وعليكم السلام , وحياك الله

• هل احتاج الى جواز ام فقط بطاقة شخصية (جديدة) ؟

تكفي البطاقة الجديدة (اللي فيها شريحة مدمجة)
2- صرف العملة اين يمكنني صرفها في السعودية وهل بطاقة الصرف السعودية تعمل هناك ام الافضل استخدام بطاقة فيزا في عملية الشراء وهل تكلفة عاليه في الصرف عن طريقها ؟
أي محل صرف عملات , بالنسبة لبطاقة الصرف دام مكتوب عليها فيزا (او فيزا الكترون) اكييد تعمل
3- تأجير السيارات هل الافضل اخذها من المطار وماهي المستندات المطلوبه؟
تحتاج رخصة القيادة (واتوقع بطاقة ائتمانية)
4- هي يوجد في فندق في الجابرية ؟
الجابرية ماعندي فكرة بس فيه بالمناطق القريبة مثل حولي والسالمية
5- اماكن زيارة تنصحوني بها خلال المدة مع العلم اني بدون عايلة؟
الاماكن كثيرة - عندك المواضيع المثبتة والتقارير (طب وتخير)
6- هل استطيع استخدام جوالي موبايلي هناك ؟ ام الافضل استخراج شريحة موقته من هناك وماهي افضل شركة؟
نعم ممكن تفعيل خدمة التجوال الدولي , وممكن ايضا شراء شريحة هاتف من الكويت (اوفر)
بالتوفيق ,,,

شكرا لك اخي الكريمولكن خدمة تجوال موبايلي هل تفي بالغرض علما انني مضطر لاستخدام جي بي اس للتنقل بستخدام الهاتف المحمول ؟
+
ماهو مبلغ المناسب لمدة 4 ايام بلسعودي ويقابله بلكويتي ؟
حفظك الله

حياك الله اخوي في بلدك الكويت
في مطار الكويت وانت طالع عدة شركات اتصال
عندهم عروض كثيرة للخطوط المؤقته تقدر تختار اللي يناسبك
واكيد الافضل انك تشتري خط من الكويت

السكن افضل في السالميه اذا تبي تكون قريب من الجابريه
المبلغ على حسب مصروفك انت تحدد يمكن اقولك 250 دينار تكون اشويه عليك وايد يعتمد
الهواتف برايي تاخذ زين من المطار

back2reality
الجي بي اس يشتغل بدون نت عادي

وفقكم الله جميعاً
ي أخوان قرأت من شروط تأجير السيارة الرخصة الدولية ؟ من اين احصل عليها
ام الرخصة الحالية تفي مع العلم انها لم تنتهي
حفظكم الله

اخي بارك الله فيك
هل يجب استخراج بطاقة فيزا ام فقط البطاقة العاديه في عملية شراء والتاجير عند المطار و عند فندق ومافرق بينها وبين فيزا ؟
ارجو افادتي حفظك الله

تأجير السيارات والفنادق فيزا
المشتريات عادي من كرتك

1- هل احتاج الى جواز ام فقط بطاقة شخصية (جديدة) ؟
الله اعلم ولكن الكويتي يسافر للسعوديه بالبطاقه المدنيه مو شرط الجواز
2- صرف العملة اين يمكنني صرفها في السعودية وهل بطاقة الصرف السعودية تعمل هناك ام الافضل استخدام بطاقة فيزا في عملية الشراء وهل تكلفة عاليه في الصرف عن طريقها ؟
البطاقات السعوديه تشتغل بالكويت طبيعي وانا استخدم بطاقه البنك الكويتيه في السعوديه
افضل صرف في منطقه الفحيحيل ولكنها بعيده شوي عنك
الافضل انا اسويها بكل مره اسحب في بطاقتي الكويتيه من السعوديه بالعمله المحليه
انت سوي مثلي بس بالعكس يعني بطاقتك السعوديه اسحب من الكويت بالعمله الكويتيه
انا بالكويت مرات استخدم الفيزا بالمشتريات عادي ومو تكلفه عاليه ابدا
3- تأجير السيارات هل الافضل اخذها من المطار وماهي المستندات المطلوبه؟
المطار ممتاز ولكن الاسعار مرتفعه شوي لك عليها
ولاحظ امر مهم قانونا ممنوع توقع على كمبياله على بياض للسياره
العقد فقط وان وافقت توقع على كمبياله لازم يحط بيانات السياره بالكامل في الكمبياله
واسأل عن التأمين بالضبط واستفسرالمطلوبات جواز السفر ورخصه القياده السعوديه
الكامري الجديد من 10 الى 12 دينار كويتي على حسب الموديل وفي المناطق الخارجيه اقل
انتبه لايزيد عليك
اسأله مهم لا تنسى عن عدد الكيلو متر الي يحق لك تستخدم باليوم
لانك لو ماعرفت وشخلت السياره مشاوير ترجع لهم وتدفع اكثر من سعر ايجار السياره
المتعارف عليه 200 كيلو باليوم يزيد الى 250 او 300 عند بعض المكاتب
وموديلات 2009 او اقل غالبا تكون مفتوحه
4- هي يوجد في فندق في الجابرية ؟
الفنادق بكل مكان بس الجابريه زحمه شوي ولكنها قريبه من كل مكان وعموما الكويت صغيره كل شي قريب منه
5- اماكن زيارة تنصحوني بها خلال المدة مع العلم اني بدون عايلة؟6- هل استطيع استخدام جوالي موبايلي هناك ؟ ام الافضل استخراج شريحة موقته من هناك وماهي افضل شركة؟
السالميه من بدايتها لشرق كل شي فيها حلو
الخطوط السعوديه شغاله بالكويت وانا استخدم خط سعودي حاليا للتواصل مع الربع
بالنسبه للشريحه كل الشركات مثل بعض
اخذ الارخص والعرض الافضل مع رصيد