السلام عليكم ورحمة الله وبركاته
عندي كم استفسار ودي القى لها اجابة
قبل الاسئلة خلوني اعطيكم بعض المعلومات
1. عددنا 5 اشخاص انا والوالدة واخواني الصغار.
2. الميزانية غير محددة تقدرون تقولون على الوالد انا بس بديل له في السفره
3. السفره اذا شاء الله يوم 23 بس الى الان ما تأكد الحجز على الخطوط النمساوية.
4. الى الان ما جهزت شي للسفرة.
5. مدة السفرة اسبوعين.
هذي ابرز المعلمومات الي يمكن تساعد في تحديد اجابة الاسئلة.
الان الاسئلة
1. وشو الافضل أستأجر سيارة ولا القطارات مناسبة؟
2. في حالة ان الاستئجار افضل وشو افضل مكان استأجر منه؟ النت؟ المطار؟ مكاتب السياحة؟
3. وشو اهم الاشياء الي لازم استفسر عنها؟ عدد الكيلوات؟ التأمين؟ نطام الملاحة؟لاني ماقد استأجرت بحياتي
4. وشو الافضل استأجر سيارة بنزين ولا ديزل؟ وهل الديزل متوفر عندهم ولا مثلنا ماتلقاه الا نادر؟
5. وشو افضل مكان لحجز الفنادق؟ النت؟ مكاتب السياحة؟ ولا اني اروح لهم؟
6. هل الفيزا مسبوقة الدفع من البنك الاهلي تنفع في حجز الفنادق و السيارة؟ وكم لازم يكون فيها؟
7. كم تنصحوني احط في الفيزا؟
8. في حالة اني رغبت اني اطلع من النمسا فرضا اردت الذهاب الى المانيا؟ شلون اقدر اروح و انا حاجز الفنادق مقدما مثل ما هو مشروط اذا جيت اقدم على الفيزا؟
9. وشو ابرز المدن الي لازم اروح لها في النمسا مع العلم ان السفرة اسبوعين؟ وهل تنصحوني اطلع من النمسا؟
هذا الي يحضرني في الوقت الحلي وارجو اني ما كثرت عليكم
شكرا مقدما