واستفساري كيف أحجزللرحله وكم بتكلفني ؟؟ وأهم شي من كم لي كم الوقت بفتحوون بالنسبه للحجز يعتمد على الشوفير الي بيوديكم انتو نسقو وياه وخل يقعد معاكم وعلى فكره الطريج ساعه بالروحه وساعه بالرده وماتحتاجون الا تاجير ملابس 50 دولار تقريباوأين نصلي لاتحاتين اختي المسايد بكل مكان

اليوم الثاني رحلة لمغارة جعيتا
فى العودة يمكنك صعود الجبل و زيارة حريصة و ركوب التلفريك (معطل هاليومين)
الغداء فى مطعم الجنة فى بيت مرى
التسوق فى سوق الزلقا
الرجوع للفندق للاستراحة
يمكنك الذهاب لمطعم زاد الخير

اليوم الثالت والأخير أهم المناطق للسياحية والتسوق
الكورنيش (للتمشي)
شارع الحمرا (محلات تجارية) أقرب فندق كراون بلازا الحمرا
منطقة السوليدير (مطاعم + مقاهي +محلات تجارية راقيه) أقرب فندق انتركونتتنتال فينسيا
شارع فيردان (مجمعان تجاريان ماركات+ مقاهي "ستاربكس") أقرب فندق هوليدى إن ديون
مجمع abc الاشرفية (مجمع تجاري + مقاهي)
المطاعم المجربه
مطعم منير - ممتاز
مطعم مانويلا بجونية - ممتاز
مطعم ومعجنات بربر (فرع الحمرا وفرع شارع سبيرز) وعنده توصيل للفنادق
ولاتفوتكم المناقيش اللبنانية

هلا بك خيتو ان شاء الله رحله موفقه ان شاء الله يارب ..
اخوي ماقصر عطاكم جدول كامل ..تقربيا .
اهم شي اللبس لا وصيك لانه برد كثير .
تحياتي لك الجنرال ...

أين محلات قريبه وفيها كنافه بالكعك ؟؟؟بالنسبه لي انا الحلاب واهو خطوات من الفندق اللي انتو فيه تمشيله اقل من دقيقتين ومكانه مايضيع يم مطعم بربر بتدعيلي على الحلو اللي عندهم وانصحج اخذي من معمولهم صوغه حق الاهل ترا حده زوغه وبالنسبه حق جو رعد اهو بالفردان انا افضل اول ماتيين تحجزين عنده 009611795928 هذا الرقم وهم اختي توني مندلق وايد روعه ولاتحاتين اختي ترا لبنان ملمومه على بعض كل شي قريب انتي تسمعين جونيه وعاليه وغيرها واهي قريبه مثل الجهراء والرابيه صباح السالم ترا مناطقهم جذي يعني تفرينها كلها بساعتين واقل وهم لا ييتي وتبين بوتيك حق ملابس وايد حلو اهو بالروشه اقريب من شقق سافوي روحي حق لوزان وقوليله انا من طرف فراس وبتسويلج خصم ورحله سعيده يارب واي اسئله ثانيه انا حاظر

اخوي بدر
عسى عمرك طويل يارب
وربي يرزقكك كل ماتتمناه
ماقصرت وبيض الله وجهك
نردهالك بالأفراح ان شاء الله
فعلا أفدتني كثيرا
خزنت كل اللي كتبته وبطبعه الحين
==================
الجنراال
ماقصرت ع المشاركه
يعطيك العافيه يارب
==================
أتمنى تفيدوني بسواقين لان دقيت على كذا واحد
غالي
اشدعوا كلنا 4 ونبي سيارة صغيره
وعندي سؤال
كم يكلفني اخرد فلوس
دولار و ليره
وشكراا مقدما

موضووعج واايد فادني وانا نفس يوم سفرتج عالكويتيه وراح اقعد ليلتين بكورال الحمرا وبعدين اروح صوور بيت اهلنا هناك
وايد استفد من الكندري
انا حق اول الاياام خذيت 600 دولار و100 الف ليرة
تهقوون يكفي على ما نستقر ؟؟
انا جدولي تقريبا بدون ترتيب حسب الظروف وحسب الاماكن القريبة من بعض
فاريا للثلج طبعا
مجمع اي بي سي بالاشرفية وسنتر حبتور بالاشرفية
السوليدير والحمرا ودي اخذ راحتي فييهم احس راح استاانس علييهم عجأه ....
وناويه باذن الله اروح صالون جو رعد واذا عندكن رقم توني مندلق ارووحله بعد جان زين
روتانا كافيه اذا برووحلها شلون ؟ حجز ويسوا او اشيله من الجدول ؟؟؟
منطقة جبيل قالولي تراشيه وفيها سوق جبيل ترااثي
بعلبك فيها سوق قدييم واثار اذا ماني غلطاانه
الروشة وجعيتا مادر اذا اقدر اروح يوم واحد للمكانين
شرايكم ؟؟؟؟
ابي افكاار بعد بليز يمكن هذي اول مشااركة لي بالنتدى

طلب ثااني بليز
اذا تعرفون اماكن سهر راقيه ومحترمه ؟؟؟ وجم تكلف تقريبا مع العشا
ثانكيو

1. طبعا اليوم الاول :


2. اليوم الثاني :


3. اليوم الثالث :


4. اليوم الرابع :


5. معلومات مهمه :

طبعا اليوم الاول :

راح يكون الوصول ويفضل دائما السكن في بيروت عند الوصول الى الفندق و الراحه شوي عقب اطلع على السولدير وتمشى العشا في مطعم " البلد اللبناني بالسولدير" ( اكل طيب ولبناني فقط وسعر معقول ) وبعدها السهرة في احد مقاهي السولدير واختار احدهم " بيتي كافيه ، روتانا كافيه ، جراند كافيه وغيرهم " وبعدها الرجوع الى الفندق

اليوم الثاني :

الاتجاه الى متحف المشاهير في زوق مصبح وبعدها مغارة جعيتا وبعدها النزول الى جونيه والتمشي فيها والغدا فيها وافضل انا مطعم " منويلا" في اول شارع المعاملتين وبعدها أسال او توجه الى تلفريك جونية وراح يصعد الى مقام السيدة حريصا منظر وطله جميل جدا ..وعند الانتهاء الذهاب الى مجمع سيتي مول عن طريق اوتوستراد بيروت راح يكون على اليمين والتمشي فيها والتسوق ودخول السينما وفي مطعم جميل اذا ماخانتي الذاكره فيه واسمه " ناندوز على ماظن " اكله حلو لمحبين الفلفل واذا العشا غير هالمطعم عندك مطعم الاييطالي بفندق السفير وعندك مطعم عبدالوهاب بالاشرفية وبعدها اكيد السولدير والسهرة ماتحلى الا فيه

اليوم الثالث :

زيارة الشوف ويتضمن " مغارة كفر حيم نسخه جعيتا ولكن يسمح التصوير فيها وصغيرة ، زيارة عاصمة الامراء بلدة دير القمر ، وبها بيت الدين " يصكر الساعه 3 ونص العصر " ، وبها قلعة موسى المعماري معلم سياحي فيه عبر كثيرة ، نهر الباروك والتشمي بالمنطقة فهي جدا جدا جميلة لمحبين الطبيعه الخلابة وبعدها التوجه الى مجمع abc الاشرفية وافضل العشا فيه للتغير ويضم مجموعه كبيرة جدا من المطاعم بأنواعها ***

اليوم الرابع :

الى مجنونة لبنان " صيدا " تمشي فيها وشوف جمال بحرها و زيارة قلعة صيدا وعند الانتهاء والرجوع الى بيروت يجب يجب المرور على مطعم الحان فهو اكل بحري جميل جدا ، وبعدها تكملة اليوم في بيروت والذهاب الى مجمع هوليدي ان ديونز او برج حمود لمن يبحث عن الاسعار وقلتها وبعدها السهرة في احد المقاهي وانا افضل السولدير بعد :
اليوم الخامس :
التوجه الى الجبل بحمدون ،او عاليه او برمانه والاستمتاع بالغدا فيها او الجلوس بأحد المقاهي
في برمانه عندك البتي كافيه المقر الاصلي ، والمطاعم منير وبرج الحمام وقصر فخر الدين
اما بحمدون افضل الجلسة داخل فندق السفير منظر وجو ولا اروع والمطاعم يوجد الوجبات السريعه ويوجد مطعم الجنه بحمدون جميل
اجمل منطقتين هم برمانه و بحمدون واه عليها بالصيف

معلومات مهمه :

احرص على التدقيق في كل شي فاتورة مطعم فندق مقهى بقالة محل لا تيأس عادي وخصوصا هاذي ميزة فجميع دول العربية وهي استغلال السائح واهم الاماكن اللي تحرص على التدقيق فيها المطاعم والمقاهي ترى ماهو عيب لو تجيب الفاتروة وتشوف شنو طلبت وشنو مسجل ، ناقش وجادل وافصل بالسعر في المحلات لاتكون صيده سهلة وحاول بعد انك تعطي سعر معقول للسلعه وتقارن سعرك بسعر المحل ..؟
منقول
مطعم منير لايفوتك ومطعم ليلي ABC