م.حسن
05-08-2022 - 06:50 am
بسم الله الرحمن الرحيم...
أولا ودي أشكر من أعماق قلبي الأخ بيمو على مايبذله من جهود لأفادة الأخوان هنا في المنتدى واللي أنا واحد منهم..
طبعا أنا لي فترة هنا أقرأ مواضيع مشتته للأخوان عن أستفسارات مهمه للمسافرين طبعا الى النمسا..
وماسك ورقخ وقلم وأكتب كل شي يهمني...قلت تدري رتب الأفكار وأكتب موضوع يمكن يفيد الأخوان هنا...
بسم الله...
السؤال: أنا مقسم مبالغ السفر اللي هي طبعا حوالي 23000 ريال لمدة 3 أيام سالزبرق 4 أيام زيل أم سي ويوم فينيسيا..بحيث يكون هناك 5000 ريال كاش...و5000 ريال فيزا والباقي بطاقة atm ؟ هل هذا التقسيم مناسب؟
أنا سفري بأذن الله من دبي الى ميونخ...وعند الوصول الى مطار ميونخ راح أركب قطار على طول الى سالزبرق..
السؤال: هل تنصحون بقص تذاكر القطار من الآن عن طريق النت أو يفضل قصها هناك لدى الوصول؟من جميع النواحي طبعا...
بعد كذا راح تكون الأقامه في سالزبرق..أنا طبعا قريت تقرير الأخ بيمو بس ماذكر فيه شي عن سالزبرق...على العموم أغلب الأماكن تمت مراجعتها..
السؤال: هل تذاكر الباص شامله للترام في سالزبرق أم فقط للباصات؟
نجي حق زيل أم سي..بالنسبه للباصات هل فيه تذاكر أشتريها مره وحده حق 4 أيام للباصات والا تختلف يعني فيه تذاكر للباصات زي سالزبرق والا كيف؟؟
بالنسبه للطائره اللي من المطار ياليت تذكرون بالتفصيل طريقة شراء التذكره لا هنتوا...
أخيرا..بالنسبه للقطار اللي طالع من زيل أم سي رايح لفينيسيا..راح يكون طبعا فيه محطه توقف على سالزبرق..هل أيضا ينصح يقصها من النت الان والا يفضل عند الوصول الى زيل أم سي؟
وأخيرا..ياليت تتحملون أسئلتي لأن بصراحه هذي أول روحه لي للنمسا أما أروربا طبعا قد رحت كذا بلد وطريقة القطارات وغيرها هذي ماعندي فيها مشاكل لكن الأسئله اللي ذكرتها تقريبا هي اللي تهمني..
وأشكركم جميعا لرحابة صدوروكم...
تحيتي...
طيب ال 30 اللي دخلوا محد منهم قال أي كلمه؟؟!!
ننتظر...