اقترح عليك لو انت خايف على سيارتك وقفها بالمطار..
صح انه تكلفة الخمسة ايام بتكون 360 ريال تقريباً.. بس تشتري راحة بالك ولا تقعد شايل هم السياره..
اعتبر المبلغ من مصروفات السفر..
أو انك توقفها عند احد اقاربك..
مشكلة وقوف السياره في الاماكن العامه لفتره طويله تعرضها للسرقه أو التشليح..
واللموزينات عندنا ماشاء الله من تقوله المطار على طول يرفع السعر كانك دافع مبلغ اجار سياره يوم كامل وفوق كذا مقاعد وسخه وسيارات متهالكه ونفوس شينه..
اتمنى لك سفره سعيده..

حبيبي وقفها تحت كوبري حراء , امام سوق حراء الدولي
انا اوقف سيارتي هناك باليومين والثلاث واربع ايام والحمد لله ولا شي
ولمن ترجع بالسلامة راح تلاقي لك كدادين وتكاسي ترجعك لسيارتك

إذا أنت من خارج جدة ، والرحلة كلها خمس أيام ، أفضل شى توقفها فى مواقف المطار

جده الله ما كثر فيها الليموزينات والساعه 6 الصباح راح تلاقي ومؤكد ... اترك سيارتك قدام بيتك واذا عندك حارس
قوله انقز الله لايهينك جب لي ليموزين من الشارع ... وانحلت المشكله اما الصباح 6 مافي ليموزينات صعبه انا كانت لدي اكثر من رحله دوليه ولازم اكون بالمطار 4 الفجر ولاقيت ليموزين وسيارتي واقفه قدام بيتي وانا مرتاح .

مشكورين بس المشكلة سمعت إنها تنسحب من قدام المطار

صعبة توقفها في اي مكان
وانا ماأيدك توقفها قدام سوق حراء تحت الكوبري تحصل احيانا سيارات مشلحة لوقوفها الطويل ومافيه أمان
اشتر راحة بالك ووقفها في المطار ولكن اعتقد السعر تغير عن السابق الساعة ب 4 ريال

فهد2004
في المطار موقعين ثلاثة مواقع للمواقف .. الاول عند صالة القدوم - الساعة ب5 ريال .. الثاني مدخلها من صالة المغادرة وهي أيضا ب5 ريال للساعة .. الثالث من مخرج الدوار الاول قبل مخرج الصالات - الساعة ب3 ريال ..

ياخوان ان مثل صاحب الموضوع , انا بسافر من مطار جدة لمدة اسبوعين ولا ادري وين اوقف سيارتي ؟؟ محتار بجد ...
مواقف المطار كم تاخذ ؟؟؟ وهل يوجد مواقف ارخص منها ؟ مثلا الاسبوع ب 100 ريال .
بنتظاركم

الاخ المراهق الكسلان ..
تكلفة ايقاف السيارة في المطار راح توصل الى الف ريال في الاسبوعين وهو رقم خيالي .. لو انك من المدينة او الطائف او اي مدينة قريبة من جدة الافضل في نظري انك تسافر بطريقة أخرى مثل النقل الجماعي .. راح توفر أكثر بكثير من جيتك بالسيارة على الاقل تطمن ان السيارة واقفة قدام البيت ..