هلا فيك اختي
كل اللي اقدر اقوله الله يعوض عليكم
بالنسبة لاسئلتك عن اندونيسيا ما شاء الله اسئلة كثيرة يبيلها صفحات كثيرة
ولكن ما الومك نفس شعورك مريت فيه باول سفرة
ولهذا بإذن الله راح ارجع لموضوعك واجاوبك على كل فقرة فيه
لي عودة عاجلة بإذن الله

اولا اختي الكريمه الله يعوضكم عن المال وبا النسبه لأسلتك
اخونا الغالي صادق الاحساس ان شاء الله ماراح يقصر معك
ونعم الرجل ..
صادق الاحساس
كل الود والاحترام..

1. بالنسبة لأهم الاماكن في جاكرتا ...


2. بالنسبة للاسواق الشعبية ......

عودة اختي لاسئلتك
بالنسبة لكاها ..........
بحط لك رابط في نهاية مداخلتي ( مشاركة رقم 12 ) بتلاقين فيه تلفونات كاها .. ولكن حتى لا تخسري قيمة مكالمات دولية اتصلي مرة وحده واطلبي منه ايميله وبعدها تواصلي معاهم بالايميل
او فيه طريقة ثانية ... اول ما توصلين للمطار فيه مكتب لهم احجزي عن طريقهم .. بس لازم يكون في بالك اكثر من مكان للسكن بحيث لو قالوا لك المكان هذا ما فيه امكانية تعطينهم البديل الثاني
ومكاتب كاها منتشرة ولكن غالبا راح تستفيدي منهم في حجز السكن بجاكرتا وباندونق اما الجبل عبارة عن منتجعات تحجزيها من نفس المكان

بالنسبة لأهم الاماكن في جاكرتا ...

• منطقة أنشول وهذه أبرز الفعاليات الموجودة فيها ( التلفريك / عالم البحار / سامودريا / ملاهي ديفنتازيا / العاب مائية / مطعم بندر جاكرتا ) ويمكن بعض الاماكن ما تناسبك عادي مو لازم تروحي لها
• حديقة تامان ميني
• الاسواق
• رحلة بحرية على الجزر القريبة من انشول

بالنسبة للاسواق الشعبية ......

للأسف ما عندي فكرة عنها ولكن لو تبين الرخص ممكن تشوفين سوق مانقادوا .. ولكن نصيحة نرى اسواقنا فيها الخبر والبركة .. يعني ما بتلاقين شيء ملف للنظر .. ولاتنسي ان هذي وجهة نظري صادرة من رجل ويمكن انتي كمرأة لك وجهة نظر ثانية او مخالفة
بالنسبة للروبيه ....
عادة اي مبلغ بالروبية اقسميه على 2400 يتحول لسعودي
ولكن فيه طريقة سريعة تقدري تحولي الروبية إلى ريال حتى بدون قسمة او آلة حاسبة
وممكن تشوفينها في الرابط اللي حاطه تحت ( مشاركة رقم 12 )
بالنسبة لاجراءات الوصول في المطار
اول شيء تعبون كرت بيوزعونه عليكم في الطيارة ولاحظي انكم تاخذون 3 كروت لك ولزوجك ولطفلك
بعد كذا تطلعون الفيزا من المطار في جاكرتا ( كل شخص عليه 25 دولار ) وبعدها تختمون الجوازات .. ولاحظي عندك خروجك من اندونيسيا بيطلبون منك 100 الف روبيه ( 40 ريال عن كل واحد فيكم )
بالنسلة لميزانية 250 ريال ...
اختي ان شاء الله تكفي كسكن ولكن لازم تركزي على السكن 4 نجوم
اختي حاولت اجاوب على اسئلتك قد ما اقدر ... ولكن حتما عندك اسئلة اكثر واكثر
وانا تحت امرك في اي تفاصيل .. بس اهم شيء انتبهي لاتهملي الرابط اللي بكتبه لك في اسفل المداخلة
لاني حاولت اكتبه بحيث يكون مفيد لاي مسافر لاندونيسيا لأول مرة
انصحك لاتخلجي من اي سؤال .. استفيدي بقدر المستطاع
والله يوفقك
https://artravelers.com/p/re/142431

أخي العزيز صادق الإحساس لله يعطيك ألف عافيه و يرزقك من حيث لاتحتسب
وربي أفدتني كثير و هذا العشم فيك
لي أسئلة برجع أطرحها لكن بعد ما أمخمخ على معلوماتك الضخمة و المفيدة و أبدا أزبط الرحلة بشكل منظم
لأني بديت اجمع معلومات بعشوائية و لابد من التنظيم و ان شاء لله بعد ماأنتهي من خطتي السياحية
بعرضها لك حتى تفيدني أكثر فرأيك جدا يهمني
وفي سؤال نسيت أسئلة بطاقة الفيزا كيف ممكن أستفيد منها اذا كان الصرف منها هناك غير آمن؟؟
و منطقة الجبل كيف الأسعار هناك؟

صادق الاحساس خطف الجو
تسلم الايادي يا كاتبنا الرائع
و نفع الله بك يا غالي و بارك فيك

دائم لحاله
آآمين يارب ولا يجعلكم تقعون في الفخ للي وقعنا فيه
شكرا اخي دايم لحاله على مرورك الكريم اسعدنا تواجدك

الطائرالجريح
مشكور على مرورك اخي الطائر الجريح بس ماعندك اي معلومات؟
زيادة الخير خيرين

1. اختي مونليزا حياك الله


2. ولكن لو تبغي اسعار اي شيء ثاني حاضر تحت امرك

اخوي الطائر الجريح اشكرك على مرورك وصدقني معرفتنا في اندونيسيا تعتبر قطرة في بحركم

اختي مونليزا حياك الله

التنظيم مهم مثل ما قلتي .. وحاولي تفتحي لك ملف في وورد وتنزلي المعلومات بشكل منظم .. مثلا خلي لكل مدينة ملف وورد خاص فيه مثل اسماء التمشيات واسماء السائقين والاسواق والمطاعم
بالنسبة لاستخدام بطاقة الفيزا يفضل تكون معكم ولكن لا تستخدميها ابدا .. لا هي ولا الصراف العادي .. خذوا معكم اما دولارات أو عملة سعودية وحولوا من هناك .. وحاولي تحافظي على الدولارات تكون جديدة وماهي مثنية علشان لا ينزل سعر الصرف .. وبالنسبة لاماكن الصرف ركزي على الصرافين اللي في الاسواق او البنوك .. ولكن صرافين الاسواق احسن من البنوك ... اهم شيء لو احد عرض عليكم يصرف لكم او انه يعرف صديق له بيعطيكم سعر جيد لا تروحوا معه .. يفضل الابتعاد عن اي طريق غير رسمي .. نقطة اخيرة وهذي من الاساسيات في الحيطة والحذر انكم ما تجمعوا فلوسكم كلها في مكان واحد ... يعني خلي شوي مع زوجك وشوي معك ولو الفندق امن خلي جزء منها في السيفتي بوكس ..
عموما اختي الحذر شيء مطلوب ولكن لا تجعلي هذا الشيء يسيطر عليكم ... يعني اهم شيء الواحد يكون حذر ولكن لا يطغى الخوف عليه وينكد عليه رحلته
بالنسبة للجبل ماني عارف قصدك اسعار ايش بالضبط ؟؟؟ السواقين في حدود 400 إلى 500 ألف في اليوم ( اتوقع انك الحين صرتي عارفة كيف تحولين الروبية للريال )

ولكن لو تبغي اسعار اي شيء ثاني حاضر تحت امرك

اختي الله يوفقك واهم شيء لاتستحين من اي سؤال ... وخصوصا انك اول مرة تسافرين خارج المملكة فلازم تسالي عن كل التفاصيل ولا تخلي شيء في نفسك .. .واي سؤال تحسي اني ما قدرت اجواب عليه نزليه في موضوع مستقل واستفيدي من الخبراء

1. 27-متحف النسيج Musium Tekstil .


2. المراكز التجارية:

السلام عليكم ورحمة الله
ابي اعرف وين مكتبك كاها مرة يقولون ب سوهارتو و مرة في اوفي راسونا؟؟
مكاتب كاها منتشره تحصلين مكتب فى المطار وهو مكتب موثوق ، وكذلك يوجد مكتب اخر مقابل الاتريوم
ومكتب اخر فى محطه القطار وهو اتعامل معه وممتاز جدا .
ابي اهم الاماكن السياحية بجاكرتا يعني نروح لجاكرتا فيها نرووح وين؟؟
هل جاكرتا فقط للتسوق؟؟ فيه اماكن مهمه تنصحون نروح لها؟؟
اين ممكن نلاقي الاسواق الشعبية؟؟
جاكرتا يكفيها ثلاثه ايام تزورين فيها
1 / مينا انشول وتجربى مطعم بندر جاكرتا للماكولات السمكيه الذيذه
ويوجد بنفس المنطقه دنيا فنتاسي لكن لاينصح الذهاب اليها ايام الاجازه السبت والاحد نظرا لزحام الشديد
وكذلك منطقة ميناء سوندا كلابا الذي كان مشهورا في عهد تجارة التوابل فإنه سيذكرك بالعصر الماضي وهذا الميناء واقع في الشاطئ الشمالي لمدينة جاكرتا حيث
يلتقى نهر شيليونج بالبحر ، وهذا المكان مناسب وجميل وتشاهدي المناظر الجميلة من إحدى السفن الشراعية التابعة
بأسطول السفن الشراعية الأخيرة في العالم .
2 عالم البحار Sea World لكن صغينون
3 جايا أنكل دريم لاند Jaya Ancol Dreamland ألعاب مائية
ويوجد كذلك الجزر الصغيرة الواقعة شمال جاكرتا في البحر الجاوي لتصبح ضمن الأماكن السياحية المزودة بالفلل الصغيرة
بعيدة عن ضوضاء المدينة و تبعد هذه الجزر عن مدينة جاكرتا حوالي بضعة كيلومترات فقط ويمكن الاستمتاع بأداء بعض أنواع النشاطات الرياضية الممتعة والمفضلة مثل الرياضة البحرية والتزحلق وصيد الأسمك والغواصة

• 4موناس Monass برج جاكرتا ويوجد في الأسفل معرض عن تاريخ إندونيسيا .
• 5 خلف الدنيا فانتاز Ancol Duniafantsi فيه مركز اليخوت والقوارب الصغيرة والكبيرة للرحلات البحرية وزيارة الجزر القريبة من جاكارتا وعلى حسب علمي تأخذ القارب ب 550 ألف لعدد 7 أشخاص رحله لجزيرتين بدون الدخوليه حقت الجزيرتين، وفيه جزر كثيرة ماعاليك إلا انك تمر المكتب السياحي (ما رينا) ألي على البحر وتختار الجزر، أما بالنسبة للقوارب فقاطعهم أنت بنفسك لأن المكتب غالي، وفيه رحلات جماعية على الفرري بأوقات معينه وتراها رخيصة (كلها عن طريق المكتب السياحي لو حبيت ترتاح وتريح اللي حولك)
• 6حديقة Taman Mini يوجد فيها مجسمات وتراث جميع الجزر الإندونيسية .
• 7 حديقة تشيبوداس Cibodas النباتية تبعد حوالي 150كم من جاكرتا .
• 8حديقة رياسينان Taman Riasenayan داخل جاكرتا.
• 9فاسر مينقو(سوق الحد( Kebun Binatang Pasar Minggy .

10-باسار سيني (سوق الفنون( Pasar Seni .
11-سوندا كالابا (بيت المراكب الشراعية( Prahulayar .
12-راقو نان (حديقة الحيوانات( Ragunan .
13-باسار بورونق (سوق الطيو (Pasar Burung .
14-أرض المعارض Jakarta Fairground Kemayoran .
15-مجموعة الألف جزيرة Pulau Seribu .
16-شارع سورافايا Jalan Suravaya .
17-منتزه شاطئ أنير Anur يبعد حوالي 90 كم من جاكرتا.
18-منتزة الليدو يبعد حوالي 80 كم من جاكرتا وفيه الطيارات الشراعية لو حبيت المغامرة الدورة ب 250 ألف لمدة ربع ساعة
19-منتجع سيلابينتانا الجبلي Selabintana الرائع في مدينة سوكابومي على بعد حوالي 120كم من جاكرتا .
20-منتزة بولابوهان راتو الساحلي Pelabuhan Ratu الفاتن وهو مطل على الشاطئ الهندي على بعد 3 ساعات من
جاكرتا بالسيارة .
21-المتحف الوطني Musium Nasional .
22-متحف تباريح جاكرتا Musium Sejarah Jakarta .
23-المتحف البحري Musium Laut .
24-متحف العرائس Musium Pengantin .
25-متحف الفنون الجميلة Musium Senayan .
26-متحف القوات المسلحة Musium Angatan Bersenjata .

27-متحف النسيج Musium Tekstil .

المراكز التجارية:

أما الأسواق فهي كثيرة جداجداجداً فيها الفخم مثل تامان أنقريك ولكن غالي غالي جدا وينفع للتمشي ومنها المتوسط مثل اتريوم ومسار بانو وبها الرخيص مثل مانقا دوا وبضاعته جيده جدا ويتوفر في جاكرتا العديد من المراكز التجارية الحديثة بجانب المراكز التجارية التقليدية مثل:
1 سوق باسر بارو. Pasar Baru عليه شوي زحمه وشوي قرف....
لكن جداً رخيص حيث تنتشر المحلات العديدة على جانبي الطريق التي تبيع الأحذية والملابس الجاهزة والساعات اليدوية من مختلف الماركات
3 سوق سينين Pasar Senen،
4 سوق بلوك إيم. Blok M
5 سوق تانه أبانج الشهير.
6 سوق أتريوم
7 سوق من قادوا وهو مركزين واحد للملابس والزينة والكمبيوتر ... والثاني للإلكترونيات ..... وعنوانه هو
WTC MANGGA DUA
Komplek Grand boutique center
8 سوق كلودوك Glodok بشارع بينانج سيا
9 سوق تشيبترا سوق رخيص وحلو
0مانجادوا ( شعبي ورخيص وكل شي فيه)
اين ممكن نلاقي الاسواق الشعبية؟؟
وفي ملاحظة الأخوه دايم يذكرون الاسعار ب الربية ولله ضاع راسي مع هالمبالغ ودي عالاقل بالدولار
بقولك طريقه سهله اقسمى اى مبلغ بالروبيه على 2 والناتج بيطلع بالسعودي مع فرق بسيط جدا
يعني المنتزهات و المطاعم اسعارها بالدولار والفلل طبعا
لاظبعا مو بالدولا الدفع بالروبيه ولكن اصرفى الدولار الى روبيه من اماكن الصرف يوجد فى اتريوم الدور الثالث محل للمجوهرات
والذهب يصرف من دولار الى روبيه وبعد يوجد محل اخر لكن انصح بالمحل الاول .
انا في الرياض كيف يكون حجز السكن؟ لما اروح احجز من هناك او كيف
انا قررت قرار مبدئي اروح جاكرتا بعدها الجبل و بعدها باندونق
الحجوزات بكل منطقة كيف انا ابي ابعد عن كل شي غالي ابي اسعار معقولة
الحجز تحصلى مكاتب هنا للحجوزات وكذلك عن طريق النت ولكن اشوف الافضل تحجزين من مطار جاكرتا
من مكتب كاها اسئلى بالمطار عن المكتب ويدولونك . يعرض لك جميع الشقق والفنادق واسعارها .
بعد في المطار وش اول حاجة نسويها؟
نروح للسفارة السعودية هناك؟ ولله مدري وش السالفة؟؟ وهل فيه ضريبة؟ الفيزا كيف نطلعها
من هنا او من هناك؟؟ افيدوني تكفوون وتكفون تهز رجاال
اول ما تنزلين من الطياره راح تحصلى شباك للفيز بمائه الف روبيه لمدة شهر ، وانصحك بصرف مائه دولار من مطار الملك
خالد الى العمله الاندونيسيه لأن موظفين الفيزاء بمطار جاكرتا يتعذر بعدم وجود فكه لديه . واحذرى ان يضيع كرت الدخول
والورقه الاخرى الى تعبونها بالطائره فهى مطلوبه عند المغادة من اندونيسيا الى الوطن .
انا قررت قرار مبدئي اروح جاكرتا بعدها الجبل و بعدها باندونق
الحجوزات بكل منطقة
اولا قبل التوجه للجبل لابد من الاتفاق مع التاكسى ، وليس اى تكسى يقلك الى الجبل يوجد فى المواضيع المثبته
ارقام هواتف سائقين التاكسى الموثوق بهم اتفقو معاه هاتفيها على السعر وغالبا السعر من جاكرتا للجبل بين 350 الف
الى 400 الف وانتم وشطارتكم فى المكاسر ، وللحصول على فله فى الجبل عن طريق حارس الفله او عن طريق
الاستبشبن اذ كان منتجع واانصحك بمنتجع جياكرتا فهو نظيف وامان وجميل ومناسب للعوائل .
نروح للسفارة السعودية هناك؟ ولله مدري وش السالفة؟؟ وهل فيه ضريبة؟
تصورين الجواز وتكتبين عليه ارجو تسجيل الجوازت لديكم وترسلينه بالفاكس الى السفارة السعوديه وتحصلين رقم السفاره
فى المواضيع المثبته ، ولايحتاج الذهاب اليهم ، ايضا صورة من الجوزات مختمه من الفندق الذى تسكنون فيه لاجل التنقل تكون معاكم دائما .
بعد فيه شي ميزانيتي بحط للسكن 250 ريال مقابل كل ليلة هل بظنكم تكفي
المنتزهات هناك كم تكلف الشخص انا و زوجي وطفلي عمره سنتين؟
0ريال ليله واحده لسكن ممتاز .
وش فيه مناطق حلوة غير اللي ذكرت واتمنى تفاصيل اكثر وربي يعافيكم ساعدوني
ردو بسرعة شكرا مقدما
خذى لفه على تقارير الاعضاء راح تفيدك كثير
نصيحه ان وجدت هى البعد عن التعامل مع المجهولين وخاصه ( بعض ) الحضارم ، احيانا الحرص والخوف يؤدي
بالانسان الى الاحتيال عليه ، فاندونيسيا بلد شعبه طيب ولايستدعى الخوف او القلق ولكن الحذر مطلوب .