انا اخوي سافرت عليها كثير لاوروبا وساستمر بذلك ان شاء الله
لها مزايا عديدة بالاضافة لعيوب عديدة وسافصلها لك للفائدة:
المزايا ابدا فيها لاني احب ان اكون ايجابي:
1- رخص اسعارها، عندي رحلة بعد العيد لالمانيا كلفتني فقط 2900 ريال
2- كل يوم رحلة من الرياض
3- المواصلة ميسرة ومتوفرة لاغلب مدن اوروبا الشهيرة
4- وقتها من الرياض رائع توصل اسطنبول في الصباح الباكر وبعدها بكم ساعة تواصل للمحطة القادمة
5- وجباتها حلال ومقبولة. من والى الرياض لا يوجد كحول عكس باقي الرحلات اللي ما تصدق تبعد عن الاجواء السعودية وتبدا بتوزيع البلا
6- من الرياض غالبا فاضية يمديك تاخد اكثر من مقعد للنوم
7- وجود لغة عربية في الرحلة من والى الرياض
8- كذلك وجود لغة اي بلد بتروحلها بالاضافة للتركية والانجليزية
9- وجود مسجد بمطار اسطنبول تصلي فيه بكل راحة وهذي ميزة تنشرا بفلوس
10- مطار اسطنبول للترانزيت مسلي وبه واي فاي مجاني عند ستار بوكس لا تجدها في اغلب مطارات العالم
11- طائراتها نظيفة على الدوام وصيانتها رائعة لا اصوات لا هزهزة لا روائح اقلاع وهبوط ممتازين
12- انها تقسم الرحلة لقسمين ويمديك ترتاح عكس باقي الشركات اللي تطير لمدة 7 ساعات متواصلة
وهناك العديد من المزايا الاخرى
العيوب:
1- عدم الالتزام في المواعيد بس مو لمدة طويلة يعني عندك لازم من نص ساعة الى ساعة تاخير في كل رحلاتها
2- طاقم الطائرة غير ودودين في الغالب مع وجود استثناءات
3- كل رحلاتها اما ايرباص او 737 يعني 3 مقاعد 3 مقاعد يعني مالك خيارات بالمقاعد
4- الالتزام التام بالوزن
5- عدم اجادة اللغة الانجليزية بشكل قوي ولكن تمشي الحال
6- درجة رجال الاعمال نفس مقاعد السياحية بس اللي بالنص مسوينه طاولة
يعني هذا اللي قدرت اتذكره
بس صدقني بالنسبة للبدائل قليلة جدا وانا جربت غيرها من الاماراتية وغيرها بس ماني مقتنع اني اروح شرق بعدين غرب واضيع وقت بدبي هذا غير فرق الاسعار الكبير
اتمنى ان اكون اجبتك

للي يبي التوفير جيده ..أما اللي يدور راحه فلك عليها .

الأخ أبو أمجد
ما قصرت يالغالي
كفيت ووفيت
تسلم والله
الأخ الفرصة
شاكر للمعلومة