أخواني وخواتي .. أنا سؤالي هذا جداً حيرني
كل ما قريت تقرير شفت انها روعه! وقلت خلاص بروح لها!!
بعدين اشوف الثانية أقرب وأسهل!! أرجع ابحث ألاقي عن الأولى تقرير
وأرجع اعزّم عليها, يعني بالعربي ما عاد عندي شور,,,,,,,,,, انتو شورو علي
من باب تجاربكم أو حتى اللي ما زاروها من خلال ما سمعوا!! لأني وصلت لمرحلة
حرجة من الحيرة !!
مدة الرحلة 15 يوم .. لسويسرا فقط .. ماسوينا شنجن
تاريخ السفر: 14-7 إلى 28-7
الوجهة دبي زيورخ دبي
المسافرون 2 نفر كبير واحد صغير
و تتضمن أنا ! وزوجي وأبني ..:36_15_17:
وأبني هذا عبارة طفل يتحرك وايد وعبث عمره 9 شهور......:282:
أنا اشهد اني لو رحت مشوار السوق تطلع لي قرون!! وياما كنت متردده اسافر
بسبب هالموضوع بس يالله قلنا يكبر ويعقل لحد ما نسافر (يعني بعد شهر )
:36_1_1:
ما علينا الولد بنسيطر عليه لكن تعالوا هالرحلة ما عرفت اسيطر عليها
حالياً حجزت التذاكر فقط! حجز كلامي .. وبما انه الطيارة توصل ليل!
بحجز فندق قريب المطار وببات ليلتنا نريح.. بكره نطلع من محطة المطار على لوزيرن!
وبيكون خط السير كالتالي!
(زيورخ-لوزيرن-انترلاكن-لوزان-جنيف------- والعودة لزيورخ عشان نطير)
(أحيان اخاف انه المناطق كثيرة ومابي اتبهدل قطارات وعندي بيبي!!
لكن ماني عارفه اقرر أي تنشال وأي تناسب وضعنا اكثر!! كل ما حطيت
ثلاث ليالي في وحده حسيت انه كفاية وأخاف تبدا تصير ممله وحزتها يتراوالي
شكل زوجي في آخر سفرة لنا لما بدا يمل :36_6_1: وأنا طول الوقت خايفه لا اتهزأ
وألقالي تلطيشة منيه ولا مناك :36_1_7: