ما صارت رحلة سفر
اعتذر ما اقدر ادرج جدول حسب المقترحات المدرجه باستفسارك
لازم تلغون مناطق كثيرة
وين سويسرا عن النمسا والمانيا وين عن ايطاليا؟
عيدي ترتيب امورك مرة اخرى واختار دولتين بالكثير

اختي لعمل رحله منظمه
يفضل ان يكون بلد الوصول والمغادره متناسقه على نفس الخط
مثلا الوصول فينا المغادره من ميونخ
او الوصول جنيف المغادره من ميلان
او الوصول ميونخ المغادره من جنيف
البطريقه هذي صعب عليك تنسيق برنامج
ودائما خذي في بالك انو في مدن تكون محطات رئيسيه ويكون السكن فيها وحاولي ماتكون كثيره عشان االاستمتاع بالرحله
لان كثره التنقلات متعبه جدا جدا

السلام عليكم أعزائي لقد تم حجز مدينة الذهاب فرانكفورت و العودة ميونيخ و أنا أخترتهم لاني أريد الذهاب لأوروبا بارك و بادن بادن ثم نزولا على سويسرا ف ميلان ثم فينيسيا ثم النمسا و منها الى ميونيخ المطلوب الآن ماهي المدن الأساسية التي استقر فيها و كم أحتاج من الأيام فيها و المناطق التي أستطيع الذهاب اليها ةمن هذه المدن و العودة في نفس اليوم و ماهي المدن التي ماتستاهل أروحها و لا يحتاج أمر عليها أرجو المساعدة و شكرا أنا لا أرى ما يمنع من الذهاب الى جميع هذه الدول و هناك العديد من الأعضاء قامو بجولات مقاربة فأنا أريد خبرتهم و شكرا مره أخرى

يا اختنا
طلبك زي الي يبغا يسافر جده الرياض المدينة والعودة من الدمام
شفتي كيف التباعد ؟
المسافة بين سويسرا والنمسا الف كيلو
المسافة بين سويسرا وايطاليا؟
المسافة بين ميونخ وجنيف؟
بادن بادن ؟؟
اشطبي ايطاليا والنمسا
خلي رحلتك المانيا وسويسرا بنقولك معقولة رغم ان المسافة لكي عليها من جنيف لبادن لميونخ

مرحبا
الاماكن اختي متباعده مثل ما اشاروا الاخوان
ولكن اذا عددكم صغير تقدرون تلفون هذي اللفه
واقترح عليكم الجدول التالي
النزول فرانكفورت والتوجه مباشرة الى بادن بادن 4 ايام تزورون اليورب بارك
وشتوتجارت ومن ثم لوزيرن او زيورخ 4 ايام تزورون هايدي لاند وزيورخ ولوزيرن
بعدها لوزان 3 ايام تزورون مونترو وجنيف وبعدها تمرون على انسي وانتوا بطريقكم
الى شاموني وتقضون 2 في شاموني اللي فيها مونت بلان بعدها تطلعون ميلان
يومين او 3 اذا كنتوا تريدون زيارة لوجانو او السكن في لوجانو وزيارة ميلان منها وبعدها البندقيه يومين وبعدها زيلامسي 3 ايام والمسافة الطريق تقريبا 440 كيلو تزورون كابرون وشلالات كرميلر وبعدها يومين او 3 سالزبورج وبعدها ميونخ وتقضون فيها كم يوم والعوده
بالنسبة لتوزيع الايام ممكن تزيدون اوتقللون على حسب جدولكم لانه بيبقى 4 او 5 ايام لميونخ
ورحلة موفقه ان شاء الله

^^^
هذا الكلام المضبوط واايد برنامج الاخ مقدام
اذا تم الحجز خلاص وتم اخذ التذاكر فتوكلوا على الله ورتبو سفرتكم على هذا الجدول مع بعض التغيير الطفيف والترتيب لانهاء اللمسات النهائية
واذا انتم تووكم ماقطعتوا التذاكر فشوفي حجز غير هذا اريح شوي من هذا يعني خلي النزول في ميونخ مثلا والعودة من مالبنسا في ايطاليا او جنيف
وبكذا بيصير خط الرحلة اريح لكم لان على حجزك هذا بتنزلين من فرانكفورت جنوبا لسويسرا ومن ثم العودة شمالا لميونخ متعب شوي لكن ممكن اذا انتم خفاف وتحبون السفر بالسيارة فماعندكم مشكلة بأذن الله والمدة اكثر من كافيه واي خدمة مايقصرون الاخوان ان شاء الله

لله لايحرمني منكم لا خلى و لا عدم ان شاء الله بس بخصوص بعض المدن الغير مهمة أو اللي فيه مدن تغني عنها ممكن تحذفوها من المخطط يعني أساسي فرانكفورت - أوروبا بارك - انسي بادن بادن انترلاكن هايدي لاند لوقانو ميلان فينيسيا زي لامسي سالسبورغ و ميونخ و اذا عندكم اضافات أو اماكن أضل أفيدوني أختكم في الله دايجة في ذي الأوروبا ودي أزورها كلها علما انه عددنا 4 أشخاص و معانا سيارة

خي العزيز المقدام آسفة على ازعاجك و كثر طلباتي بس و الله عشاني مشتته ..ممكن و بدون أمر عليك .. تفصل أكثر في المخطط يعني ماهي البلد من وجهة نظرك اللي أسكن فيها و ماهي البلدان اللي أزورها من هذه البلد و كم يوم في كل بلد و أكون شاكرة .. أرجوك طول بالك علييه ... و لك جزيل الشكر ..

1. عدد الافراد


2. وبعدين لوقانو او تسكنون بميلان نفسها شوفو وش الارخص في السكن


3. وبعد ماتخلصون من ميلان وتسوقين وتوسعين صدرك وتطفرين بزوجك شوي ههه

شوفي اختي لاتحتارين ولا شي وخذي لك كوب شاهي او كافي وقلم وورقه وسجلي هذه الاولويات اول شي
تاريخ الرحلة من كذا ----الى ----كذا

عدد الافراد

خط سير الرحلة يعني منطقة الوصول والعوده وبعدين ستتحدد المناطق على حسب وين بتوصلون
اذا انتم خلاص حجزتم فرانكفورت رتبيها كذا مع بعض التغييرات اذا حبيتي وبمشاركة الاخوان ومايقصرون ممكن تختارين بعدين اهم شي حطي اماكن رئيسية للسكن ( مناطق مركزية ) يعني تقدرين من خلالهم تزورون مناطق قريبه ولاتكثرين منها يعني على حسب المدة نقول 20 يوم مثلا يعني 5 مناطق للسكن ولنفترض السكن :
الوصول فرانكفورت المبيت يومين بالكثير لانكم بعدها بتبدا الرحله
فرانكفورت ليلتين
رست ليلتين بالكثير عليها او فايبروغ ومنها تزورون يورب بارك
وبعدين تنزلون على سويسرا وارشح لكم انترلاكن 4 ليالي

وبعدين لوقانو او تسكنون بميلان نفسها شوفو وش الارخص في السكن

وبعد ماتخلصون من ميلان وتسوقين وتوسعين صدرك وتطفرين بزوجك شوي ههه

تردون على زيلامسي لجل يتنفس شوي ابو العيال ويريح اعصابه بزيلامسي تاخذون كم ليله فيها فقط طبيعة ووناسه واسترخاء من بعد المشاوير الطويلة وبعدين على ميونخ تريحون بعد يوم لو يومين فيها وتصرفين الي باقي من الفلوس بالسوق وترجعون لديرتكم بالسلامه بعد ماتسلمون السيارة في ميونخ لذا انصحكم تأجرون السيارة من المطار للمطار وكلها بالمانيا يعني ماراح تدفعون ضريبة تسليم بمدينة اخرى
هذه خارطه فيها خط سير رحلتكم مجموع المسافة 1450 كيلو وانا اشوفها مو شي بصراحه لانكم بتريحون في كذا ديره وبتستمتعون بالديره ان شاء الله
http://maps.google.com/maps?hl=ar&ie=UTF-8&tab=wl
شوفيها انتي وابو العيال وفكري فيها زين وقررو
والله يوسع صدوركم وييسر امركم