السلام عليكم
التذاكر على الاتحاد
جدة _ ابو ظبي _ بانكوك _ ابو ظبي _ جدة
0ريال سعودي
الدرجة السياحية فئة k
بالتوفيق

انا تذكرتي دبي -بانكوك -شنغراي -بانكوك -دبي 3470 درهم
مدام انتي وزوجك روحي جزر مثل بوكت وكوساموي وشنغماي وبعدين بانكوك حق شوبنغ
واذا انتي وزوجك تكفي 15 الى 20 الف ان اشاء الله

هلا اختي
اسعار تذاكر الطيران تختلف من طيران الى طيران وحسب الوقت وانا انصح بطيران القطري او الاتحاد
حجز الفنادق يفضل يكون عن طريق النت او مكاتب الفنادق بالمطار
جدوله الرحله :يومين بانكوك للتسوق لاحتياجات السفر وحجز الى بوكيت
4 ايام بوكيت والرحلات كثيره هناك تتعرفون عليهم بمكاتب الرحلات
3 ايام شنغماي ,,
3 ايام كاسمويه ,,
3 ايام بانكوك لشراء الهدايا والتسوق
الصرف يختلف من شخص الى شخص ومن عائله الى عائله انا اقول 6 الاف دولار او 7
واتمنى تستفيدين اكثر من بقية الاعضاء خصوصا باسماء الفنادق بسبب عدم اهتمامي بالفنادق بتايلند

مرحبا الساع ..
تختلف الاسعار من مكتب الى مكتب طيران .. حاولي تتصلين اكئر من مره على اكثر من مكتب وبتشوفين اختلاف الاسعار وعقب اختاري الانسب لكم ..
اما تكلفة الرحله (السفره) تعتمد اذا (المسأله فيها تسوق؟؟؟؟؟؟؟؟؟؟؟؟؟؟؟؟؟) ..
ورحله موفقه

السلام عليكم يا اختي
مدة الرحلة 15 يوم .
بالنسبة للطيران الداخلي التايلندي احسن شي واغلي .
الجدول الاول :-
يوم واحد بانكوك استراحه من عناء السفر
3 أيام شنغ ماي
4 أيام بوكت
3 أيام كوساموي
4 أيام بانكوك حق التسوق
وملاحظة بسيطة :- انا راح اسوي لج جدول ثاني تلغين فيه منطقة كوساموي عشان تقل التنقل من منطقة الي اخر
الجدول الثاني :-
يوم واحد بانكوك استراحه من عناء السفر مع حجز تذاكر وفندق حق شنغ ماي
4 ليالي شنغ ماي
6 ليالي بوكت
4 ليالي بانكوك حق التسوق
انتي شوفي الجدول المناسب لج واختاريه .
بالنسبة للاماكن واجد بتايلند راح ابدي معاج منطقة منطقة .
شنغ ماي عندج الرحلات ( الصعود علي الفيله والتمشي بالغابة + الصعود الي اعلي قمة في تايلند مع الشلالات +حديقة الافاعي والقرود + التمشي بالاسواق وسوق الليل ) .
جزيرة بوكت عندج الرحلات والمهمه لانها كثيره ( جزيرة جيمس بوند + جزيرة بي بي + مسرح فنتازيا + الالعاب البحرية عند الشاطئ + رحلة صيد ) .
بانكوك ( مدينة دريم ورد + السوق العائم ) وتابعي تقرير اختنا ام منوره عن بانكوك وحيل راح يفيدج وخاصه حق التسوق .
وأي استفسار تبينه يا اختي نحن بالخدمة ومعاج لحظة بلحظة لغاية ما تسافرين وترجعين لنا بالسلامة .
اخوج / عبدالله الكويتي

ياربي تتحقق امنيتج واتسافرين ارض العجائب والطبيعه والخيال
وبالنسبه للتذاكر ياقلبي في ترانزيت ومختلف ترانزيت يوم ساعتين 5 ساعات على حسب انتي شنو تبين وفي دايركت لو تحجزين من اللحين تمام وبتحصليبن تذاكر ارخاص والتذاكر الداخليه هناك بتحصلينها بكل الاوقات وبسعر يا غالي يا ارخيص على حسب وهذا ماله داعي تحاتين
المناطق المهمه بوكت وشنق ماي وبالتوفيق

مشكوره للجميع ..
بس يااخ اياد مرره غاليه التذاكر..مانقدر عليها والله .. ابغى اسعار تذاكر رخيصه على اي طيران ومتى افضل وقت أقص التذاكر .. طيب ليش مافيه احد تكلم عن بتايا ؟؟
الجميع ماقصرتوا وخاصه الاخ عبدالله الكويتي..
ابو ديمه طيب اسعار التذاكر كم ؟؟

عزيزتي
انتي ماذكرتي انتي من وين بتسافري من اي دولة هذا شي
الشي الثاني الاسعار عند المكاتب هم اللي يعطونك السعر الحقيقي لك بغض النظر عن اسعار الاخوان
لانهم لهم وقتهم
وتاكدي كل دقيقه تمر عليك تغلى التذكرة عليك والعكس صحيح
في الاخير ياريت ترتبي اسالتك عشان ماتتهين وتلخبطين نفسك
لاني مدري وش علاقة التذاكر ب بتايا
تحياتي
دولي

دولي انت اللي ربطت اسعار التذاكر ببتايا !!
انا اقصد محد حط لي بالجدول بتايا ..
وهل بإمكاني اقص التذاكر من اللحين عشان ماتزيد علي بعدين؟؟