يا مرحبا بك أخوي، تنورنا بزيارتك،،
فندق شرق، يجنن على البحر على طول بس عيبه نظام الغرف فيه شوي كئيب طبعاً هذا بالنسبة لرأيي الشخصي هي الغرف حلوه بس تعرف شلون نظامها، كأنك تدخل على فيلا وفيها صالة كبيرة وغرف ويمكن محد ساكن جنبك ياخي مادري شلون ماعجبني بصراحه، لكن كفندق وخدمة ونظافة ما عليهم كلام واكلهم وايد حلو في قاعة الليوان او الديوان ماتذكر بالضبط، عيبه انه عند المطار يعني تسمع صوت الطيارات وهي رايحه وجايه، وبعيد عن المجمعات وكتارا واللؤلوه.
فندق جراند حياة، بصراحه ما عليه كلام فندق على البحر نظيف خدمة ما عليها كلام جنب الريتز كارلتون قريب جداً من كتارا جزيرة اللؤلوه وبعض الشيء قريب من الستي.
أتمنى اني اكون ساعدك ياخوي،،

اشكرك اخوي عبدالله على توضيحك
كفيت ووفيت

جراند حياة احسن وافخم وفي وسط المدينة

شوف كلهم فخمين وحلوين لاكن راح اقولك مميزاتهم
شرق : احلى وافخم لاكن مكانه يعيبه لانه كل المجمعات بعيده عنه بس يضل حلو
جراند حياة فخم بس شرق افخم بس هذا اشوفه احسن لانه جمب الؤلؤه وكتارا والبحر روعه
وبث في النهاية ارشح لك جراند حياة

السلام عليكم ورحمة الله وبركاته
اصلا ما في وجه مقارنه بين جراند حياه وفندق شرق
فندق شرق احلى بمليون مره وبعدين في اخت اسكنت في جراند حياه وعابته وايد تقول ان لا يوجد مسعفين عند حمام السباحه والبحر غير نظيف وكله طين وما سلموهم الشاليه الا في ساعه متاخره ولا يوجد وايرلس في الشاليه
وانا سكنت في شرق قمه في الرومانسيه ونصيحة اذا ما سكنت فيه روح وشوفه وهو اجمل فندق في قطر بلا منازع

حياك الله في قطر .. انت واعيالك
وان شاء الله يدلونك الاخوان على أحسن فندق

حياك الله اخوي وتنور قطر
بصراحة مافي اروع ولا أجمل من شرق كمنتجع للاسترخاء واتصحك فيه اذا كانت هذي زيارتك الاوله

السلام عليكم
الحقيقة تفاعلكم رائع ومعلوماتكم جداً قيمة
احييكم من قلبي

جراند حياة اذا بتاخذ شاليه"فيلا" عائلي اكثر من شرق وقريب من كل شي
حتى لو كان شرق مب بعيد وايد
شرق افخم وارقى بس التمشي محدود
واهلا وسهلا فيك