أهلا و سهلا بك في مسقط
معظم فنادقنا الخمس نجوم بعيده نوعا ما عن الأسواق ...
وخصوصا في هذه الجو الصيفي , لابد من استخدام السيارة.
بس انصحك بفندق انتر كوننتيننتال .. قريب منه جدا المطاعم و الكافيهات ..
فندق الشيدي ..
فندق جراند حياة مسقط ..
فندق كراون بلازا..
الفنادق الي ذكرتها قريب منها توعا ما المناطق التجارية..
و بالتوفيق.

أفضل الحلوى العمانية بتحلصها في المصانع وهي في مسقط و بركاء وطرح

طيب ممكن تفيدني عن أسامي المولات في مسقط ؟

ستي سنتر مسقط ,,, قريب جدا من مطار مسقط الدولي
ستي سنتر القرم موجودفي منطقة القرم
منطقة القرم التجارية فيها كذا مول قريبين من بعض وهم ( العريمي,, خميس بلازا,, سابكو,,مركز العاصمة التجاري Ccc)
مجمع بريق الشاطئ قريب من فندق انتركوننتيننتال في منطقة الصاروج ( شاطئ القرم سابقا)
و ايضا قريب منه الماسه مول ..
وعندنا اسواق شعبية ..
سوق مطرح و بتحصل الحلوى العمانيه هناك و هو يعتبر من أهم المعالم السياحية في مسقط ايضا!

السلام عليكم
أخوي أنا بنصحك بمحل يبيع الحلوى وهو(مشاريع الحبسي )
بتحصله فالحيل الجنوبيه عند محطة شل وجمبه في محل اسمه (ماريه مارت )
يعني : بعد جسر السيب ؛ بتحصل دخله لشارع الخدمات ادخلها ، بعد ما تدخلها ب100 متر تقريبا بتحصل محطة شل وهناك محل الحبسي .
ارشحلك السلطانيه وخلله يكثر مكسرات بالحلوى

مع احترامي للاخوة العمانيين الاعزاء على قلبي ,, ترى مولات مسقط مستواهم اقرب الى العادي
العام الفائت زرت السيتي سنتر والعريمي والصاروج ,, والناس اذواق
اما الفنادق ,, برأي فندق مسقط هولدي ان ,, كان ممتاز 4 نجوم . وكان في منطقة راقية وهادئة وكذلك قريبة من الخدمات والشارع الرئيسي

مع احترامي للاخوة العمانيين الاعزاء على قلبي ,, ترى مولات مسقط مستواهم اقرب الى العادي
أتفق معج فهالشيء
بس اللي يزور عمان بشكل عام مب مسقط بس تكون زيارته للإسترخاء والسياحه أكثر من التسوق
بين السواحل والصحاري والخضره والجبال وأحياناً ثلوج ، بالإضافه للجو الألطف فالخليج .
يعني جونا الأكثر اعتدالاً فالصيف وفالشتاء ،وزحمة الشوارع أقل .
من وجهة نظري صح انه مسقط عاصمه ، بس الحياة فيها سهله ومريحه ما فيها ضوضاء العواصم .
وهي كلمة حق المولات عاديه بس يحصل مبتغاه.
نتمنى السنين الجايه نشوف مولا أضخم من الحين
والأخوه البحرينيين بعد عزيزين على قلوبنا:smile127:

باب البحرين
أحترامك مقبول باب البحرين ..
و ارقى المولات الي عندنا ستي سنتر مسقط و الحين مفتوح ستي سنتر القرم ..
و مركز البهجة .. و ان شاء الله في مولات بتفتح قريب و اهمها تلال الخوير ..!
بالنسبه للفندق الي انت سكنته هوليدي ان 4 نجووم .... موجود في منطقة الخوير
و هي منطقه مش كثير راقية و تزداد فيها الزحمة كل ما تعمقت في المنطقه!!
و في مناطق اهدئ منها بكثير ...!!
وحياك الله في اي وقت!