مراحب..
حابه تساعدوني بكذا أستفسار عن أسبانيا لأني أول مره أروح وحتى زوجي أول مره يروحلها
وبصراحه من كثر المواضيع والأماكن السياحيه المنتشره في أرجاء أسبانيا تهت أو بالأصح دخت ماني عارفه أختار وأحدد
فقلت خليني أسأل ذو الخبره وأكيد مافي زي منتدى الكل منتدى العرب المسافرون
بالنسبه لأول أستفسار..
أنا رايحه طبعا أنا وزوجي وطفلين وحابين نروح لبرشلونه وماربيا وفي الأخير حابين نمر فرنسا كذا يوم
بالنسبه للمده تقريبا 3 أسابيع
كم ممكن أقعد كم يوم في كل منهم بحيث أحب التركيز يكون على ماربيا والمناطق التاريخيه لأني حابه أزور كل المعالم التاريخيه الإسلاميه ؟؟
ثانيا كم المسافه بين برشلونه وماربيا وهل فكرة التنقل من برشلونه وماربيا بالسياره جيده أم متعبه ؟؟
يعني هل الطريق فيه مناظر حلوه وأماكن للراحه تكون مرتبه ؟؟
وكم سعر تذكرة الطيران من برشلونه لماربيا ؟؟؟
بالنسبه لمدريد هل تستاهل الزياره ولا أروح فرنسا بدل عنها؟؟
أيش رايكم بفندق Hotel Palace GL
كخيار ببرشلونه وهل يعتبر على شارع الرامبيلا أم يحتاج إلى سياره للوصول للشارع؟؟
وفندق كراون بلازا في ماربيا ؟؟
مع العلم ليسه بالضروره إني أكون على البحر مباشره بحكم تنقولي في المناطق التاريخيه
معليش طولت عليكم بالأسئله ..