- امور الفيزا الحمد لله تقريبا خلصت
السلام عليكم و رحمة الله و بركاته اخواني و اخواتي
ابدأ بالشكر للقائمين على هذا الصرح الي بصراحة ما يوفيهم حقهم شي احنا سنين و انتوا رفقاء سفرنا و انا كنا غائبين حاضرين بشغف السفر الي يجمعنا كلنا
اليوم انا جايتكم طالبه النصيحة و الشور من منتداكم و اعضائكم الطيبين
ناوين انا و زوجي نسافر الى امريكا في شهر اكتوبر و نقعد حوالي 20 يوم ان شاءالله
هذي اول سفرة لنا للقارة الامريكية !! و ما عندنا فكرة محدده وين نبي نروح نوعا ما منفتحين لفكرة أي مكان !!! نبي نسافر و خلاص ههه
امور الفيزا الحمد لله تقريبا خلصت
و لكن ما حجزنا تذاكر السفر للحين !!!!!! ( حصلت أسعار ممتازة على البريطانية BA و كنا بنحجز لكن بنفس الرحلة الشركة الناقلة من هيثرو لندن هي الامريكية AA) و وايد ناس ما نصحونا ناخذ الامريكية !!! شنو رايكم و ما البديل ؟!! علما اننا نفضل ترانزيت... (نريح و نتحرك في نص الرحلة)
حابين مساعدتكم نرتب الولايات و المدن بشكل عام او وين نروح اول مره عشان نتشوق نرد مره ثانيه ههه ( ان شاءالله )
اسالتي هي كيف ممكن اوزع الايام في كل مدينة ؟ شنو طرق التنقل الافضل ، سيارة طيارة ؟
انطلاقتنا تبدأ من البحرين تاريخ 10 اكتوبر2014 و حبذا الرجوع 29 اكتوبر 2014
المدن الي حابين نزورها كالتالي :-
نيويورك
واشنقتون DC (اذا امكن)
نياقرا فولز (هل احتاج فيزا للجهة الكندية ؟ او اكتفي بالجهة الامريكية من الشلالات؟)
لوس انجلس
لاس فيقاس
اورلاندو
ميامي أو فورت لودريل ( هل تستحق الزيارة اذا ما باخذ كروز ؟)
و ياليت اذا احد من خبرائنا عنده اقتراحات برنامج افضل بكون شاكره لكم
و سامحوني ع الاطالة
دمتم بخير
