية الخيالية والمقلوبة يلي مالها حلة ")) هيك بيكفي اليوم. يمكن الوالدة يطلع معها شي تاني.
بعدها بيكون صار المغرب وغابت الشمس بنعد بارض هالديار وبنشربلنا كاسة شاي إكرك عجم مع ريحة الياسمينة يلي ما بتروح من بالي وياما آكل أتلة لأني بقطف منها.
بعدها بنطلع بنتمشى شوي بالجزماتية وبدوئكن اطيب حلويات بالعالم ما رح أذكر أسماء خليها مفاجأة )
بعدين بنعد بئهوة التراث ونفس اركيلة على كيف كيفكم.
بعدين بنرجع بنام عالاسطوح لأنو أرطب )))
هي اول يوم... بكرة بكملكم اليوم التاني ))
آسف لو طولت عليكن, بس أفكار عم تطلع براسي وعم أكتبها, احسن ما تبقى جواتي ومالها شغل.

الله عليك يااخي الغالي ياابن الميدان تسلم اياديك على ابداعاتك وفعلاً حركت البوابة بعد هالركود ويارب تُفرج عن قريب ونجي نسوي هالبرنامج اللي انت عامله بحذافيره ونختمها بنفس الأرجيلة على خير .
على فكره!!! انا متشوق لليوم الثاني اذا كان هذا اليوم الأول فكيف بيكون الثاني ..... تسلم لي ياغالي ويسلموا غواليك. ( اليوم كلمتك بلهجتي السعودية)

الله يعجل لكم بالنصر القريب العاجل حتى ترجع لبلدكم وتعمروها من جديد وتنظفوها من وسخ الماضي