فكره والله
أن اشوف القطريين في ميلانو السنة اللي طافت سياراتهم مرسيديس فان فيتوا كلها قطرية
حتى السعوديين كثير شفت لوحات سعودية
منها هذي في منترو

مشكلة الشحن هنا هو التكلفة اللي ممكن توصل ل6 الاف ريال
واللي هي تعادل ايجار سيارة من نفس فئة سيارتك لمدة شهر
بالتوفيق

انا بصراحة سفرتي شهر وسالت عن الايجار لقيت اقل شئ تكلف 6000 ريال وسيارة بيجو صغيرة مثل الخنفساء وقير عادي
وانت تقول شحن سيارتك يكلف 6000 ريال
بس ياليت يابوعزيز تنورنا بطرقة الشحن جو او بحر والضرائب والتامين وخلافه وش الخطوات ؟
والبنزين عندهم بكم اللتر ؟
نبي حسبة شاملة من واحد خبير مثلك يابوعزيز الله يوفقك معليش بنكل عليك بس عاد الخبراء هم اللي يعرفون الانظمة والاجراءات ويحسبونها تمام

المسافر الأنيق
للأسف ما املك اي معلومات عن شحن السيارات
لكن من خلال بحثي في الإنترنت وجدت ان تكلفة الشحن خيالية تصل لل20 الف ريال (ذهاب وعودة)
يعني الأفضل ان تصرف النظر عن هذه الفكرة (وبكل قوة)
او تتصل بشركات النقليات وسؤالهم
ايجار السيارة لمدة شهر حجم صغير هو 5 الالاف ريال سعودي او أقل اخوي
طبعا هنا في مجال خبرتي (وليس نقل السيارات)
الوقود عندهم تملي السيارة (40 لتر) بحدود 250 ريال وتقدر تمشي فيها 400 كم
بالتوفيق

بارك الله فيك ابوعزيز والله لايحرمنا منك
خلاص كنسلنا فكرة شحن السيارة بس ياليت تدلني عى المكتب اللي ياجر بهالاسعار
انا من خلال بحثي في سيكست ويوروب كار مالقيت شئ بهالاسعار
ابي شئ صغير وقير اتوماتيك وان شاء الله باخذها من المانيا واسلمها بجنيف لان المانيا ارخص مثل ماذكروا الاخوان
فارجو منك ان تساعدني بهالموضوع ياغالي ولك مني الشكر الجزيل مقدما واتمنى ماكون ثقلت عليك
اخوك ابوفراس

المسافر الأنيق
هلا بك أخوي
والله مدري من جت فكرة إنها أوفر
انا اتفق معك انها ارخص من المانيا لكن أكيد مو أوفر
لا تنسى انه وراك 600 كم وبنزيز ومصاريف تسليم في دولة أخرى
ممكن الحسبة تكون فيها شي بسيط من التوفير اذا استلمت السيارة من ميونخ وسلمتها هناك
على كل حال
بالنسبة لمكاتب التأجير فأنا أتعامل وبكل صراحة مع هيرتز عن طريق مكتبهم في جدة
وانا ما ادري انت من وين بالضبط
لكن غالبا يوجد لهم أفرع في الرياض والشرقية
بالتوفيق

تاخذها من المانيا وتدفع ضريبة 210 يورو حق التسليم بدولة اخرى (سويسرا)
وانا ان شاء الله مخططي امر النمسا وهذي مختصر الرحلة على الخريطة و فيه محطات استراحة يوم ويومين

انا من مكة وعملي بجدة يعني قريب وانتظر توجيهاتك بالخطوات

المسافر الأنيق
هلا بك اخوي
المخطط بشكل عام ممتاز (لكن طويل) ساعات قيادة طويلة
وهذا بكل تأكيد يرجع لصاحب الرحلة (وممن معه)
ممكن تشوف السيارة من نفس المكان اللي انا استأجر منه (هيرتز) الكوبري المربع - جدة
وتبدأ بمقارنة الأسعار مع ماهو معروض في النت
برامج سويسرا جاهزة للطباعة وموجودة في الدليل السياحي
وحتى السكن في سويسرا و ضواحيها تم وضعه في الدليل
اذا يوجد اي شي محدد لا تتردد بالسؤال
الكل هنا بيساعد ويعاون بإذن الله
بالتوفيق

أخوي الشحن مكلف جدً
حوالي 20 إلى 30 ألف ريال بالطائره
والباخره يكلف حوالي 12 ألف ريال
وإذا أنت راعي طويله رح عن طريق البر إلى تركيا وبعدين اليونان وبعدين أركب باخره رائعه لها رحلات يوميه من اليونان إلى فينيسا إيطاليا ومن فينيسيا إلى جنيف ما تجي 400 كيلو وخصوصاً ٌن البنزين رخيص هالأيام اللتر حوالي 1.05 يورو بعد ما وصل 2 و كسور
وأنا إن شاء الله رايح بالسياره بعد 10 أيام أجرب الطريق للصيفيه
أو إنك تشتري راتحتك وتنزل ألمانيا وتستأجر من هناك
أنا أكلمك من ألمنيا إستأجرت أس كلاس مرسيدس اليوم ب 160 يورو لمده 4 أيام ولو طولت المده ممكن توصل إلى 110 يورو يعني ممكن تأخذ لك سي كلاس بسعر ما يتعدى ال70 يورو وأرخص الأسعاد في ألمانيا سكست
وبالتوفيق *