هذا القرد الصغير ناسيه اسمه .. اعرف وحده هي واخوها هربوا 2 وخالها 2 لول
بس محد مسكهم .. طبعا هذا طول النهار نايم وبالليل يقوم ! .. ياليت تقولين وين لقيتيه وبكم ؟
وحد يفيدنا بخصوص الشحن

لقيته ب sunday market ب 400 ريال تقريباً ، انا ودي اهربه لكن اخاف يصير فيه شي بما اننا بنكون 7 ساعات بالطيارة .. ياليت احد يفيدني بالشحن جزاكم الله خير لإنه اليوم يقفل السوق وانا برجع الدوحة بكره ومترددة اشتريه او لا ..

ههه خشيه في الشنطه .... محد راح ينتبه

ياناس رجاء ابي حل او قوانين .. تايلاند متشددة على قوانينها من ناحية التهريب و احتمال يسون لي قضية ..
انتظركم الساعة هنا الآن 3:24 مساء ..

أعتقد ممنوع تصدير الحيوانات الا باجراءات رسمية من عندهم وايضا من بلدك
ومن رأيي ايش لك باللغوة والقيل والقال علشان قرد !!!!

يمنع منعا باتا من مملكه تايلند تصدير اي حيوان قيد الانقراض .
ويمنع تصدير الحيوانات نهائيا او تهريبها.
وان تم ضبط احدم سيلاقي عقوبه الحبس وتتراوح الى 6 اشهر.

m!ss t!na
مايتفاهمون .. وصحيح سمعت ان من الحيوانات المهدده بالانقراض بس كيف سامحين
ببيعه في السوق .. مشكور اخوي على التنبيه

جنك اخوي ... اول ماوصلنا ماليزيا ... شفنا محل يبيع حيوان غريب لاهو قرد
ولا فار ولا سنجاب ... صغير حيل ... له غشاء من رجله ليه ايده .. الله اعلم
يطير + زوجته + 2 عياله + بيته + القفص = تقريبا 30 دك
وقفل الا يبيه .... المهم اهو يحن وانا معطيته طاف ... من له خلق لوية المطار
والجمارك والصحه ... وتعالي طلعي جواز .... المهم طلبنا نصوره ... علشان نعرف
اسمه ... ونطلبه من النت ... رفض صاحب المحل
طولتها عليك ... المهم من تايلند ممنوع ... وماانصحك تهربه
لاتحط نفسك بمشاكل انت بغنى عنها ... يعنى ماتسوى احد يسال عنك
يقولون محبوس بتايلند علشان مهرب قرد
لو قطعة اللماس .. ممكن .. فيها وجاهه اكثر

بخصوص تصدير الحيوان لازم تطلعين شهاده من وزاره الصحه وعن الرحله سبع ساعات انتي بتحطين القرد في قفص خاص له مع الاكل وراح تدفعين رسوم على حسب الكيلو.
وعن جمارك الدوحه لازم اترويهم الشهاده. واسمحيلي على التأخير