بصراحه ماتوقع
بس خلنا نحسبها
التذاكر انتي وزوجك اقل شي تقريبا 4500 ريال
نجي للسكن ارخص فندق في دزني هو ساس الليلة تقريبا 700 ريال اتوقع يومين = 1400 ريال
باريس ما اقدر افيدك لاني ما سكنت الا بالماريوت والكوكنورد لافيات ولي كلاريج وفيه ارخص منهم ان شاء الله الاخوان يفيدونك باسعارهم فيه فندق اسمه شاتو شكله حلو الخارجي شفته يوم اروح اكل بمطعم العجمي شوفي بكم الليلة
بس على فكرة اختي حددي الوقت لان الوقت يلعب دوور بالاسعار
يعني انا رحت باريس بالشتاء صرفت نص صرفي بالصيف لا بالسكن ولا بالتذاكر ولا بالتشري
ودام انتي وزوجك حاولي بالروحة تكون اشناطكم خفيفة كل واحد يشيل شنطة وحدة عشان تستخدمين المترو ارخص لكم من التكاسي
انترلاكن مارحت لها بس فنادقها ام 3 انجوم اقل شي 200 فرنك مثل bellevu , savoy , carlton
جنيف اسكن بالهلتون الي صار الحين كمبنسكي وغالي واجد
فيه ناس تمدح suite hotel
اتوقع سعره لليلة 100 افرنك
وشوفي وسيلة النقل بين باريس وجنيف بكم
اذا حسبتي كل شي راح تقدرين تشوفين اذا هالمبلغ يكفي ولا لا
وان شاء الله ربي يسر امرك يارب

هلا اختي ام طفول الله يسرلك سفرتك انا العام الماضي رحت اوربا اول مره وكانت رحلتنا على ايطاليا ( ميلان وفينيسيا وكومو ) وقعدنا فيها 4 ايام وبعدين رحنا سويسر وقعدنا بأنترلاكن 4 ايام وبعدين رحنا الى لوزان وقعدنا3ايام زرنا خلالها جنيف لأنهاقريبه ومنترو وزرنا كذا مدينه صغيره وقريبه من لوزان واحسن اسكني بلوزان لأنها ارخص من جنيف واقل زحمه اذكر سكنا في الموفمبيك ارخص بكثير من الموفمبيك اللي بجنيف بعدين طلعنا على باريس وقعدنا فيها 3 ايام ورحنا دزني بالمترو وكانت تنقلاتنا كلها بالقطارات في الثلاث دول بس بسويسرا اشترينا السويس بس لأنه اوفر انصحك تأخذينه تروحين لأي مدينه بسويسرا بالقطار او بالباص او حتى باليخت بهذا الكرت وهو طبعا اوفر مع خصم تقريبا 50% على بعض الرحلات السياحيه والصعود الى قمة جنقفروا المهم تقريبا كلفتنا السفره (التذاكر مع الأقامه مع التنقلات والأكل والتسوق والمصاريف الأخرى)40000 ريال مع العلم ان الفنادق 4 نجوم وانترلاكن 3 نجوم ان شاء الله اكون نفعتك بشي واي استفسار انا جاهزه

معقولة 16 زاير ولا رد

nasib
لا والله رديت عليها فديتها
بس الشكوه لله ما يحطون ردي الا بعد ما ينقحونه ويتخلل
بعد 12 ساعه او 24 ساعه يحطون الرد الي اكتبه لاني اكتب بالاوردو

اذا كان بدون اطفال طبعا بيكفيكم ان شاء الله بس احجزي من الحين
بالنسبه لباريس عندك فندق شاتو مسوين عرض يبدأ من 10 جولاي
https://artravelers.com/p/re/265114
وانصحك ماتخلين ديزني يومين كثيره خليك ساكنه بباريس وروحي زوري ديزني احسن لك
انترلاكن فندق سبليندد او كريبس اسعارهم معقوله وموقعهم رائع splindid hotel ,,,,krebs hotel
جنيف فندق تور نظيف ومرتب وموقعه حلو Toor hotel
كل هاذي الفنادق بتحصلينها في موقع https://www.booking.com
احجزي منه والله يسهل عليك

تكفى يا الغاليه وانا انصح بفندق neva في باريس قريب من الشنزلزيه وحلو اما في جنيف انصح بفندق capital

تكفي ان شاء الله بس تبين تقدمين تنازلات كثيرة يعني تستخدمين المترو بدال التكاسي مع اني اموت بالمترو كني بزر وخلي اكلكم كلة فاست فود ودوري فنادق يكون الفطور فيها مجاني بكذا راح توفرين كثير.... بس مو مشكلة اوروبا تستاهل

مشوريين أخواني وأخواتي على ردودكم أختي الغالية أم سيف ماافهمت يعني أروبا في الشتاء أرخص من الصيف يعني تنصحيني أجل السفرة للشتاء
وأختي العزيزة همس المشاعر ياليت تفيديني بأسماء الفنادق اللي جلستوا فيها لأن الباكيج مالكم عجبني وشكلي باعمل مثله

اختي الغالية أم طفول
شوفي البكجات السياحية لدول أوروبا و بأسعار متوسطة تقريبا ً يعني مقدور على تكاليفها إن شاءلله
مثلا ُ بكج سياحي لدولتين أوروبية لمدة 14 يوم أقل من نص المبلغ اللي ذكرتيه لكن على ما أظن الفنادق 3 نجوم لكن تأكدي أنتي
بعض المكاتب السياحية يسوون بكجات لاغلب دول العالم وتزداد عروضهم في الصيف و شوفي اعلاناتهم يمكن تعجبكم
تحياتي ،،