جنات9559
20-08-2022 - 10:22 pm
سؤالي للآباء وللامهات خصوصا ، فكوني ام لعدة اطفال صغار اعمارهم مابين السنتين والاربع سنوات ونصف ، اود من جربوا تجربة السفر مع اطفال بهذا العمر ان يفيدوني بتجربتهم لأنني وزوجي ننوي القيام برحلة اوروبية لمدة عشرين يوم تنطلق من الكويت الى ميونيخ ، ثم وعبر السيارة المستأجرة سنذهب الى سالزبورج وفيينا ثم بركسل ثم باريس وقد نقرر الذهاب ايضا داخل المانيا الى دوسلدورف
فهل مثل هذه الرحلة ستكون مناسبة للاطفال وغير متعبة لهم ؟ وهل ستكون بالقطار افضل واريح لهم من السيارة ام ان السيارة افضل؟
مرحبا
اعتقد ان البرنامج شوي متعب لكن ممكن لو تحذفون فيينا يكون افضل كثير
لأنه اذا كانت ميونيخ هي محطة الوصول فسالزبورغ و فيينا في اتجاه و دسلدورف و بروكسل و باريس في الاتجاه المعاكس فراح يكون كثير عليكم ( انصحك ترجع للخريطه )
على فكره دسلدورف تقع على الطريق من ميونيخ الى بروكسل و ممكن تكون محطة توقف حلوه لثلاث او اربع ايام
ميونيخ تبعد ساعه و نص عن سالزبورغ
و ساعتين الا ربع عن انسبروك
و خمس ساعات عن فيينا
و في الاتجاه الثاني ميونيخ تبعد خمس ساعات تقريبا عن دسلدورف
دسلدورف ساعتين عن بروكسل
بروكسل ثلاث ساعات عن باريس
نصيحتي لكم انكم تخلون برنامجكم كالتالي :
ميونيخ > دسلدورف > بروكسل > باريس
من ميونيخ تقدرون تطلعون بنفس اليوم على سالزبورغ او انسبروك او ثنتينهم اذا حبيتوا و ترجعون
اذا كنتوا بتختارون فسالزبورغ افضل من انسبروك و الثنتين حلوات
و ممكن بدال دسلدورف تروحون مدينه ثانيه عندكم هذي الخيارات
شتوتغارت ، فرانكفورت ، كولون ، بون ، آخن
من بروكسل ممكن تزورون مدينة انتورب تبعد عنها ربع ساعه بس
هذا موقع للخرايط الاوروبيه و يعطيك المسافات بين المدن بدقه
http://www.viamichelin.com/
طبعن السفر مع الأطفال بالسياره افضل بكثير من القطار لأنك مش ملتزم بوقت معين و لا راح تتعب مع العفش في محطات القطار ( بعض الأحيان تحتاج تنزل في المحطه و تبدل القطار ) و تقدر توقف متى ما بغيت ترتاح و تمشي الأطفال شوي في المحطات و الطرقات جدا مرتبه و راح تشوف مناظر طبيعيه حلوهعلى فكره السفر بالسياره اوفر بعد
لا تنسون تبلغون مكتب السيارات انكم محتاجين تستأجرون كرسي اطفال لأن السياقه بدون كرسي الطفل مخالفه في اوروبا
ما يحتاج اقول ان النافيجيتور بالسياره ضروره لا غنى عنها