ياهلاا وغلاا ياام تركي لو تعمقتي قليلآ بالتقارير الكثيره
لأصبحتي خبيره
اختي ام تركي
ياليت لو تعطيننا التواريخ
ومحطة الوصول ومحطة المغادره
ليتسنى لنا ترتيب رحلتك
وشكر آآ

هلا بك اخوي انا من زمان اقرا واتابع بس ماعرفت اجمع ..
انا ماادري محطه الوصول هل هيا فيينا والا نقدر نروح زيلامسي والا شلون ووقتنا شرايك فيه كويس من الفعاليات وغيره والا نقدم الرحله الى بعد العيد مباشره ؟
ووش افضل خطوط وخط السير وكذا .. بانتظاركم

اختي بالنسبه للترتيب
يكون كالتالي
المغادره من بلدكم الى مدينه فينا بالنمسا
البقاء بها 3 ليالي
ثم الانتقال بالقطار او السياره الى زيلامسي 5 ليالي
ثم الانتقال الى ميونخ في المانيا بالقطار والبقاء فيها ليلتنن
يصبح مجموع الليالي عشر
العوده من مطار ميونخ
يعني لما تحجز وطيران من هنا يكون الذهاب الى فينا والعوده من ميونخ
او ممكن تخلون الذهاب والعوده من ميونخ
ويصبح البرنامج الوصول الى ميونخ الباقء بها ليله واحده من الغد
الانتقال الى زيلامسي 5 ليالي
ثم سالسبورق ليلتين
ثم ميونخ ليلتين
ثم العوده للوطن
بس في نقطه حبيت انبهك لها نهايه شهر 11 هجري تصادف منتصف اكتوبر
وتكون الاجواء بارده
ما انصحك تاخذون ابنكم معكم
او اذا تقدرون تقدمونها شهر يكون افضل كثير
تحياتي

اخوي الله يجزاك خير حلو ترتيبك احس صرت على بينه بس بسأل هل فيه امكانيه اروح باريس مع هذا الجدول ؟ وكيف طريقه السفر ؟ يعني مثلا اقدر من ميونخ اروح باريس وتصير العودة من هناك ؟

نعم اختي تقدرين
عن طريق الطيران الداخلي الاقتصادي من ميونخ
او عن طريق الخطوط الفرنسيه احيان تحصليها بسعر رخيص مرره
وتصبح العوده من باريس
ويصبح افضل برنامج سياحي
فينا - سالسبورق - زيلامسي - ميونخ - باريس
بس ملاحظه فرنسا يمنع فيها لبس النقاب
تحياتي لك

رحلتنا ان شاء الله 9 اكتوبر والعودة 21 اكتوبر
معي ولدي عمره عشره شهور كيف الجو عليه ؟ والتنقلات والسياحه وهو معاي صعبه والا سهله ؟
زوجي رافض ميونخ وفرنسا يبيه بس في ربوع النمسا وانا ودي بفرنسا المهم للحين ماادري عنه بحاول معاه .. وابيكم تساعدوني في ربوع النمسا وهل السكن في زيلامسي صعب بسبب الازعاج وكثرة السياح لاننا نبي الهدوء >> سواليفي كثيره بس احس بالرهبه لاني اول مره اسافر وابي ارتب كل شي .. الحجز والفنادق كلها عن طريق الفيزا والمواصلات والاكل كيف ؟ لان زوجي مايبي يستاجر سياره هل فيه سواقين ؟