السلام عليكم
إخواني بدايةً أحب اتقدم بالشكر الجزيل لهذا المنتدى الأكثر من رائع
مع منتدى المسافرون العرب قدرنا نتجرأ ونفكر نسافر أي دولة للعالم حتى لو أول مره تروحلها
سافرت ماليزيا لأول مره وكأني رحت لها مرات ومرات بسبب متابعتي لتقارير الاخوان بالمنتدى والرد على استفسراتي اللي حطيتها .
اخواني انا ان شاءالله بسافر المانيا ( ميونيخ ) بتاريخ 27-6-2012 والعوده 8-7-2012
بصراحه محتار مادري وين اسكن ( حسب معلوماتي : ان السكن بأوربا جداً عادي لذلك اتمنى من الاخوان يفيدوني بالفنادق اللي اسكنوها بميونيخ وزلمسي وكابرون )
برنامجي بحطه لكم بدون سكن وانتوا لو تكرمتوا قولولي اقتراحاتكم
اول يوم وهو يوم الوصول 27-6 محتار بين السكن في ميونيخ يوم ومن ثم الانطلاق لزلمسي في اليوم التالي
ومن تاريخ 28-6 الى 3-7 تكون بزلمسي وكابرون ( التقسيمه عاد شلون ما ادري انتوا قولوا اقتراحكم لاني متوهق )
بعدين تاريخ 4-7 لي نيه اطير من ميونيخ لبرشلونه لمدة يومين وارجع بتاريخ 6-7-2012
واخر يومين بتكون ان شاءالله بميونيخ
اقتراحاتاكم لاهنتوا
هم ابي اقتراحاتكم بأجار السياره ولاتقولون قير عادي لاني ماعرف
وبالختام اشكركم جميعاً