ماكو ردود ؟ ليش

40 واحد داش او ماكو ولا رد؟ يعني نغير الوجهة!
مشرفين البوابة شدعوة وينكم....

هلا اخوي ,, افضل الشقق في منطقة السيف جميعها ممتازة واسعارها تبدا من 300ريال في الليلة ويوجد بعد شقق في منطقة الجفير .. اما بالنسبة للتاجير السيارات تبدا من 90 ريال في اليوم ..التاكسي في البحرين مره غالي ,, اتمنى لك رحلة سعيدة

اخوي العزيز عندك منطقه الجفير كل الشقق فيها تتراوح من 20 الى 40 دينار اما بالنسبه لايجار السياره انا دايما اتعامل مع هيرتز لتاجير السيارات اللي في المطار الكامري 2007 ب 17 دينار يا بلاش بس لازم تكاسره شوي وانصحك انك تأجر سياره لان تكاسيهم غاليه كثيير تخيل في مره اخذت سياره من المطار الى الفندق قال لي 10 دنانير والفندق قريب من المطار بعد وعندك التيدا النيسان على 11 ديناار . وبالتوفييق

مشكورين اخواني عزيز و مهندس
حبيت اعرف اذا في غير هيرتز لأنه أتصور انه اغلى من غيره,, او وين مكان تأجير السيارات؟
سؤال اخير... شنو الوثائق المطلوبة لتأجير السيارة لأنه اول مرة بأجر ؟؟
شكرا

هلا أخوي, توجد في المطار عدة شركات لتأجير السيارات .. وأيضا توجد شركة تأجير في مجمع نادي المحرق بالقرب من المطار بأسعار أقل من شركة هيرتز (أنصحك فيها وإسمها البحرين لتأجير السيارات).. والوثائق رخصة القيادة وبطاقة الهوية.

هلا أخوي ، عندك مكتب الجزيرة على جسر الملك فهد يعطون أفضل الاسعار على الاطلاق من شقق من سيارات اللي تبي وهذا رقمهم في السعودية 0096638902865 طبعا المكتب بحريني لكن لهم أرقام بحرينية وسعودية بحكم أنهم متواجدين على الجسر والله يحفظك .

Messi 19, سعودي اوكيه : ما قصرتوا و عساكم عالقوة...
انزين بالنسبة لحجز الشقة شنو افضل احجز دايركت من هناك ولا من النت أو من احد المكاتب؟ شرايكم

هلا أخوي nasser82 ، يعطيك العافيه من خبرتي بالسفر ومع تقدم التكنلوجيا بالعالم أرى أنك تحجز من الانترنت وبعد ذلك تتصل على الفندق وتعطيهم رقم الحجز للتأكيد علشان مايصير معك مثل ماصار معي في المدينة المنورة في رمضان الماضي وفي العشر الأواخر حجزت من الانترنت وماأكدت الحجز لأني قلت خلاص أنا حجزت ليش أتصل يعني هم مو عارفين وفي الأخير جلست على الرصيف نصيحة أخ لأخيه وبعدين لاحضت أغلب الفنادق من النت يعطون سعر خاص جدا خاصة إذا حاجز من زمان يعني قبل قدومك بشهر تقريبا أما تأجير السيارة فأنا أرى من وجهة نظر شخصية إذا بتسافر البحرين عن طريق الخبر استأجر سيارة من الخبر وخذ تفويض عليها من المرور بكل سهولة وماياخذ وقت منك أبدا وتوكل على الله وإذا بغيت تستأجر فيه صديق لي عنده مكتب بالخبر وسياراته جديدة ويشيكها بالوكاله دائما وترا مالي مصلحه بالدعاية أبدا لاناقة ولا جمل فقط خدمة للوجيه السمحه وأعضاء المنتدى الكرام واللي يبغى أسم المكتب والله يحفظك .