بعطيك رائي الشخصي وانت قرر
بالنسبة لي حجزت من موقع هيرتز بدون رخصه دولية
وكان الاكتفاء بالرخصه السعودية الجديدة المترجمه
الحجز والدفع كان بالانترنت من مطار جنيف الجانب الفرنسي
سعره رخيص وممتاز جداَ وانصحك بشده تستاجر السيارة منهم
هذا رابط الشركة
https://www.hertz.com/rentacar/reservation/gaq/index.jsp?targetPage=reservationOnHomepage.jsp
الافضل تسلم السيارة بجنيف وتسافر لباريس طيران اقتصادي او قطار
حسب ماتراه مناسب
عطني تواريخ رحلتك بسويسرا واجيب لك السعر للسيارة ومنها تقدر تقرر الحجز

lord155
الله يعطيك العافيه يالورد
والله يريح بالك مثل ماريحتن
أنا أبستأجر من جنيف الجانب الفرنسي لكن العوده راح أطلع من انترلاكن لباريس مباشره ماراح أرجع لجنيف يعني السياره اسلمها بإنترلاكن وبعدها أبطلع قطار لباريس ==>طبعاً هذا تخطيطي المبدئي ..
وأبوصل ان شاء الله جنيف 6 سبتمبر وأبغى أسلم السياره 11 سبتمبر لكن يوافق الأحد والمكاتب مسكره ولذلك فلا يوجد مانع إني أسلمها عشره سبتمبر ==>وأصلاً عندك غير هالحل علشان اتشرط
وراح اوصل جنيف وحده ونص الظهر ..
والف شكر مقدماً ..
تحياتي

عندي لك حل
ترى مدتك قليله ... هل انت ضرووري تروح باريس ؟
ترى مافيها شي ... يستااهل العنوه ...
بالنسبه لاجار السيارات حجزت لصاحبي في 27-8 الى 7-9 يعني 11 يوم ب1490 ريال بالرخصه الدوليه والفيزا بس ...
تبي اسم الموقع ..؟..؟..؟
كم تدفع ...
خ كم تدفع قلي خ

y799
بالنسبه لاجار السيارات حجزت لصاحبي في 27-8 الى 7-9 يعني 11 يوم ب1490 ريال بالرخصه الدوليه والفيزا بس ...
تبي اسم الموقع ..؟..؟..؟
كم تدفع ...
خ كم تدفع قلي خ
خ كم تبي بس
والله ياطويل العمر انا قد حجزت فنادق باريس وللأسف الفندق اللي حجزته هناك المبلغ غير مسترد وانا مطول لأني ابجلس بباريس أربع ايام وبعدين ابطلع لبرشلونه ليله ثم ابطلع كروز لمدة سبع ايام وبعدها أبرجع لبرشلونه وابجلس فيها يومين ومنها نحضر مباراة البرشا واتليتكو مدريد وبعدها نطير لأمستردام ونجلس هناك ثلاث أيام وبعدها نرجع للديار ..
طبعاً من باريس لبرشلونه طيران ومن برشلونه لأمستردام طيران ..
انا بيني وبينك ماكان تخطيطي كذا لكن صار فيه تدخلات حاست علي البلان كله
المهم اللحين تقولي متى بتحجز لي ==>خ ضمنه خ
لا جد وشو الموقع اللي حجزت لخويك منه ..
بس هو لازم رخصه دوليه ..؟
الشباب يقولون مايحتاج رخصه دوليه ..

..
اخوي انا بقول لك اللي انا سويته ..
انا نفسك بكون في انترلاكن 4 ايام وبعدها بروح باريس ..
والتخطيط اوصل جنيف واروح انترلاكن وبعدها ارجع جنيف في اخر يوم ارجع السياره واروح باريس بالقطار ..
لأن من جنيف الى باريس تاخذ القطار دايركت 3 ساعات وشوي ..
اما من انترلاكن بيكون فيه تبديل في نص الطريق واظن ياخذ 6 ساعات وشوي ..
حجزي من شركة http://www.sixt.com بكره انا رايح ان شاء الله ..
سياره صغيره - اللمت مفتوح - 4 ايام مع التأمين من السرقه وكل شي .. تقريباً 2300 ريال قطري او اقل نسيت كم بالضبط ..
في سيارات اكبر واغلى .. بس مب واجد .. سعر بسيط ..
ومأجرها من السنتر مش من المطار .. لأن لو خذتها من المطار بيحسبون عليك ضريبة المطار .. < كلام المكتب ههه
ولو تاخذها من الجانب الفرنسي يكون اللمت محدود .. < تأأأكد من سالفة اللمت حق الكيلو ..
لأن اذا تعديت اللمت يحسبون لك مبلغ على كل كيلو زياده ..
المهم ..
تقدر تدخل موقع الشركه وتسجل تاريخ دخولك وتشوف اسعار السيارات ..
عندك الاسعار توصل من 1000 وشوي الى 6000 ههه ,, لأن على تاريخك يعتبر التأجير 5 ايام ..
قارن بين الاسعار مع الشركات الثانيه وتشوف اللي يعجبك ..
الشركات عندك : Sixt - Avis - Hertz - Budget - europcar
في غيرها بس هذي المشهوره واللي لها مكاتب في الخليج
ههه ادري طولت السالفه بس حبيت اساعدك باللي اقدر عليه ..

بالنسبة للرخصة الدولية بحوالي 100- 150 ريال
من معظم المكاتب السياحية وتأخذها في ربع ساعة
خذها وريح بالك
بالنسبة لي طلبوها عند استلام السيارة مع الرخصة السعودية

Sultan Al-Hajri
مرحبا عزيزي سلطان
والله لامانع من تغيير مسار الرحله وتسليم السياره بجنيف والدعوى عزوبيه ماعندنا مشكله
وفعلاً حصلت اسعار ارخص وحصلت تقريباً على 1800 ريال و 1600 طبعاً تختلف بإختلاف السياره
والإستلام والتسليم من وسط جنيف مو من المطار واللمت مفتوح ..
وانا قارنت Sixt مع Hertz حصلت Sixt ارخص ..
الله يعطيك العافيه على النصيحه والمشاركه وماقصرت ياطويل العمر ..
تحياتي

mr n
خلاص ابآخذها احتياط مع ان فيه كم واحد يقولون مايحتاج اذا كانت الرخصه جديده ومترجمه ..
الله يعطيك العافيه مستر n
تحياتي

ما يحتاج رخصة دولية كلش
و شركة سكست 100% ناس اجاويد
مجربهم في ( رحلتي الي المانيا )