حول لسيرلانكا افضل لكم
انا سافرت لها قبل شهر انا وصديق لي لمدة اسبوع بسعر 1700 دولار مع العشاء والسواق

اولا مرحباً فيك اخوي رعد
الهند منصب في ولاية كيرلا .. فهي غاية في الجمال الرباني والخضرة والجو الونيس ..
الشعب طيب جداً جداً .. في حاله ماله ومال الناس .
الشرطه في حالها . الا اذا جبتو العيد بدري ههه .
الاسعار جيده مقارنة بالدول المجاوره لها .
وخل عنتدكم قاعدة زي أنا .... تبي تنبسط ادفع تبيى التوفير رح للشرقية ههه .
وللمعلومية انا رايح لكيرلا (( كوتشين )) بعد اسبوعين لحالي مالقيت اخويا .. بس من شان عين تكرم مدينة .
وسويت حجز لي في منتجعات لمدة 9 أيام ..
وانصحك تاخذ لفه بالمنتدى وتلقى كل شي عن الهند وتجارب العيال ..
تقبل جل احترامي اخوي رعد ....

السلام عليكم
اخي الفاضل
في الحقيقة كيرلا الهندية غاية في الروعة ،، وبصراحة تستحق أن تكون وجهة سياحية بامتياز
وأنا أنصحك بالمناطق التالية :
كوتشين فندق لي ميرديان يوم واحد فقط من أجل الراحة من عناء السفر
مونار في فندق كلوب مهاندرا فندق رائع وإطلالته غاية في الروعة أيضاً ، ثلاث أيام
تكدي في اختر واحد من فندقين إما كرميليا أو قرين وودز وتقضون فيها يومين .
كوماركوم وأنصحك بزوري تقضون فيه يومين أيضاً ... ولا تنسون الهاوس بوت وتاخذونه غداء فقط من كوماركوم
اثربلي يوم واحد في فندق رين فورست على الشلال الرائع جداً .
كوتشي مرة أخرى يوم واحد ولكن في رمادا ، منتجع رائع جداً .
هذا اقتراحي عليكم وأرجو باقي الأعضاء يدلون بدلوهم .
أما عن لأمان فهي آمنه أكثر من حي الصحافة في الرياض
أما الحكومة فمدام معك فيزة سياحية تدخل بدون أي مشاكل أو معوقات أبداً
أما الأجواء فرائعة جداً ، وأنا قدمت منها قبل حوالي أقل من شهر وكل ما فيها رائع أيضاً إلا الطرقات فهي متعبة جداً
أما العشرة آلاف ريال فهي ستكفي إن شاء الله
أما المكاتب التي تراسلها فأنا أرشح لك مكتب هبي ترفل وهذا موقعهم فيه كل أرقامهم http://happytraveldreamer.com/index.html، وهذا المكتب أنا جربته أكثر
من مرة .
أيضاً هناك مكتب فينو يمدحونه الأخوان في المنتدى ولكني لم أجربه ، فراسل الجميع وجرب وقارن ولا تستعجل بقبول
أي عرض حتى تطلع عيونهم في المكاسر ....
توكل على الله وسافر إن كنت تريد جمال الطبيعة الخلابة ، إما إن كنت تبحث عن الحضارة فابحث عن غيرها .

الخير / تسلم أخوي الغالي , وسيرلنكا بدأنا نفكر جدياً ب زيارته .
رعبوب / تروح وترجع لنا ب السلامة يارب , ومن اللحين ترى إنتظر تقريرك لبى روحك ,
راحة سفر / يعطيك العافية اخوي على الشرح وشاكر ومقدر لك .
الله يسعدكم يا أخواني , وأنا اسف ع إزعاجكم .

اين يقع مكتب هبي ترفل في الرياض

أخوي أبو نواف ما فيه مكتب لهبي ترفل في الرياض ، لكن تقدر تدخل على موقعهم وتراسلهم
مباشرة من هناك وهذا موقعهم http://happytraveldreamer.com/ar/

تحياتي للجميع .. في الهند اكثر من منطقة واقليم سياحي افضلها تقريبا كيرلا وتاميل ناداو ومنطقة الهملايا وما حولها من حيث الطبيعه والجمال والهدوء .. ومن حيث الحضاره فهناك اقرا حيث يمكن زيارة تاج محل ومن حيث التجاره بومباي ونيودلهي ومن حيث التحضر والعصريه نوعا ما فيه بنقلور في اقليم اتوقع اسمه كارنتكا ... و من وجهة نظري فكيرلا هي الانسب لعدة عوامل اهمها انهم تعودوا كثيرا على السياح الخليجيين
و وعذرا للاخ صاحب الموضوع لكن اسمح لي ارحب بعودة اخونا راحة سفر واللي يشارك معنا رغم انه مكتوب موقوف تحت اسمه وهذا من حسن حظنا عودة مثل هذه الخبرات للبوابه
وتحياتي للاخ مسترسل اللي اتوقع الان عرف من راحة سفر وتقدر تتجاذب معه اطراف الحديث لتعرف لما سالتك عن معرفتك به

يبدو أنك اخت مونار ملخبطة شوي ،، فالموضوع قديم وتم رفعه من قبل ابونواف يسأل عن هبي ترفل فقط
وما شاء الله عليك ، دائماً في خدمة الأعضاء ،، أدعو لك من كل قلبي أن يوفقك الله إلى كل خير ويدلك على كل خير
نظير ما تقدمين لأخوانك في المنتدى ....

حياك الله أخوي ..
والهند جنة الله في أرضه
وشوف سبحان الله عدد التقارير الموجودة بالقسم وتعرف قد أيش جميلة ورائعة ..
وماعليك إلا تقرأ التقارير وتختار من بينها الأنسب لكم ..
بكونكم شباب ومامعكم عائلة .. بيكون أسهل لكم في التنقلات والسفريات ..
وبصراحة أحس كل الأماكن الي زرتها حلوة .. حتى الطرق الي يقولون عنها الناس أنها متعبه .. بالعكس أحسها أكثر متعه
خصوصاً طريق مونار ومرتفعاته .. مرة حلو ...
ماعليك إلا تروح لبعض المكاتب أو تراسلهم وتشوف عروضهم ..
وخذ الي يناسبكم ..
وموفقين لكل خير ...