هلا فيج ياجود
حبيبتي لازم معاكم الجوازات واكيد تصريح سفر من ولي الامر اذا ماكان معاكم ..
وفندق الرتزكارلتون هو افخم فندق بالبحرين وكلمة فندق رائع قليله عليه .. روحي وانتي متطمنه
بأيام العيد يمكن تكون في فعاليات لكن لحد الحين ماسمعت عنها ..
ممكن تروحون عين عذاري وهي ملاهي للصغار والكبار وعندج الستي سنتر يبيله يوم يالله تخلصينه ..
ومجمع السيف وللماركات العالميه انصحج بالمودامول قريب من الشيراتون ..
اهم شي تمرون سوق المحرق عشان تشترون الهدايا والحلوى والمتاي :q
واذا انتو من الرياض يفضل انكم تطلعون بعد صلاة الفجر على طول او من الصبح لان الزحمه عالجسر تذبح
واي استفسار ثاني نحنا حاضرين يالغلا

تسلمين حبيبتي مآ قصرتي والله ,, يعطيك ربي ألف عَآفيه

1. joddy


2. ويآليت صور للفندق

joddy

اليوم الأول : شاليهات الرتز كارلتون ( أو قضاء نهار كامل في الرتز الأنشطة فيه ما شاء الله كثيرة + عشاء في أحد مطاعم ضاحية السيف الفاخرة ( الرتز يقع في ضاحية السيف ) + حضور سينما أو مسرحية حسب أوقات العرض.
اليوم الثاني : منتزه عذاري + أرض المرح + شارع الشباب في الجفير + شارع يوسف الشيراوي في العدلية.
اليوم الثالث : أفضل يوم للبدء بزيارة المجمعات التجارية لأن اليوم اللي بعده راح يكون أول يوم دوام بعد إجازة العيد , طبعاً لابد من زيارة مجمع البحرين سيتي سنتر فيه أنشطة مختلفة ، بالإمكان زيارة المجمعات التجارية البارزة الأخرى كالسيف والعالي والبحرين ومودا مول والدانة , وبالإمكان التوجه نحو الأسواق الشعبية كسوق باب البحرين وسوق المحرق الشعبي.
,
حجزنآ في فندق الريتز كآرلتون كيف الخدمه فيه والجودة والنظاقة والخدمآت , منآسب للعآئلآت ولا لا؟

ويآليت صور للفندق

واحد من أروع فنادق البحرين ومناسب جداً للعوائل وفيه كل الخدمات الترفيهية من الشاطئ الاستوائي والشاليهات والبحيرة وبرك السباحة والمطاعم الفخمة المطلة على مناظر خلابة على البحر بالإضافة إلى النادي الرياضي والملاعب الخارجية والعديد من المرافق اللي يحتويها الفندق فضلاً عن فخامة الغرف والأروقة اللي فيه , انا عن نفسي عندي الرتز كارلتون أفخم فندق في البحرين بعد فندق قصر العرين.
,
جسر الملك فهد دآيم يكوُن مزدحم وإحنآ رآح نطلع ثمآنيه أو تسعه الصبآح ؟
كيف الزحمه فيه وكم يآخذ الطريق وحجز الفندق 3 العصر
وللعلم أنآ في الريآض
ان شاء الله ما تكون هناك زحمة وخلال أقل من 45 دقيقة تنتهون من إجراءات المنفذ , والمسافة من الرياض إلى البحرين تتراوح ما بين 4 إلى 5 ساعات.
أدري آسئلتي ثقيلة سآمحوني وإن شآءالله مآ تقصرون معآي
آنتظركم يعطيكم العآفيه
بالعكس حاضرين للغاليين وحياكم الله في البحرين.

الله يحييك ..
لكن ما فهمت أيش معنى تصريح ولي الأمر
أنا ناوي أسافر أنا وأختي ( معها جواز ) ولا معنا إذن من ولي أمرها ( الوالد الله يحفظه ) هل تتوقعون يطلبون منا إذن ؟

لابد من موافقة ولي الأمر ،، والدها الله يخليه لكم او زوجها اذا متزوجه ،،

الله يعطيك العافيه اخوي